ໂຮງຮຽນການເມືອງ ແຂວງຄຳມ່ວນ ສ້າງ ນັກສຶກສາໄດ້ພັນກວ່າຄົນ

   ເນື່ອງໃນໂອກາດສະເຫຼີມສະຫຼອງວັນສ້າງຕັ້ງໂຮງຮຽນການເມືອງ-ການປົກຄອງ ແຂວງຄຳມ່ວນລະບົບຊັ້ນກາງຄົບຮອບ 20 ປີ ຈັດຂຶ້ນໃນວັນທີ 17 ມັງກອນຜ່ານມາທີ່ສະໂມສອນ

21 ມີນາ ເມືອງທ່າແຂກ ແຂວງຄຳມ່ວນ ເປັນກຽດເຂົ້າຮ່ວມມີທ່ານ ໂອໄດ ສຸດາພອນ ເຈົ້າແຂວງໆຄຳມ່ວນ,ທ່ານ ອຸບົນ ມະຫາໄຊ ຮອງສະຖາບັນການເມືອງ-ການປົກຄອງແຫ່ງຊາດ,ມີບັນດາການນຳຂັ້ນແຂວງ,ເມືອງ,ອະດີດການນຳຂອງແຂວງ,ຄະນະອຳນວຍການໂຮງຮຽນການເມືອງ-ການປົກຄອງແຂວງສະຫວັນນະເຂດ,ພະນັກງານຄູ-ອາຈານຕະຫຼອດເຖິງອະດີດ ແລະນັກສຶກສາແຕ່ຮຸ່ນທີ I-XIII ເຂົ້າຮ່ວມ.

   ທ່ານ ແກ້ວອຸດອນ ບຸດສິງຂອນ ອຳນວຍການໂຮງຮຽນການເມືອງ-ການປົກຄອງ ແຂວງຄຳມ່ວນ ກ່າວວ່າ: ໂຮງຮຽນການເມືອງການປົກຄອງ ແຂວງຄຳມ່ວນໄດ້ເປີດຮຽນການເມືອງລະບົບຊັ້ນກາງຮຸ່ນທີ I ຊຶ່ງໄດ້ເລີ່ມເປີດການຮຽນການສອນໃນວັນທີ 25 ທັນວາ 2001 ດ້ານວິຊາການແມ່ນຂຶ້ນກັບສະຖາບັນການເມືອງ ແລະການປົກຄອງແຫ່ງຊາດເປັນຜູ້ກຳນົດໂຄງການຫຼັກສູດທຸກລະບົບໂດຍມີໜ້າທີ່ກໍ່ສ້າງ,ບຳລຸງຍົກລະດັບດ້ານທິດສະດີການເມືອງ ແລະການປົກຄອງໃຫ້ຖັນແຖວພະນັກງານຫຼັກແຫຼ່ງຂອງແຂວງ,ເມືອງ,ຮາກຖານ,  ອົງການທີ່ມີສຳນັກງານຕັ້ງຢູ່ພາຍໃນແຂວງ,ຄົ້ນຄວ້າທິດສະດີ ແລະພຶດຕິກຳຮັບໃຊ້ການປະຕິບັດໜ້າທີ່ການເມືອງຂອງຕົນກໍ່ຄືຮັບໃຊ້ໃຫ້ແກ່ການນຳຂອງຄະນະບໍລິຫານງານພັກ  ແລະອົງການປົກຄອງແຂວງ,ຊີ້ນຳດ້ານວິຊາສະເພາະ ແລະວິຊາການຕໍ່ສູນຝຶກອົບຮົມທິດສະດີການເມືອງ-ການປົກຄອງຢູ່ເມືອງ ແລະບັນດາພະແນກການອ້ອມຂ້າງແຂວງ.

   ຕະຫຼອດ 20 ປີແຫ່ງການເຕີບໃຫຍ່ຂະຫຍາຍຕົວຂອງໂຮງຮຽນການເມືອງ-ການປົກຄອງແຂວງສາມາດເຕົ້າໂຮມຄວາມສາມັກຄີ,ສ້າງຄວາມເຊື່ອໝັ້ນ,ຄວາມເປັນແບບຢ່າງທີ່ດີຮອບດ້ານ,ເປັນເຈົ້າການເສີມຂະຫຍາຍຫົວຄິດປະດິດສ້າງ,ຍົກສູງຄວາມຮັບຜິດຊອບໃນການຄົ້ນຄວ້າທິດສະດີ ແລະພຶດຕິກຳເພື່ອຮັບໃຊ້ເຂົ້າໃນໜ້າທີ່ການເມືອງຂອງຕົນກຳແໜ້ນກາລະໂອກາດ ແລະສິ່ງທ້າທາຍ,ຮູ້ຂຸດຄົ້ນ ແລະນຳໃຊ້ຄວາມສາມາດບົ່ມຊ້ອນຢູ່ພາຍໃນຂອງການຈັດຕັ້ງ ແລະບຸກຄົນ,ຮູ້ຍາດແຍ່ງເອົາການຊີ້ນຳ-ນຳພາຢ່າງໃກ້ຊິດ ແລະແທດເຖິງ,  ຍາດແຍ່ງເອົາບົດຮຽນການນຳພາ,ການຄຸ້ມຄອງ,ການຄົ້ນຄວ້າວິທະຍາສາດຈາກຄະນະພັກຂັ້ນເທິງຢ່າງເປັນປົກກະຕິເພື່ອພັດທະນາໂຮງຮຽນໃຫ້ເຕີບໃຫຍ່ຂະຫຍາຍຕົວສາມາດເຮັດຫຼ້ອນໜ້າທີ່ການເມືອງຂອງຕົນທີ່ພັກ ແລະລັດມອບໝາຍໃນແຕ່ລະໄລຍະ.

   ນັບແຕ່ມີການເຄື່ອນໄຫວແຕ່ຕົ້ນມາຮອດປະຈຸບັນໂຮງຮຽນການເມືອງ-ການປົກຄອງແຂວງສາມາດສ້າງນັກສຶກສາທຸກລະບົບທີ່ສຳເລັດແລ້ວປະກອບມີ: ລະບົບ 10 ວັນ(ຫຼັກສູດຄະນະພັກບ້ານ, ນາຍບ້ານ) ຮຸ່ນທີ I-II ຈຳນວນ 204 ຄົນໃນຈຳນວນ 2 ເມືອງຄື: ເມືອງທ່າແຂກ,ໜອງບົກສ່ວນອີກ 8 ເມືອງທີ່ຍັງເຫຼືອຄາດວ່າຈະເປີດໃນສົກງົບປະມານ 2018, ລະບົບ 45 ວັນ ມີ 2 ຮຸ່ນ ມີຜູ້ຮຽນຈົບ 131 ຄົນ,ລະບົບຊັ້ນຕົ້ນ 3 ເດືອນ ມີ 10 ຮຸ່ນ ມີຈຳນວນ 608  ຄົນ ແລະລະບົບຊັ້ນກາງມີ 13 ຮຸ່ນມີຈຳນວນ 784 ຄົນລວມແລ້ວນັກສຶກສາໃນລະບົບຕ່າງໆລວມທັງຄະນະພັກບ້ານທີ່ຮຽນຈົບລວມທັງໝົດຈຳນວນ 1.727 ຄົນ,ຍິງ 414 ຄົນ. 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ