ເປີດນຳໃຊ້ໂຮງຮຽນເພື່ອນມິດຫຼັງໃໝ່

  ພິທີເປີດນຳໃຊ້ໂຮງຮຽນເພື່ອນມິດຫຼັງໃໝ່ໄດ້ຈັດຂຶ້ນຢ່າງເປັນທາງການໃນວັນທີ 29 ມັງກອນ ຜ່ານມາທີ່ບ້ານບໍ່,ໂດຍມີທ່ານ ຄໍາພຽງ ຢາຈົງວາ ຮອງເຈົ້າແຂວງໆ ອຸດົມໄຊ,ທ່ານ ທິບພະມູນ ຈັນທະລົງສີ ຕາງໜ້າກະຊວງສຶກສາທິການ ແລະກີລາ,ທ່ານ ພວງວິໄລ ອິນທະວົງ ຮອງຫົວໜ້າພະແນກສຶກສາທິການ ແລະກີລາແຂວງອຸດົມໄຊ,ມີທ່ານ ນາງ ມີນາ ຜູ້ນຳນວຍການໂຮງຮຽນເພື່ອນມິດ ແລະຜູ້ຕາງໜ້າຈາກມະຫາວິທະຍາໄລຕ່າງໆຈາກ ສ.ເກົາຫຼີພ້ອມດ້ວຍແຂກຖືກເຊີນຈາກພະແນກການອົງການ ແລະໂຮງຮຽນອ້ອມຂ້າງເຂົ້າຮ່ວມ.

   ໃນພິທີໄດ້ຮັບຟັງການລາຍງານປະຫວັດຄວາມເປັນມາຂອງໂຮງຮຽນຊຶ່ງໃນເມື່ອກ່ອນມີຊື່ວ່າໂຮງຮຽນໂຊມັງຕັ້ງຢູ່ບ້ານເຈງເມືອງໄຊ ແຂວງອຸດົມໄຊ ມີຫຼັກສູດການສອນຄືພາສາອັງກິດ ແລະເທັກຄອນໂດຈາກນັ້ນຈີ່ງໄດ້ຂະຫຍາຍເປັນໂຮງຮຽນມັດທະຍົມສົມບູນເພື່ອນມິດຕັ້ງຢູ່ບ້ານບໍ່ເມືອງໄຊ,ມີຫຼັກສູດການສອນແຕ່ ມ1-ມ7 ແລະໄດ້ສອນຕາມຫຼັກສູດການຮຽນທີ່ກະຊວງສຶກສາວາງອອກ,ໂຮງຮຽນດັ່ງກ່າວເປັນອາຄານຮຽນສອງຊັ້ນມີ 7 ຫ້ອງຮຽນມີຫ້ອງເຮັດກິດຈະກຳ,ຫ້ອງດົນຕີ,ຫ້ອງຫຼີ້ນກີລາ ແລະ ສະຖານທີ່ຈັດກິດຈະກຳອື່ນໆ. ໂຮງຮຽນແຫ່ງນີ້ແມ່ນໄດ້ຖືກສ້າງຂຶ້ນຕາມແນວທາງຂອງການສຶກສາ ແລະ ຖືກຕ້ອງຕາມກົດໝາຍບ້ານເມືອງພ້ອມທັງເນັ້ນໃຫ້ປະຕິບັດຕາມແຜນພັດທະນາການສຶກສາຂອງກະຊວງສຶກສາໄດ້ກຳນົດໄວ້ ແລະສືບຕໍ່ພັດທະນາໂຮງຮຽນດັ່ງກ່າວໃຫ້ການພັດທະນາຂຶ້ນເລື້ອຍໆ. 

  ໂອກາດດຽວກັນທ່ານ ຄຳພຽງ ຢາຈົ່ງວາ ຮອງເຈົ້າແຂວງໆອຸດົມໄຊ ກໍ່ໄດ້ຍົກໃຫ້ເຫັນວ່ານີ້ເປັນຂີດໝາຍການຍົກລະດັບຄຸນນະພາບທາງດ້ານການສຶກສາເພາະການສືກສາໃນຍຸກນີ້ແມ່ນມີຄວາມສຳຄັນຫຼາຍຍ້ອນວ່າປະເທດຂອງພວກເຮົາໃນເງື່ອນໄຂໃໝ່ນີ້ແມ່ນໄດ້ເຊື່ອມຍົງກັບກຸ່ມປະເທດອາຊຽນ ແລະສາກົນຍ້ອນແນວນີ້ມັນຈິ່ງຮຽກຮ້ອງໃຫ້ພວກເຮົາຕ້ອງໄດ້ຮຽນຮູ້ຢູ່ເລື້ອຍໆ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ