ກະຊວງພາຍໃນ ຫວນຄືນມູນເຊື້ອວັນສ້າງຕັ້ງສະຫະພັນກຳມະບານລາວ

  ສະຫະພັນກຳມະບານກະຊວງພາຍໃນໄດ້ຈັດປາຖະກະຖາຫວນຄືນມູນເຊື້ອວັນສ້າງຕັ້ງກຳມະບານລາວຂຶ້ນວັນທີ 6 ກຸມພາ 2018 ທີ່ຫ້ອງປະຊຸມກະຊວງພາຍໃນພາຍໃຕ້ເປັນປະທານຂອງທ່ານ ສິງທະວອນ ດາລາວົງ ປະທານສະຫະພັນກຳມະບານກະຊວງພາຍໃນ ແລະມີທ່ານຮອງປະທານພ້ອມດ້ວຍສະມາຊິກກໍາມະບານພາຍໃນກະຊວງເຂົ້າຮ່ວມ.

  ທ່ານ ສິງທະວອນ ດາລາວົງ ໄດ້ເລົ່າຄືນປະຫວັດຄວາມເປັນມາ ແລະຍົກໃຫ້ເຫັນຂອງຄວາມໝາຍສຳຄັນຂອງວັນດັ່ງກ່າວວ່າ: ພາຍຫຼັງທີ່ປະເທດຊາດໄດ້ຮັບການປົດປ່ອຍ ແລະສະຖາປະນາໃນວັນທີ 2 ທັນວາ 1975 ເປັນຕົ້ນມາສະຫະພັນກໍາມະບານລາວທີ່ເປັນອົງການຕາງໜ້າໃຫ້ແກ່ຊົນຊັ້ນກໍາມະກອນ ແລະຊາວຜູ້ອອກແຮງງານໄດ້ຕັ້ງໜ້າປະກອບສ່ວນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດໂດຍສະເພາະແມ່ນໄລຍະປ່ຽນແປງໃໝ່ຮອບດ້ານຢ່າງມີຫຼັກການຂອງພັກສະຫະພັນກໍາມະບານໄດ້ເອົາໃຈໃສ່ຢ່າງຕັ້ງໜ້າໃນການສຶກສາອົບຮົມການເມືອງແນວຄິດໃຫ້ແກ່ສາມາຊິກກຳມະບານກຳມະກອນ ແລະຊາວຜູ້ອອກແຮງງານບັນດາເຜົ່າທຸກຊັ້ນຄົນໃນສັງຄົມໃຫ້ກຳໄດ້ແນວທາງນະໂຍບາຍ ຂອງພັກ-ລັດ ເພື່ອນຳໄປຜັນຂະຫຍາຍເຂົ້າໃນໜ້າທີ່ວຽກງານຮັບຜິດຊອບຂອງຕົນໃຫ້ມີຜົນສຳເລັດພ້ອມນີ້ຜູ້ເຂົ້າຮ່ວມຍັງໄດ້ຟັງບັນຍາຍຜົນສໍາເລັດກອງປະຊຸມຄົບຄະນະບໍລິຫານງານສູນກາງສະຫະພັນກໍາມະບານລາວຄັ້ງທີ 3 ສະໄໝທີ VII ພ້ອມທັງປະເມີນຜົນງານການເຄື່ອນໄຫວວຽກງານໂດຍຫຍໍ້ຂອງສະຫະພັນກຳມະບານກະຊວງພາຍໃນໃນໄລຍະຜ່ານມາ ແລະການຈັດຕັ້ງປະຕິບັດວຽກງານໃນຕໍ່ໜ້າເພື່ອແນໃສ່ເຮັດໃຫ້ການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າປະກົດຜົນເປັນຈິງ.

  ກອງປະຊຸມຄັ້ງນີ້ກໍເພື່ອເປັນການສະເຫຼີມສະຫຼອງແຫ່ງການເຕີບໃຫຍ່ຂະຫຍາຍຕົວຂອງອົງການຈັດຕັ້ງກໍາມະບານລາວຄົບຮອບ 62 ປີ (1/2/1956-1/2/2018) ໃຫ້ມີຄວາມໝາຍສຳຄັນ ແລະເປັນຂະບວນຟົດຟື້ນທັງເປັນການປູກຈິດສໍານຶກໃຫ້ແກ່ຊົນຊັ້ນກໍາມະກອນຊາວຜູ້ອອກແຮງງານບັນດາເຜົ່າໃນການເຄື່ອນໄຫວອອກແຮງແຂ່ງຂັນຈັດຕັ້ງຜັນຂະຫຍາຍເນື້ອໃນຂໍ້ແຂ່ງຂັນ 5 ເປັນເຈົ້າໃຫ້ເປັນຂະບວນການ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ