ຊຽງຂວາງ ຊະນະເລີດ ປິ່ງປ່ອງ ຊາຍ ທົ່ວປະເທດ ຊີງຂັນລັດຖະມົນຕີ

  ນັກກີລາປິ່ງປ່ອງລູກຫຼານຊາວທົ່ງໄຫຫີນຊຸດກຽມລ່າຫຽນຄຳໃນການເປັນເຈົ້າພາບຈັດງານມະຫາກຳກີລາແຫ່ງຊາດຄັ້ງທີ 11 ຫຼື ຊຽງຂວາງເກມໃນທ້າຍປີນີ້ປະກາດສັກດາຄວ້າແຊ໋ມການແຂ່ງຂັນກີລາປິ່ງປ່ອງປະເພດທີມຊາຍທົ່ວປະເທດ ຫຼື ລາຍການຊາຈຳປາຄຳລາວໂອເພັນ 2018 ຊີງຂັນທ່ານລັດຖະມົນຕີກະຊວງສຶກສາທິການ ແລະ ກີລາ.

  ວັນທີ 29 ມັງກອນ ຜ່ານມາໄດ້ມີພິທີປິດການແຂ່ງຂັນກີລາປິ່ງປ່ອງປະເພດທີມທົ່ວປະເທດຊີງຂັນທ່ານ ລັດຖະມົນຕີ ສສກ ພາຍຫຼັງໄດ້ດຳເນີນມາແຕ່ວັນທີ 26 ມັງກອນ ຜ່ານມາ ທີ່ສູນລ້ານຊ້າງເຊັນເຕີອິນດໍສະເຕດ້ຽມ ນະຄອນຫຼວງວຽງຈັນ,ໂດຍໃຫ້ກຽດເຂົ້າຮ່ວມ ແລະມອບລາງວັນຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະກີລາ,ທັງເປັນປະທານຄະນະກຳມະການໂອແລມປິກແຫ່ງຊາດລາວ,ປະທານສະຫະພັນປິ່ງປ່ອງແຫ່ງຊາດລາວ,ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງກະຊວງ ສສກ,ທ່ານ ຕິງກົວຈ່ຽງ ປະທານບໍລິສັດຊັງຈ່ຽງ ກຣຸບ,ທ່ານ ພັນທະຈິດ ອິນທິລາດປະທານບໍລິສັດ ອິນທຣາໂຄໂປເຣຊັນ ຈຳກັດຜູ້ດຽວ ແລະທ່ານ ໂຈຈິນຟູ່ຜູ້ອຳນວຍການບໍລິສັດຊາຈຳປາຄຳລາວ ຈຳກັດ ພ້ອມບັນດາຄະນະນຳແຕ່ລະພາກສ່ວນ,ຄູຝຶກ ແລະນັກກີລາ. 

   ການແຂ່ງຂັນລາຍການດັ່ງກ່າວມີບັນດາສະໂມສອນທີ່ມາຈາກຈຳປາສັກ,ສະຫວັນນະເຂດ,ຄຳມ່ວນ,ຊຽງຂວາງ,ຫຼວງພະບາງ,ນະຄອນຫຼວງວຽງຈັນ,ກະຊວງປ້ອງກັນຄວາມສະຫງົບ (ປກສ) ແລະບັນດາສະໂມສອນອ້ອມຂ້າງສູນກາງເປັນຕົ້ນແມ່ນສະໂມສອນເອັສວີ ທີທີຊີ,ມສ ວຽງຈັນ,ບ້ານໜອງບົວທອງ,ໂຮງຮຽນມິດຕະພາບນະຄອນຫຼວງວຽງຈັນ-ໂຮ່ຈິມິນ,ມສ ສາລະຄຳ,ອາເລັກເຄື່ອງດາວ,ທິບສະຫວັນໂອໂຕ້,ຊັ່ງຈ່ຽງ ແລະສະໂມສອນໄຮໂດ ພິເສດໃນນັ້ນກໍ່ຍັງມີແຂວງອຸບົນປະເທດໄທເຂົ້າຮ່ວມໃນຈຳນວນ 120 ຄົນ,ໃນນັ້ນມີການຊີງໄຊກັນທັງໝົດ 4 ລາຍການຄື: ຮຸ່ນອາຍຸ 14 ປີ ຊາຍມີ 6 ທີມຈາກ 5 ພາກສ່ວນ, 14 ປີຍິງ ມີ 3 ທີມຈາກ 2 ພາກສ່ວນ,ຮຸ່ນອາຍຸ 18 ປີຊາຍ ມີ 13 ທີມຈາກ 9 ພາກສ່ວນ ແລະ 18 ປີຍິງມີ 5 ທີມຈາກ 5 ພາກສ່ວນສ່ວນຮຸ່ນທົ່ວໄປຊາຍມີ 13 ທີມຈາກ 12 ພາກສ່ວນ,ທົ່ວໄປຍິງມີ 3 ທີມຈາກ 3 ພາກສ່ວນ ແລະຮຸ່ນອາວຸໂສຍິງ+ຊາຍມີ 6 ທີມຈາກ 5 ພາກສ່ວນ.

  ຜ່ານການແຂ່ງຂັນໂດຍສະເພາະຮຸ່ນທົ່ວໄປປະເພດທີມຊາຍຜົນປາກົດວ່າ: ຊະນະເລີດຕົກເປັນຂອງທີມແຂວງຊຽງຂວາງ,ທີ 2 ໄທ ແລະທີ 3 ແຂວງຈຳປາສັກ ແລະເອັສວີ ທີທີຊີ ຂະນະທີ່ຮຸ່ນອາຍຸ 14 ປີຍິງ ທີ 1 ໄທ,ທີ 2 ເອັສວີ ທີທີຊີ 3,ທີ 3 ເອັສວີ ທີທີຊີ 2;ຮຸ່ນ 14 ປີຊາຍ ທີ 1 ໄທ,ທີ 2 ເອັສວີ ທີທີຊີ 4,ທີ 3 ເອັສວີ ທີທີຊີ 5 ແລະແຂວງຫຼວງພະບາງ;ຮຸ່ນ 18 ປີຍິງ ທີ 1 ໄທ,ທີ 2 ເອັສວີ ທີທີຊີ 2 ແລະທີ 3 ຫຼວງພະບາງ;ຮຸ່ນ 18 ປີຊາຍ ທີ 1 ໄທ,ທີ 2 ເອັສວີ ທີທີຊີ 1,ທີ 3 ແຂວງຈຳປາສັກ ແລະແຂວງຫຼວງພະບາງ;ຮຸ່ນທົ່ວ ໄປຍິງ ທີ 1 ເອັສວີ ທີທີຊີ 1, ທີ 2 ແຂວງຫຼວງພະບາງ ແລະທີ 3 ແຂວງສະຫວັນນະເຂດ,ຮຸ່ນອາວຸໂສຊາຍ+ຍິງ ທີ 1 ອາເລັກເຄື່ອງດາວ,ທີ 2 ແຂວງຈຳປາສັກ ແລະທີ 3 ຊັ່ງຈ່ຽງ ແລະໜອງບົວທອງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ