ຮ່ວມຫາລືໃສ່ແຜນວຽກທີ່ມີຄຸນຄ່າ ແລະຄວາມເປັນທຳ

   ກະຊວງແຮງງານ ແລະ ສະຫວັດດີການສັງຄົມ (ຮສສ) ແລະ ອົງການແຮງງານສາກົນ (ILO),ໄດ້ຮ່ວມກັນຈັດກອງປະຊຸມປຶກສາຫາລືຂອງຄະນະຊີ້ນຳຕິດຕາມຊຸກຍູ້

ການຈັດຕັ້ງປະຕິບັດແຜນງານສົ່ງເສີມວຽກທີ່ມີຄຸນຄ່າ ແລະ ເປັນທຳຂຶ້ນ,ໃນວັນທີ 9 ກຸມພາ 2018,ໂດຍການເຂົ້າຮ່ວມຂອງທ່ານນາງ ໃບຄຳ ຂັດທິຍະ ຮອງລັດຖະມົນຕີກະຊວງ ຮສສ,ທ່ານ ແກຣມ ຈອນບາກເຣ ຫົວໜ້າຫ້ອງການອົງການແຮງງານສາກົນປະຈຳບາງກອກ,ທ່ານສີມຸນ ອຸ່ນລາສີ ຮອງປະທານສູນກາງສະຫະພັນກຳມະບານແຫ່ງຊາດລາວ ແລະ ທ່ານ ວັນທອງ ສິດທິກຸນ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ,ພ້ອມດ້ວຍແຂກຖືກເຊີນເຂົ້າຮ່ວມ,ເພື່ອເປັນການທົບທວນການຈັດຕັ້ງປະຕິບັດແຜນງານສົ່ົງເສີມວຽກທີ່ມີຄຸນຄ່າ ແລະ ເປັນທຳຂອງ ສປປ ລາວ ໄລຍະ 2017-2021 ແລະ ທິດທາງແຜນປະຕິບັດງານປະຈໍາປີ 2018 ໃຫ້ກ້າວເຂົ້າສູ່ການຮັບຮອງ ແລະ ນຳໄປຈັດຕັ້ງປະຕິບັດໃຫ້ບັນລຸຜົນ.

   ທ່ານນາງ ໃບຄຳ ຂັດທິຍະ ກ່າວວ່າ: ເຖິງວ່າໃນໄລຍະຜ່ານມາເສດຖະກິດຂອງລາວຈະມີການຈະຫຍາຍຕົວດີຂຶ້ນ,ແຕ່ໃນດ້ານຂອງການພັດທະນາສະຖາບັນຕະຫຼາດແຮງງານຍັງບໍ່ທັນເຂັ້ມແຂງ,ການສົ່ງເສີມວຽກທີ່ມີຄຸນຄ່າຍັງມີຄວາມທ້າທາຍຫຼາຍຢ່າງ,ດັ່ງນັ້ນເພື່ອປະຕິບັດແຜນພັດທະນາເສດຖະກິດ-ສັງຄົມແຫ່ງຊາດລັດໄດ້ວາງເປົ້າໝາຍນຳພາປະເທດອອກຈາກສະຖານະພາບການພັດທະນາປະເທດດ້ອຍພັດທະນາໃນປີ 2020 ຕົ້ນຕໍແມ່ນສຸມໃສ່ວຽກການຮັບປະກັນດ້ານລະດັບລາຍໄດ້ແຫ່ງຊາດ,ການແກ້ໄຂຄວາມສ່ຽງທາງດ້ານເສດຖະ
ກິດ ແລະ ການຂະຫຍາຍການປົກຄອງສັງຄົມ,ພ້ອມກັບວຽກງານການເຊື່ອມໂຍງກັບພາກພື້ນ ແລະ ສາກົນ,ຊຶ່ງໃນປີ 2011 ເປັນຕົ້ນມາອົງການຈັດຕັ້ງ 3 ຝ່າຍຮ່ວມກັບອົງການແຮງງານສາກົນ ແລະ ເປັນພາກສ່ວນກ່ຽວຂ້ອງໄດ້ສ້າງແຜນວຽກທີ່ມີຄຸນຄ່າ ແລະ ເປັນທຳຂຶ້ນສະບັບທຳອິດໂດຍປະກອບ 4 ເສົາຄ້ຳຄື: 1 ການສົ່ງເສີມການມີວຽກເຮັດງານທຳ ແລະການພັດທະນາສີມືແຮງງານໃຫ້ແທດເໝາະກັບການພັດທະນາຂອງປະເທດ ແລະການຫຼຸດຜ່ອນຄວາມທຸກຍາກ; 2 ການປັບປຸງການບໍລິຫານຄຸ້ມຄອງຕະຫຼາດແຮງງານ; 3 ການ
ປັບປຸງ ແລະ ການສົ່ງເສີມການຍົກຍ້ອງສັງຄົມ; 4 ການສ້າງຄວາມເຂັ້ມແຂງໃຫ້ແກ່ອົງການສາມຝ່າຍ ແລະ ການມີສ່ວນຮ່ວມຂອງສັງຄົມ.

  ໃນປີ 2017,ແຜນງານຮ່ວມມືສົ່ງເສີມວຽກທີ່ມີຄຸນຄ່າ ແລະ ເປັນທຳຂອງລາວໄລຍະ 2017-2021 ຖືກສ້າງຂຶ້ນເພື່ອສະໜັບສະໝູນການຈັດຕັ້ງປະຕິບັດບັນດາເປົ້າໝາຍບຸລິມະສິດທີ່ຕິດພັນ ແລະ ສອດຄ່ອງກັບແຜນຍຸດທະສາດການພັດທະນາເສດຖະກິດ-ສັງຄົມ 5 ປີ ຂອງລາວ,ວິໄສທັດ 2030 ແລະ ເປົ້າໝາຍການພັດທະນາແບບຍືນຍົງ (SDGs) ເປັນຕົ້ນແມ່ນສຸມໃສ່ການພັດທະນາ ແລະ ການຈັດຕັ້ງປະຕິບັດແຜນຍຸດທະສາດແຫ່ງຊາດເພື່ອສົ່ງເສີມວຽກເຮັດງານທຳໃນຊົນນະບົດ ແລະ ແຜນຍຸດທະສາດແຫ່ງຊາດດ້ານການປົກປ້ອງ
ສັງຄົມທີ່ປະກອບດ້ວຍ 4 ບຸລິມະສິດຕົ້ນຕໍ ແລະ 10 ຄາດໝາຍຜົນໄດ້ຮັບລວມມີ 45 ຕົວຊີ້ວັດເພື່ອເປັນຕົວຊີ້ບອກເຖິງໝາກຜົນຂອງການຈັດຕັ້ງປະຕິບັດແຕ່ລະຄາດໝາຍທີ່ໄດ້ວາງໄວ້ໃນແຜນງານ ແລະເຊື່ອແນ່ວ່າໃນກອງປະຊຸມຄັ້ງນີ້ບັນດາຜູ້ເຂົ້າຮ່ວມຈະໄດ້ປະກອບຄຳຄິດເຫັນໃສ່ບັນດາເນື້ອໃນທີ່ກອງປະຊຸມນຳມາປຶກສາຫາລືໂດຍສະເພາະຮ່າງແຜນງານໄລຍະ 2017-2021 ແລະແຜນປະຕິບັດງານປະຈຳປີ 2018 ເພື່ອກ້າວເຂົ້າສູ່ການຮັບຮອງ ແລະນຳໄປຜັນຂະຫຍາຍເຂົ້າໃນການຈັດຕັ້ງປະຕິບັດຕົວຈິງໃຫ້ບັນລຸຜົນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ