ສົ່ງແຮງງານລາວ 20 ກວ່າຄົນໄປເຮັດວຽກຢູ່ ສ.ເກົາຫຼີ

  ໃນວັນ 5 ກຸມພາ 2018 ສູນບໍລິການຈັດຫາງານ,ກະຊວງແຮງງານ ແລະ ສະຫວັດດີການສັງຄົມໄດ້ມີການຈັດສົ່ງແຮງງານລາວໄປເຮັດວຽກຢູ່ ສ.ເກົາຫຼີ ຄັ້ງທໍາອິດຈຳນວນ 26 ຄົນ

(ຊາຍ) ໃນຂະແໜງອຸດສາຫະກໍາໂດຍຈໍານວນດັ່ງກ່າວແມ່ນໄດ້ຜ່ານການສອບເສັງດ້ານພາສາເກົາຫຼີ ແລະທົດສອບດ້ານທັກສະຄວາມສາມາດ,ເຂົ້າຮ່ວມພິທີດັ່ງກ່າວໂດຍທ່ານນາງ ອານຸສອນ ຄຳສິງສະຫວັດ ຮັກສາການຫົວໜ້າກົມພັດທະນາສີມືແຮງງານ ແລະຈັດຫາງານ,ທ່ານ ຄຳແສນ ໄຊຍະວົງ ຫົວໜ້າສູນບໍລິການຈັດຫາງານພ້ອມຄະນະເຂົ້າຮ່ວມ.

  ພາຍຫຼັງໄດ້ລົງນາມບົດບັນທຶກຄວາມເຂົ້າໃຈວ່າດ້ວຍການຈັດສົ່ງແຮງງານລາວໄປເຮັດວຽກຢູ່ ສ.ເກົາຫຼີ ໃນວັນທີ 9 ກັນຍາ 2016 ທີ່ນະຄອນຫຼວງວຽງຈັນ,ສູນບໍລິການຈັດຫາງານຕາງໜ້າກະຊວງແຮງງານ ແລະສະຫວັດດີການສັງຄົມ,ເຊິ່ງເປັນຜູ້ຈັດຕັ້ງປະຕິບັດວຽກງານດັ່ງກ່າວກໍ່ໄດ້ລົງນາມຂໍ້ຕົກລົງວ່າດ້ວຍການຈັດສົ່ງແຮງງານລາວໄປເຮັດວຽກຢູ່ ສ.ເກົາຫຼີ ໃນວັນທີ 17 ຕຸລາ 2016 ທີ່ນະຄອນຫຼວງວຽງຈັນ,ຕໍ່ມາທັງສອງຝ່າຍໄດ້ຮ່ວມມືກັນກະກຽມຄວາມພ້ອມດ້ານຕ່າງໆເຊັ່ນ: ຫ້ອງເຮັດວຽກຂອງຊຽວຊານ,ຫ້ອງສອບເສັງ,ຫ້ອງເກັບຂໍ້ມູນພ້ອມທັງຍົກລະດັບຄວາມຮູ້ໃຫ້ພະນັກງານຜູ້ຮັບຜິດຊອບເຂົ້າໃຈກ່ຽວກັບລະບົບການຈັດສົ່ງແຮງງານລາວໄປເຮັດວຽກຢູ່ ສ.ເກົາຫຼີ.

  ສຳລັບການປະກາດຮັບສະໝັກຄັດເລືອກເອົາແຮງງານເພື່ອໄປເຮັດວຽກຢູ່ ສ.ເກົາຫຼີ ແມ່ນໄດ້ຈັດຂຶ້ນຈໍານວນ 2 ຄັ້ງ ແລະ ມີຜູ້ສາມາດເສັງຜ່ານດ້ານພາສາ ແລະທົດສອບທັກສະຄວາມສາມາດຂອງແຮງງານຈຳນວນ 67 ຄົນ,ໃນນີ້ 26 ຄົນແມ່ນໄດ້ສົ່ງໄປເຮັດວຽກແລ້ວໃນມື້ວັນທີ 5 ກຸມພານີ້,ໃນຂະແໜງອຸດສາຫະກຳໂດຍໃຊ້ເວລາ 3 ປີ,ພ້ອມກັນນັ້ນຍັງມີຜູ້ໃຊ້ແຮງງານຂອງ ສ. ເກົາຫຼີ ມາເຮັດສັນຍາແຮງງານຈໍານວນ 35 ຄົນ ແລະໄດ້ປະກອບເອກະສານຕ່າງໆເປັນທີ່ຮຽບຮ້ອຍແລ້ວ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ