ສາລະວັນ ເຄື່ອນໄຫວແລກປ່ຽນບົດຮຽນ ທີ່ແຂວງເຊກອງ

 ຄະນະນຳຄູ-ອາຈານນຳໂດຍທ່ານ ມະນີຊົງ ລືສີສະໝຸດ ຫົວໜ້າໂຮງຮຽນການເມືອງ-ການປົກຄອງ ແຂວງສາລະວັນ (ຮມປຂ)ພ້ອມດ້ວຍນັກສຶກສາຮຸ່ນທີ XI ໄດ້ເຄື່ອນໄຫວທັດສະນະສຶກສາແລກປ່ຽນບົດຮຽນກັບໂຮງຮຽນການເມືອງ-ການປົກຄອງ (ຮມປຂ) ແຂວງເຊກອງຊຶ່ງໄດ້ຮັບການຕ້ອນຮັບຈາກທ່ານ ບຸນທັນ ຈູມຈັນທະວົງ ຫົວໜ້າ ຮມປຂ ເຊກອງ ແລະພະນັກງານຄູ-ອາຈານພ້ອມດ້ວຍນັກສຶກສາຮຸ່ນທີ 9,10 ໄດ້ເຂົ້າຮ່ວມຕ້ອນຮັບຢ່າງພ້ອມພຽງ.

 ໃນພິທີທ່ານ ບຸນທັນ ຈູມຈັນທະວົງ ໄດ້ລາຍງານໂດຍຫຍໍ້ກ່ຽວກັບສະພາບການຊີ້ນຳ-ນຳພາຂອງໂຮງຮຽນຕົນໃຫ້ຮູ້ວ່າ: ການເຄື່ອນໄຫວຊີ້ນຳ-ນຳພາແມ່ນບົນພື້ນຖານແນວທາງຂອງພັກ,ຂໍ້ກໍານົດກົດລະບຽບ ແລະທິດຊີ້ນຳຂອງຂັ້ນເທິງ,ປະຕິບັດລະບອບແບບແຜນວິທີເຮັດວຽກຕາມຫຼັກການລວມສູນປະຊາທິປະໄຕ,ແບ່ງງານ,ແບ່ງຄວາມຮັບຜິດຊອບຢ່າງຈະແຈ້ງຄື: ມີຄະນະໂຮງຮຽນ 3 ທ່ານ,ໄດ້ນຳພາເຄື່ອນໄຫວຈັດຕັ້ງປະຕິບັດຄໍາຂັວນຂອງໂຮງຮຽນວາງອອກ,ນອກນີ້ຄະນະພັກຂັ້ນເທິງໄດ້ເອົາໃຈໃສ່ລົງໃກ້ຊິດຕິດແທດຊີ້ນຳ-ນຳພາ,  ຕິດຕາມ,ກວດກາການເຄື່ອນໄຫວຢ່າງເປັນປົກກະຕິພ້ອມທັງພັດທະນາພື້ນຖານໂຄງລ່າງຢ່າງຕໍ່ເນື່ອງຊຶ່ງປະຈຸບັນນມີອາຄານຮຽນ 1 ຫຼັງ,ປະກອບມີຫ້ອງຮຽນ;ຫ້ອງສຳມະນາ;ຫ້ອງສະໝຸດ,ຫ້ອງຄອມພິວເຕີ,ມີຫ້ອງການເຮັດວຽກ 1 ຫຼັງປະກອນມີ 12 ຫ້ອງເຮັດວຽກ,ມີຫໍພັກນັກຮຽນ,ຫໍພັກພະນັກງານ ແລະກໍາລັງປະຕິບັດໂຄງການກໍ່ສ້າງຫໍພັກນັກສຶກສາຫຼັງໃໝ່.

 ດ້ານການຈັດຕັ້ງປະຕິບັດໂຄງການຫຼັກສູດການຮຽນ-ການສອນໄດ້ປະຕິບັດຢ່າງຄົບຖ້ວນຕາມຂໍ້ກຳນົດຂອງສະຖາບັນການເມືອງ ແລະການປົກຄອງແຫ່ງຊາດວາງອອກຊຶ່ງພວກເຮົາມີແຜນແມ່ບົດເພື່ອເຄື່ອນໄຫວເປັນແນວທາງໃນການປະຕິບັດການຮຽນ-ການສອນ,ຕິດຕາມອາຈານຂຶ້ນຫ້ອງສິດສອນ,ນັກສຶກສາແຕ່ລະຄົນຕ້ອງປະຕິບັດລະບຽບວ່າດ້ວຍນັກສຶກສາຢ່າງເຂັ້ມງວດ,ໄດ້ຈັດຕັ້ງການປະເມີນຄຸນນະພາບຂອງນັກສຶກສາທີ່ຮຽນຈົບແລ້ວ,ຕິດພັນກັບການຫັນພະນັກງານລົງຮາກຖານຕິດຕາມເບິ່ງຜົນການກໍ່ສ້າງ ແລະ ຊົມໃຊ້ພະນັກງານທີ່ຮຽນຈົບແລ້ວມີການປ່ຽນແປງຄືແນວໃດເປັນຕົ້ນດ້ານຄວາມຮູ້-ຄວາມສາມາດ,ນອກຈາກນີ້ໂຮງຮຽນຍັງໄດ້ເຮັດການປະເມີນຜົນການປິຕິບັດໜ້າທີ່ຂອງນັກສຶກສາທີ່ຮຽນຈົບໄປແລ້ວເພື່ອເກັບກຳສະພາບການບັນຈຸ,ສັບຊ້ອນ ແລະຄຸນນະພາບການປະຕິບັດໜ້າທີ່ການເມືອງຂອງແຕ່ລະຄົນ,ຜ່ານການລົງປະເມີນຜົນຕົວຈິງເຫັນໄດ້ວ່າທຸກຄົນລ້ວນແຕ່ໄດ້ເປັນພະນັກງານຮຸ່ນສືບທອດທີ່ດີຂອງພາລະກິດປະຕິວັດ,ຫຼາຍຄົນໄດ້ຖືກບັນຈຸສັບຊ້ອນເຂົ້າໃນຕໍາແໜ່ງບໍລິຫານໃນລະດັບຕ່າງໆກວມ 90%,ເຂົາເຈົ້າໄດ້ກາຍເປັນພະນັກງານນຳພາຫຼັກແຫຼ່ງຂອງພາກສ່ວນຕ່າງໆຢູ່ຂັ້ນຮາກຖານ,ນອກນັ້ນໂຮງຮຽນຍັງໄດ້ເອົາໃຈໃສ່ຢ່າງຕັ້ງໜ້າບໍາລຸງສ້າງຖັນແຖວຄູ-ອາຈານໜຸ່ມ,ມາຮອດປະຈຸບັນຄູ-ອາຈານໜຸ່ມສາມາດຂຶ້ນຫ້ອງສິດສອນໄດ້ທຸກລະບົບຮຽນທີ່ໂຮງຮຽນຈັດຂຶ້ນ,ສ່ວນການປະເມີນຜົນການສິດສອນຂອງຄູ-ອາຈານທັງພາຍໃນ ແລະຄູຮັບເຊີນຢູ່ພາຍໃນແຂວງໄດ້ຈັດຕັ້ງການເຂົ້າຮ່ວມໂມງສອນ ແລະມີການຖອດຖອນບົດຮຽນລະຫວ່າງຄູອາຈານທີ່ຊໍານານງານມີປະສົບການກັບອາຈານໜຸ່ມນ້ອຍເປັນປົກກະຕິ.

 ໂອກາດດັ່ງກ່າວ,ບັນດາຄະນະນຳຄູ-ອາຈານພ້ອມດ້ວຍນັກສຶກສາທັງສອງໂຮງຮຽນໄດ້ຜັດປ່ຽນກັນປະກອບຄຳຄິດຄຳເຫັນແລກປ່ຽນບົດຮຽນເຊິ່ງກັນ ແລະກັນກ່ຽວກັບການຮຽນ-ການສອນເພື່ອນຳເອົາບົດຮຽນທີ່ດີໄປໝູນໃຊ້ໃນວຽກງານຕົວຈິງຂອງຕົນໃຫ້ປະສົບຜົນສຳເລັດດີຂຶ້ນກວ່າເກົ່າ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ