ສຳເລັດກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມື ລາວ-ໄທ,ໄທ-ລາວ ຄັ້ງທີ 21

  ກອງປະຊຸມຄະນະກໍາມາທິການຮ່ວມວ່າດ້ວຍການຮ່ວມມື ລາວ-ໄທ,ໄທ-ລາວ ຄັ້ງທີ 21,ໄດ້ຈັດຂຶ້ນໃນວັນທີ 2 ກຸມພາ 2018,ທີ່ແຂວງຈໍາປາສັກ,ໂດຍການເປັນປະທານຮ່ວມຂອງ  ທ່ານ ສະເຫຼີມໄຊ ກົມມະສິດ,ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ແລະທ່ານ ດອນ ປຣະມັດວິໄນ ລັດຖະມົນຕີກະຊວງການຕ່າງປະເທດແຫ່ງຣາຊະອານາຈັກໄທ, ພ້ອມດ້ວຍຫົວໜ້າເຈົ້າໜ້າທີ່ອາວຸໂສ ລາວ-ໄທ ແລະພະນັກງານຂອງພາກສ່ວນຕ່າງໆທີ່ກ່ຽວຂ້ອງຂອງທັງສອງປະເທດເຂົ້າຮ່ວມ.

  ໃນກອງປະຊຸມຄັ້ງນີ້,ສອງຝ່າຍໄດ້ຮ່ວມກັນປຶກສາຫາລື,ແລກປ່ຽນຄວາມຄິດເຫັນ ແລະ ທົບທວນຄືນຜົນການຈັດຕັ້ງປະຕິບັດບົດບັນທຶກກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມື ລາວ-ໄທ,ໄທ-ລາວ ຄັ້ງທີ 21 ໂດຍສະເພາະແມ່ນການຮ່ວມມືດ້ານຕ່າງໆທີ່ທັງສອງຝ່າຍໄດ້ປະຕິບັດຮ່ວມກັນໃນໄລຍະສອງປີຜ່ານມາ,ໃນນັ້ນມີດ້ານການເມືອງ ແລະຄວາມໝັ້ນຄົງ,ດ້ານເສດຖະກິດ,ການຮ່ວມມືເພື່ອການພັດທະນາ ແລະດ້ານອື່ນໆ,ທັງສອງຝ່າຍໄດ້ປຶກສາຫາລືບັນດາຜົນສຳເລັດ ແລະກໍານົດແຜນການຮ່ວມມືໃນຊຸມປີຕໍ່ໜ້າຮ່ວມກັນ.ໃນໂອກາດນີ້,ສອງຝ່າຍໄດ້ຮ່ວມກັນຕີລາຄາສູງຕໍ່ການພົວພັນຮ່ວມມືບ້ານໃກ້ເຮືອນຄຽງທີ່ໄດ້ຮັບການເພີ່ມທະວີເປັນກ້າວໆມາ,ຊຶ່ງສະແດງອອກໃນການແລກປ່ຽນການຢ້ຽມຢາມຂອງຄະນະຜູ້ແທນຂັ້ນຕ່າງໆນັບແຕ່ຂັ້ນການນຳຈົນເຖິງຂັ້ນວິຊາການ,ແຕ່ຂັ້ນສູນກາງລົງຮອດຂັ້ນທ້ອງຖິ່ນໃນຂະແໜງການຕ່າງໆຢ່າງເປັນປົກກະຕິ.

  ໃນໂອກາດດັ່ງກ່າວນີ້,ສອງຝ່າຍໄດ້ຈັດພິທີມອບ-ຮັບໂຮງໝໍແຂວງບໍ່ແກ້ວ ແລະໂຮງໝໍເມືອງປາກຊ່ອງ,ຊຶ່ງເປັນໂຄງການຊ່ວຍເຫຼືອລ້າຈາກລັດຖະບານໄທ,ຕາງໜ້າຝ່າຍໄທກ່າວ ມອບໂດຍທ່ານ ດອນ ປຣະມັດວິໄນ,ລັດຖະມົນຕີກະຊວງການຕ່າງປະເທດແຫ່ງຣາຊະອານາຈັກໄທ ແລະຕາງໜ້າຝ່າຍລາວກ່າວຮັບໂດຍທ່ານ ສະເຫຼີມໄຊ ກົມມະສິດ,ລັດຖະມົນຕີກະຊວງການຕ່າງປະເທດແຫ່ງ ສປປ ລາວ.ຫຼັງຈາກນັ້ນ,ທ່ານລັດຖະມົນຕີກະຊວງການຕ່າງປະເທດທັງສອງກໍໄດ້ພ້ອມກັນຖະແຫຼງຂ່າວກ່ຽວກັບຜົນຂອງກອງປະຊຸມຄະນະກໍາມາທິການຮ່ວມວ່າດ້ວຍການຮ່ວມມື ລາວ-ໄທ, ໄທ-ລາວ ຄັ້ງທີ 21 ຕໍ່ສື່ມວນຊົນທັງລາວ ແລະໄທ.ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມື ລາວ-ໄທ,ໄທ-ລາວ ຄັ້ງທີ 22 ຄັ້ງຕໍ່ໄປແມ່ນຝ່າຍໄທຈະເປັນເຈົ້າພາບຈັດຂຶ້ນຢູ່ທີ່ປະເທດໄທ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ