ນາຍົກ ຕ້ອນຮັບຄະນະຜູ້ແທນຟີຟາພ້ອມຂັນ ບານໂລກ

  ເມື່ອຕອນບ່າຍວັນທີ 28 ມັງກອນ ຜ່ານມາທີ່ສຳນັກງານນາຍົກລົດຖະມົນຕີ,ທ່ານທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ກຽດຕ້ອນຮັບການຢ້ຽມຂໍ່ານັບຂອງ

ຕົວແທນຄະນະນຳສະຫະພັນບານເຕະສາກົນ ຫຼື ຟີຟາໃນໂອກາດນຳຂັນແຊ໋ມການແຂ່ງຂັນເຕະບານຊາຍຊີງແຊ໋ມໂລກ ຫຼື FIFA World Cup Trophy ມາໃຫ້ແຟນບານ ແລະປະຊາຊົນຊາວລາວໄດ້ຊົມເປັນຄັ້ງທຳອິດ ແລະເປັນຄັ້ງປະຫວັດສາດທີ່ ສປປ ລາວ ນຳໂດຍທ່ານ ຄຣິສຕຽນ ຄາຣອມເບີອະດີດກອງກາງທີມຊາດຝຣັ່ງຊຸດແຊ໋ມໂລກປີ 1998, ແຊ໋ມຢູໂຣ ປີ 2000 ແລະແຊ໋ມ FIFA ConfederationCup 2001,ທັງເປັນອະດີດກອງກາງສະໂມສອນຣີລ ມາດຣິດຊຸດແຊ໋ມຢູຟາແຊ໋ມປ້ຽນລີກລະດູການ 1997- 1998 ແລະ1999-2000,ພ້ອມດ້ວຍຄະນະ ແລະຜູ້ສະໜັບສະໜູນຈາກບໍລິສັດລາວໂຄຄາ-ໂຄລາບ໋ອດລິ້ງຈຳກັດ,ມີທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະກີລາ (ສສກ), ທັງເປັນຮອງປະທານຄະນະກຳມະການໂອແລມປິກແຫ່ງຊາດລາວ ຫຼື ຄອລ, ທ່ານ ສົມພູ ພົງສາ ຜູ້ຊ່ວຍລັດຖະມົນຕີ ສສກ,ຮອງປະທານ ແລະເລຂາທິການຄອລ ແລະທ່ານ ວີເພັດ ສີຫາຈັກປະທານສະຫະພັນບານເຕະແຫ່ງຊາດລາວພ້ອມດ້ວຍຄະນະເຂົ້າຮ່ວມ.

  ໂອກາດນີ້,ທ່ານ ທອງລຸນ ສີສຸລິດ ໄດ້ກ່າວຕ້ອນຮັບຢ່າງອົບອຸ່ນພ້ອມທັງຍ້ອງຍໍຊົມເຊີຍໃນການມາຢ້ຽມຢາມລາວເປັນຄັ້ງທຳອິດ ແລະການມາຄັ້ງນີ້ກໍ່ຍັງເປັນການຊຸກຍູ້ສົ່ງເສີມການເປີດປີທ່ອງທ່ຽວ ສປປ ລາວ ໃນປີ 2018 ສ້າງໃຫ້ຄົນທົ່ວໂລກຮູ້ຈັກປະເທດລາວໃຫ້ຫຼາຍຂຶ້ນ ແລະໃນໂອກາດດັ່ງກ່າວກໍ່ຂໍອວຍພອນໃຫ້ການແຂ່ງຂັນເຕະບານໂລກ 2018 ທີ່ປະ  ເທດຣັດເຊຍ ຮັບກຽດເປັນເຈົ້າພາບໃນຄັ້ງນີ້ປະສົບຜົນສຳເລັດຢ່າງຈົບງາມ.

  ສຳລັບການນຳຂັນແຊ໋ມເຕະບານໂລກ 2018 ມາທົວ ສປປ ລາວ ເປັນ ເວລາ 1 ວັນ (ວັນທີ 28 ມັງກອນ 2018) ຢູ່ນະຄອນຫຼວງວຽງຈັນຊຶ່ງມີຈຸດປະສົງຫຼັກກໍ່ເພື່ອເປັນການປຸກລະດົມໃຫ້ຄົນທົ່ວໂລກຮູ້ຈັກປະເທດລາວໃຫ້ນັບມື້ນັບຫຼາຍຂຶ້ນເລື້ອຍໆ,ໃນນັ້ນກໍ່ໄດ້ມີການນຳຂັນແຊ໋ມບານໂລກໄປອວດໂສມສູ່ສາຍຕາມວນຊົນຊາວ ລາວ ກໍ່ຄືຊາວນະຄອນຫຼວງວຽງຈັນທີ່ສູນການຄ້າວຽງຈັນເຊັນເຕີ ແລະສະໜາມກີລາເຈົ້າອານຸວົງໃນພິທີເປີດການແຂ່ງຂັນກີລາບານເຕະນັກຮຽນສາມັນຍິງ-ຊາຍຮຸ່ນອາຍຸບໍ່ເກີນ 16 ປີ ທົ່ວນະຄອນຫລວງວຽງຈັນກໍ່ຄືລາຍການໂຄປາໂຄຄາ-ໂຄລາ ລາວ ຄັ້ງທີ 2.

  ໃນການນຳຂັນແຊ໋ມບານໂລກມາຢ້ຽມຢາມ ສປປ ລາວ ໃນຄັ້ງນີ້ຖືເປັນປະເທດທີ 4 ຕໍ່ຈາກປະເທດສີລັງກາ,ມັລດິຟ ແລະ ໄທຈຸດໝາຍຕໍ່ໄປຈະໄປມາເກົາໃນວັນທີ 29 ມັງກອນ 2018.ໂດຍມີເປົ້າໝາຍຈະໄປໃຫ້ຄົບໃນຈຳນວນ 50 ປະເທດຈາກທັງໝົດ 6 ທະວີບກ່ອນນຳກັບໄປປະເທດຣັດເຊຍເຈົ້າພາບເຕະບານໂລກ 2018 ໃນເດືອນພຶດສະພານີ້ໂດຍການແຂ່ງ ຂັນເຕະບານໂລກ 2018 ຮອບສຸດທ້າຍຈະມີຂຶ້ນໃນວັນທີ 14 ມິຖຸນາ ຫາ 15 ກໍລະກົດ 2018.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ