ພິທີມອບ-ຮັບສວນອະນຸສອນສະຖານພ້ອມຮູບຫຼໍ່ປະທານໄກສອນ ພົມວິຫານ

  ພິທີມອບ-ຮັບສວນອະນຸສອນສະຖານພ້ອມຮູບຫຼໍ່ປະທານ ໄກສອນ ພົມວິຫານ ທີ່ໂຮງຮຽນກໍ່ສ້າງນາຍສິບເລກ 2 ວຽງໄຊໄດ້ຈັດຂຶ້ນໃນວັນທີ 24 ມັງກອນ ຜ່ານມາພາຍໃຕ້ການ

ເປັນປະທານທ່ານ ພົນໂທ ວິໄລ ຫຼ້າຄໍາຟອງ ຮອງລັດຖະມົນຕີກະຊວງກະຊວງປ້ອງກັນປະເທດ,ຫົວໜ້າກົມໃຫຍ່ການເມືອງກອງທັບ,ທ່ານ ສີທົນ ແກ້ວພູວົງ ປະທານແນວລາວສ້າງຊາດແຂວງຈໍາປາສັກ,ມີຫົວໜ້າຫ້ອງວ່າການກະຊວງ,ຫົວໜ້າກົມໂຄສະນາ,ຫົວໜ້າການທະຫານໂຮງຮຽນກໍ່ສ້າງນາຍສິບເລກ 2 ວຽງໄຊ,ປະທານບໍລິສັດລາວຫົງໄທຕາວິສະວະກໍາກໍ່ສ້າງຈໍາກັດ,ຄອບຄົວປ້າທອງວິນ ພົມວິຫານ ຕະຫຼອດບັນດາແຂກທີ່ຖືກເຊີນເຂົ້າຮ່ວມ.

  ທ່ານ ພົງສະຫວັນ ສໍອິນໄຊ ຕາງໜ້າບໍລິສັດຮັບເໝົາກໍ່ສ້າງຂຶ້ນຜ່ານບົດລາຍງານຜົນສໍາເລັດໃນການກໍ່ສ້າງ.ເຊິ່ງໃນນີ້ເລີ່ມລົງມືກໍ່ສ້າງແຕ່ເດືອນມີນາ 2016,ມາຮອດຕອນບ່າຍວັນທີ 24 ມັງກອນ 2018 ໄດ້ຈັດພິທີມອບ- ຮັບໂຄງການກໍ່ສ້າງສວນອະນຸສອນສະຖານປະທານ ໄກສອນ ພົມວິຫານເປັນໂຄງການທີ່ນອນໃນແຜນງົບປະມານຂອງລັດຖະບານ    ແຕ່ເປັນການສະເໜີຂອງໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ຜ່ານກະຊວງປ້ອງກັນປະເທດໂດຍມອບໃຫ້ບໍລິສັດລາວຫົງໄທຕາວິສະວະກໍາກໍ່ສ້າງຈໍາກັດເປັນຜູ້ລົງທຶນກ່ອນ 100%,ໂດຍບໍລິສັດໄດ້ຜະລິດຕາມຮູບແບບອາລິຍະບົດທ່າທາງຍີ້ມແຍ້ມແຈ່ມໃສໃນຕອນທີ່ປະທານ ໄກສອນ ພົມວິຫານ ມີອາຍຸ 48 ປີ ດ້ວຍເຄື່ອງແບບກອງທັບປົດປ່ອຍປະຊາຊົນລາວມີຂະໜາດລວງສູງ 4 ແມັດ 20 ຊັງຕີ,ໂຕໃຫຍ່ 62 ຊັງຕີແມັດ,ນ້ໍາໜັກ5,7ໂຕນ,ຜະລິດດ້ວຍທອງສໍາລິດທາງບໍລິສັດແມ່ນມີວິຊາການເພື່ອຜະລິດຕາມວິທະຍາສາດ- ສັງຄົມເພື່ອຄວາມໝັ້ນຄົງນໍາໃຊ້ຍາວນານຖືກຕ້ອງຕາມຮີດຄອງປະເພນີ.ໃນເນື້ອທີ່ 80 X 9 ຕາຕະລາງແມັດ,ໃນນັ້ນ: ສ້າງນໍ້າພຸຢູ່ໃຈກາງສວນ 2 ຈຸດ,ມີລະບົບເສັ້ນທາງເຂົ້າຫາແຕ່ລະຈຸດ,ມີລະບົບໄຟແສງສະຫວ່າງ ແລະຕົ້ໄມ້,ສວນຫຍ້າ,ສ້າງຫໍມູນເຊື້ອ 1 ຫຼັງ,ສະຖານທີ່ຢູ່ດ້ານໜ້າຕຶກອໍານວຍການໂຮງຮຽນປະມານ 20–25 ແມັດ,ຫຼັງຈາກນັ້ນກົມແຜນການ-ການເງິນຂອງກະຊວງປ້ອງກັນປະເທດຈິ່ງສ້າງເຂົ້າແຜນງົບປະມານນໍາລັດຖະບານປະຈໍາປີ2018ຕາມມູນຄ່າຂອງໂຄງການທັງໝົດ18,44 ຕື້ກີບ .

  ພ້ອມນີ້ເຈົ້າຂອງໂຄງການຂຶ້ນກ່າວຮັບ ແລະເຊັນບົດບັນທຶກຊ່ວຍຈໍາກັບປະທານບໍລິສັດລາວຫົງໄທຕາວິສະວະກໍາກໍ່ສ້າງຈໍາກັດໂດຍຊ່ອງໜ້າທ່ານ ພົນໂທ ວິໄລ ຫຼ້າຄໍາຟອງ ຮອງລັດຖະມົນຕີກະຊວງກະຊວງປ້ອງກັນປະເທດຫົວໜ້າກົມໃຫຍ່ການເມືອງກອງທັບພ້ອມຄະນະ.ຈາກນັ້ນທ່ານຂຶ້ນກ່າວບົດສັນລະເສີນພາລະກິດປະຕິວັດຂອງປະທານ ໄກສອນ ພົມວິຫານ ພ້ອມຕັດແຜ່ນຜ້າ,ປ່ອຍປຸມເປົ້າ,ຈູດທຽນໄຊລັ່ນຄ້ອງ 9 ບາດ ເປັນສີລິມຸນຄຸນພ້ອມເປີດນໍາໃຊ້ຢ່າງເປັນທາງການ.  

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ