ໂຮງຮຽນເຕັກນິກຊຽງຂວາງ ແລກປ່ຽນບົດຮຽນກັບ ສປ ຈີນ

  ອາທິດຜ່ານມາທ່ານ ທອງສະຫວັນ ວີຣະຈິດ ຮອງອໍານວຍການໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງ ພ້ອມຄະນະໄດ້ຕ້ອນຮັບຄະນະຄູອາຈານຈາກມະຫາວິທະຍາໄລຊູຢັດເຊັນ ສປ ຈີນ ຊຶ່ງນໍາໂດຍທ່ານ ຫ່ວງໄອເຊີ້ງ ຄະນະບໍດີສາຍອັກສອນສາດພ້ອມຄະນະ ທີ່ຫ້ອງປະຊຸມຂອງໂຮງຮຽນ.

  ໂອກາດນີ້ທ່ານ ທອງສະຫວັນ ວີຣະຈິດ ໄດ້ກ່າວສະແດງຄວາມຕ້ອນຮັບຢ່າງອົບອຸ່ນຕໍ່ຄະນະຄູອາຈານ ແລະນັກສຶກສາຈາກມະຫາວິທະຍາໄລຊູຢັດເຊັນ ສປ ຈີນ ທີ່ໄດ້ ເລືອກເອົາໂຮງຮຽນພວກເຮົາເປັນສະຖານທີ່ທັດສະນະສຶກສາ ແລະ ແລກປ່ຽນບົດຮຽນນໍາກັນເປັນການຮັດແໜ້ນຄວາມສາມັກຄີຖານປະ ເທດໃກ້ຄຽງເວົ້າລວມເວົ້າສະເພາະແມ່ນສອງໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງ ແລະມະຫາວິທະຍາໄລຊູຢັດເຊັນໃຫ້ມີການເພີ່ມພູນຄູນສ້າງ ແລະຈະເລີນງອກງາມຂຶ້ນໄປເລື້ອຍໆ.

  ຂະນະດຽວກັນທ່ານ ຫ່ວງໄອເຊີ້ງ ຍັງໄດ້ກ່າວລາຍງານໃຫ້ຮູ້ເຖິງມະຫາວິທະຍາໄລຊູຢັດເຊັນເປັນມະຫາວິທະຍາໄລທີ່ນອນຢູ່ໃນອັນດັບຕົ້ນໆທາງພາກເໜືອຂອງປະເທດ,ປະຈຸບັນມີນັກສຶກສາຈໍານວນ 5 ພັນກວ່າຄົນກໍາລັງສຶກສາຢູ່ໃນນັ້ນມີນັກສຶກສາລາວຈໍານວນ 40 ກວ່າ ຄົນ, ຈຸດປະສົງການມາທັດສະນະຂອງຄະນະມະຫາວິທະຍາໄລຊູຢັດເຊັນຄັ້ງນີ້ແມ່ນຈະໄດ້ແລກປ່ຽນຮຽນຮູ້ເຖິງວັດທະນະທຳຮີດຄອງປະເພນີອັນດີງາມຂອງທັງສອງປະເທດໂດຍສະເພາະແມ່ນການດຳລົງຊີວິດຂອງຊາວລາວເພື່ອໃຫ້ນັກສຶກສາ ສປ ຈີນຮັບຮູ້,ເຂົ້າໃຈ,ສາມາດນໍາ ໄປເຜີຍແຜ່ຕໍ່ຄູອາຈານ,ນັກສຶກສາ ແລະປະຊາຊົນຊາວຈີນຮັບຮູ້ ແລະ ເຂົ້າໃຈໄດ້,ພ້ອມດຽວກັນນີ້ທາງມະຫາວິທະຍາໄລຊູຢັດເຊັນຍັງໄດ້ສະເໜີໃຫ້ຄູອາຈານ ແລະນັກສຶກສາ ແຂວງຊຽງຂວາງ ຜູ້ທີ່ມີຄວາມສົນໃຈຢາກໄປສຶກສາຕໍ່ລະດັບຕ່າງໆທີ່ມະຫາວິທະຍາໄລດັ່ງກ່າວ,ສາມາດປະກອບເອກະສານຕາມແບບຟອມ ແລະ ສອບຖາມລາຍລະອຽດເພີ່ມເຕີມ  ໄດ້ທາງມະຫາວິທະຍາໄລຍິນດີຕ້ອນຮັບ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ