ປກສ ແຂວງວຽງຈັນ ເຜີຍແຜ່ວຽກງານຕ້ານ ອັກຄີໄພທີ່ວິທະຍາໄລສ້າງຄູບ້ານເກີນ

   ອັກຄີໄພໜາຍເຖິງເຫດການທີ່ຄົນເຮົາບໍ່ເພິ່ງປາຖະໜາ ແລະ ມີບາງກໍລະນີບໍ່ສາມາດຄວບຄຸມໄດ້ໃນເມື່ອເກີດອັກຄີໄພອັນໄດ້ສ້າງຄວາມເສຍຫາຍເຖິງຊັບສີນຂອງລັດຂອງລວມໜູ່,ຊີວິດ ແລະ ຊັບສີນຂອງປະຊາຊົນຢ່າງມະຫາສານ.

   ເພື່ອເປັນການສະກັດກັ້ນບັນຫາດັ່ງກ່າວໃນວັນທີ 20 ມັງກອນ 2018 ພະແນກສະກັດກັ້ນ ແລະ ຕ້ານອັກຄີໄພ ປກສ ແຂວງວຽງຈັນ ໄດ້ລົງໂຄສະນາເຜີຍແຜ່ຝຶກອົບຮົມວຽກງານສະກັດກັ້ນ ແລະຕ້ານອັກຄີໄພທີ່ສະໂມສອນໂຮງຮຽນວິທະຍາໄລສ້າງຄູບ້ານເກີນເມືອງທຸລະຄົມ ແຂວງວຽງຈັນ ໂດຍມີທ່ານຮ້ອຍເອກ ຄຳນ້ອຍ ສີສຸວົງ ຮອງພະແນກສະກັດກັ້ນ ແລະຕ້ານອັກຄີໄພ ປກສ  ແຂວງວຽງຈັນ ໃຫ້ກຽດເຂົ້າຮ່ວມໃນພິທີທ່ານ ຄຳສິງ ຄຳທະວີ ຫົວໜ້າວິຊາລວມໂຮງຮຽນວິທະຍາໄລສ້າງຄູບ້ານເກີນ,ມີຄູອາຈານພະນັກງານ  ແລະນັກສຶກສາເຂົ້າຮ່ວມຈຳ ນວນ 307 ຄົນ.

   ທ່ານ ຮ້ອຍເອກ ຄຳນ້ອຍ ສີສຸວົງ ຮອງພະແນກສະກັດກັ້ນ ແລະຕ້ານອັກຄີໄພ ປກສ ແຂວງວຽງຈັນກໍ່ໄດ້ເຜີຍແຜ່ເອກະສານທີ່ສຳຄັນເປັນຕົ້ນ: ຄວາມຮູ້ພື້ນຖານຂອງວຽກງານສະກັດກັ້ນ ແລະ ຕ້ານອັກຄີໄພ,ເອກະສານກວດກາຄວາມປອດໄພທາງດ້ານອັກຄີໄພຊຶ່ງແຕ່ລະເອກະສານແມ່ນໄດ້ເຮັດໃຫ້ຜູ້ເຂົ້າຮ່ວມໄດ້ຮຽນຮູ້,ເຂົ້າໃຈເຖິງຜົນຮ້າຍ ແລະ ສາເຫດຂອງການເກີດອັກຄີໄພໃນແຕ່ລະຄັ້ງໂດຍມີອົງປະກອບຂອງການເກີດອັກຄີໄພ,ປັດໄຈຫຼັກທີ່ເປັນຕົ້ນເຫດທີ່ພາໃຫ້ເກີດເມື່ອເກີດອັກຄີໄພແລ້ວກໍ່ພາໃຫ້ສູນເສຍວັດຖຸເງິນຄຳເຄື່ອງຂອງທີ່ມີຄ່າຢ່າງມະຫາສານຫຼັງຈາກຄູອາຈານ ແລະນັກສຶກສາກໍ່ໄດ້ຮຽນຮູ້ເຖິງເຕັກນິກໃນການ ຊ່ວຍເຫຼືອຄົນເຈັບໃນເວລາເກີດອຸບັດເຫດ ແລະເຕັກນິກວິທີການນຳໃຊ້ບັ້ງມອດໄຟເມື່ອມີອັກຄີໄພເກີດຂຶ້ນໃນເບື້ອງຕົ້ນ.

   ໂອກາດດຽວກັນກໍໍ່ໄດ້ຍົກໃຫ້ເຫັນສະພາບອັກຄີໄພທີ່ເກີດຂຶ້ນປີ 2017 ຜ່ານມານີ້ທົ່ວແຂວງວຽງຈັນມີີອັກຄີໄພເກີດຂຶ້ນທັງໝົດ 8 ຄັ້ງລວມມູນຄ່າຜົນເສຍຫາຍທັງໝົດ 982,28    ລ້ານກີບ,ສາເຫດໃນແຕ່ລະຄັ້ງສ່ວນຫຼາຍແມ່ນເກີດຈາກໄຟຟ້າລັດວົງຈອນດັງໄຟແຕ່ງກິນ,ໃຕ້ທູບທຽນບູຊາ ແລະອື່ນໆ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

ຄຳເຫັນຜູ້ອ່ານ

ໄປເທິງສຸດ