ສາກົນປະກັນໄພມອບຊຸດກີລາໃຫ້ພະແນກ ຮສສ ຈຳປາສັກ

  ບໍລິສັດສາກົນປະກັນໄພຈໍາກັດເປັນບໍລິສັດປະກັນໄພຄົບວົງຈອນທີ່ມີສໍານັກງານໃຫຍ່ທີ່ເມືອງປາກເຊ ແຂວງຈໍາປາສັກ ໄດ້ມອບຊຸດກີລາຈໍານວນ 30 ຊຸດໃຫ້ແກ່ພະແນກແຮງງານ  ແລະ ສະຫວັດດີການສັງຄົມ (ຮສສ) ແຂວງຈຳປາສັກ ພ້ອມທັງໄດ້ສ້າງຂະບວນການເຕະບານມິດຕະພາບຮ່ວມກັນ.

  ພິທີມອບ-ຮັບຊຸດກີລາ ແລະການແຂ່ງຂັນເຕະບານມິດຕະພາບລະຫວ່າງພະແນກແຮງງານ ແລະ ສະຫວັດດີການສັງຄົມກັບບໍລິສັດສາກົນປະກັນໄພຈໍາກັດຜູ້ດຽວໄດ້ມີຂຶ້ນໃນຕອນແລງຂອງວັນທີ 25 ມັງກອນ 2018 ທີ່ເດີ່ນບານຟຸດຊໍທັນວາບ້ານຫ້ວຍປູນ ເມືອງປາກເຊ ແຂວງຈໍາປາສັກ,ໃຫ້ກຽດກ່າວມອບຊຸດກິລາໂດຍທ່ານ ຈາງຊິນຫຼຸ ປະທານບໍລິສັດສາກົນປະກັນໄພຈໍາກັດຜູ້ດຽວ ແລະກ່າວຮັບໂດຍທ່ານ ເພັດສະຫວັນ ຈັນທະພອນ ຮອງຫົວໜ້າສູນປະກັນສັງຄົມ ແຂວງຈໍາປາສັກ,ນອກນີ້ຍັງມີບັນດາທ່ານຈາກພະແນກ ຮສສ ແລະ ອ້າຍນ້ອງພະນັກງານວິຊາການພາຍໃນບໍລິສັດເຂົ້າຮ່ວມຢ່າງພ້ອມພຽງ.

  ຈຸດປະສົງໃນການສ້າງຂະບວນການແຂ່ງຂັນເຕະບານມິດຕະພາບໃນຄັ້ງນີ້ກໍ່ແມ່ນເພື່ອເປັນການສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ແລະ ເພື່ອເປັນການຮັດແໜ້ນຄວາມສາມັກຄີພິເສດລະຫວ່າງພະແນກກັບບໍລິສັດ,ທັງເປັນການແລກປ່ຽນບົດຮຽນເຊິ່ງກັນ ແລະກັນ,ຊຸດກີລາທີ່ບໍລິສັດໄດ້ນໍາມາມອບໃຫ້ໃນເທື່ອນີ້ມີຈໍານວນ 30 ຊຸດ,ລວມມູນຄ່າ 2 ລ້ານກວ່າກີບ,ສະເພາະການແຂ່ງຂັນກີລາປາກົດວ່າທີມຂອງພະແນກ ຮສສ ສາມາດເອົາຊະນະທີມຂອງບໍລິສັດສາກົນປະກັນໄພໄປໄດ້ 2-1 ປະຕູ.

                                                   

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ