ຈາກການສູ້ຊົນກັບກາຍມາເປັນເຈົ້າຂອງທຸລະກິດຮ້ານອາຫານ

     ການຈະເປັນນັກທຸລະກິດໄດ້ ໃນປະຈຸບັນບໍ່ສຳຄັນວ່າຈະມີພື້ນຖານທີ່ດີ ຫຼືມີຄວາມຊຳນານ ທາງດ້ານການເຮັດທຸລະກິດມາກ່ອນພຽງແຕ່ສຶກສາຮຽນຮູ້ ແລະເບິ່ງຜູ້ທີ່ມີປະສົບການຮຽນຮູ້ນຳສັງຄົມບວກກັບຄວາມຮັກ ແລະພອນສະແຫວງທາງດ້ານການ ເຮັດທຸລະກິດກໍຈະເຮັດໃຫ້ເຮົາປະສົບຄວາມສຳເລັດໄດ້ເຊັ່ນກັນດັ່ງ ທ່ານ ໂຊຕິວິດ ບຸນມີ ເຈົ້າຂອງຮ້ານອາຫານວາກີວ ຊີ້ນດາດທະເລບຸບເຟ້ ທີ່ເພີ່ນມາເຖິງຈຸດນີ້ໄດ້ຈາກອະດີດທີ່ເຄີຍເປັນພະນັກງານເສີບມາກ່ອນ.

 

     ທ່ານ ໂຊຕິວິດ ບຸນມີ ເຈົ້າຂອງຮ້ານອາຫານວາກີວຊີ້ນດາດທະ ເລບຸບເຟ້ໄດ້ໃຫ້ສຳພາດວ່າ: ກ່ອນຈະມາເປັນຮ້ານອາຫານບຸບເຟ້ ວາກີວ ກັບບາດກ້າວຂອງການ ເປັນເຈົ້າຂອງຮ້ານເທົ່າທຸກວັນນີ້ ໃນເບື້ອງຕົ້ນເພີ່ນເຄີຍເປັນພະນັກ ງານເສີບມາກ່ອນ 8 ປີ ດ້ວຍການເຮັດວຽກຂະຫຍັນ ແລະຊື່ສັດ ຈຶ່ງເປັນຈຸດຜຸ່ງປະກາຍເຮັດໃຫ້ຫົວໜ້າໄວ້ເນື້ອເຊື່ອໃຈໄປໃສ ທ່ານກໍເອົາໄປນຳ ແມ່ນແຕ່ການເຮັດທຸລະກິດກໍໄດ້ຮັບໂອກາດໃຫ້ຕົນເອງໄດ້ພັດທະນາເຖິງວ່າເຮົາຈະບໍ່ມີພື້ນຖານ ຫຼືຄວາມຊຳນານທາງດ້ານການເຮັດທຸລະກິດກໍຕາມ ແຕ່ດ້ວຍການຮຽນຮູ້ບົດຮຽນ ແລະປະສົບການນຳເພິ່ນການຮຽນຮູ້ນຳສັງຄົມບວກກັບຄວາມມານະອົດທົນຂອງເຮົາເອງ ຈົນກ້າວເຂົ້າສູ່ການເປັນເຈົ້າຂອງຮ້ານເຕັມຕົວໃນເວລາຕໍ່ມາ.

     ການເຮັດທຸລະກິດຖືວ່າເປັນສິ່ງໜຶ່ງທີ່ຫຍຸ້ງຍາກສົມຄວນ ສຳລັບຜູ້ທີ່ບໍ່ມີຄວາມອົດທົນ ຫຼືທົນແຮງກົດດັນ ທັງພາຍໃນ ແລະພາຍນອກ ດັ່ງນັ້ນ ກ່ອນເພິ່ນຈະມາເຮັດ ທຸລະກິດຮ້ານອາຫານ ເພິ່ນກໍໄດ້ ໄປຝຶກຢູ່ຮ້ານອາຫານແຫ່ງໜຶ່ງທີ່ປະເທດເພື່ອບ້ານມາກ່ອນເປັນເວລາປະມານ 8 ປີ ໃນການເປັນ ພະນັກງານເສີບ, ຈາກບົດຮຽນຄັ້ງນັ້ນ ຈຶ່ງເຮັດໃຫ້ເພິ່ນມາເຖິງຈຸດນີ້ ກໍຄືມີຮ້ານເປັນຂອງຕົນເອງ ສຳລັບການເຮັດທຸລະກິດຂອງເພິ່ນ ແມ່ນໄດ້ເລີມມາແຕ່ປີ 2014 ເປັນຕົ້ນມາໂດຍມີ 12 ໂຕະ ພໍເປີດມາ ໄລຍະໜຶ່ງເຫັນວ່າສັງຄົມໃຫ້ການຕອບຮັບຢ່າງກວ້າງຂວາງ ກໍເລີຍຂະຫຍາຍເນື້ອທ່ີອອກຈາກ 12  ໂຕະມາເປັນ 50 ກວ່າໂຕະ ໂດຍທາງຮ້ານໄດ້ເນັ້ນ ເລື່ອງການບໍລິການຄວາມສະອາດພິເສດແມ່ນຄວາມສົດ ແລະລົດຊາດທີ່ເປັນເອກະລັກຂອງແຈ່ວ ສ່ວນອາຫານ ທະເລແມ່ນສັ່ງຈາກແຫຼ່ງຜະລິດມາເລີຍເປັນຕົ້ນວ່າກຸ້ງ, ຫອຍ, ປູ, ປາ ແລະອື່ນໆຫຼາຍກວ່າ 10 ຢ່າງ, ສຳລັບປະເພດຊີ້ນມີ ຊີ້ນໝູ ງົວ ໄກ່ ແລະອື່ນໆ ພ້ອມທັງມີ ຂອງຫວານກະແລັມ, ໝາກໄມ້ ແລະນໍ້າຫວານ, ສ່ວນລາຄາຜູ້ໃຫຍ່ 69.000 ກີບ ແລະເດັກນ້ອຍ 29.000 ກີບ .

     ນອກນັ້ນ ທ່ານ ຍັງໃຫ້ຮູ້ອີກວ່າກ່ອນຈະກ້າວມາເຖິງຈຸດນີ້ໄດ້ ນອກຈາກການຮຽນຮູ້ໃນການເຮັດທຸລະກິດ, ຮຽນຮູ້ບໍລິຫານກິດຈະການ ແລະບໍລິຫານຄົນເພື່ອ ເຮັດໃຫ້ທຸລະກິດເດີນໜ້ານັ້ນ ອີກໜຶ່ງບົດຮຽນແມ່ນການສ້າງເພື່ອນ ຮ່ວມງານໃຫ້ກາຍມາເປັນຫຸ້ນສ່ວນໂດຍເຫັນໄດ້ບົດຮຽນໃນໄລຍະຜ່ານມາ ກໍຄືການຫັນຈາກພະນັກງານມາເປັນຂາຫຸ້ນເພື່ອໃຫ້ເຂົາເຈົ້າໄດ້ມີສ່ວນຮ່ວມຖ້າຫາກເຂົາເຈົ້າເປັນຂາຫຸ້ນແລ້ວເຂົາຈະມີແຮງກະຕຸ້ນຢູ່ຕະຫຼອດເວລາ ເພາະເຂົາ ກໍເປັນເຈົ້າຂອງຮ້ານຄືກັນເວລາ ມອບວຽກໄປເຂົາຈະເຮັດວຽກ ໄດ້ເຕັມທີ່ ໂດຍບໍ່ຈຳເປັນຕ້ອງລໍຖ້າ ແຕ່ເງິນເດືອນຖ້າເຮັດບໍ່ດີທຸລະກິດ ກໍໄປບໍ່ໄດ້ແຕ່ຖ້າເຮັດດີແນ່ນອນກໍ ຈະເຮັດໃຫ້ຮ້ານມີກຳໄລຫຼາຍ ແລະທຸກຄົນກໍຈະໄດ້ສ່ວນແບ່ງຫຼາຍເຊັ່ນກັນ.

     ແນວໃດກໍຕາມ ສຳລັບລູກຄ້າ ທ່ານໃດສົນໃຈຢາກໃຊ້ບໍລິການ ຫຼືຢາກໄປກິນອາຫານທະເລແບບສົດໆ ແລະລາຄາກໍເປັນກັນເອງ ຂໍເຊີນໄປແວະລອງຊີມໄດ້ທີ່ ຮ້ານຂອງເພິ່ນຕັ້ງຢູ່ບ້ານສະພັງມຶກ ເມືອງໄຊທານີ ນະຄອນຫຼວງວຽງຈັນ ຢູ່ກົງກັນຂ້າມກັບປ້ຳນ້ຳມັນບ້ານຊ້າງຄູ້ ທາງໄປໂຮງຮຽນ ມຊ ຊຶ່ງມີພະນັກງານອັດທະຍາໃສ ດີຄອຍບໍລິການທ່ານຫຼາຍກວ່າ 30 ຄົນ ເປີດໃຫ້ບໍລິການເລີ່ມແຕ່ 17:00 -22:00 ໂມງທຸກໆມື.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ