ອີຣານມີຄ່າມົນລະພິດສູງສຸດໃນໂລກ

   ອີ​ຣານຄອງ​ແຊ໋ມ​ເມື່ອ​ທີ່​ມີຄ່າ​ມົນ​ລະ​ພິດ​ສູງ​ທີ່​ສຸດ​ໃນ​ໂລກ ຂະນະ​ທີ່​ອິນ​ເດຍ​ເປັນ​ປະ​ເທດ​ທີ່​ມີ​ເມືອງ​ມົນ​ລະ​ພິດ​ຫຼາຍ​ທີ່​ສຸດ ​ແລະ ອົດ​ສະຕຣາລີ​ໄດ້​ຊື່ວ່າ ​ເປັນ​ປະ​ເທດ​ທີ່​ມີ​ອາກາດ​ສະອາດ​ທີ່​ສຸດ​ໃນ​ໂລກ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ຕາມ​ການ​ລາຍ​ງານ​ຂອງ​ອົງການ​ອະນາ​ໄມ​ໂລກ(WHO) ລະບຸ​ວ່າ ​ໃນ​ແຕ່ລະ​ປີ​ປະຊາກອນ​ຫຼາຍ​ກວ່າ 7 ລ້ານ​ຄົນ​ທີ່​ເສຍ​ຊີວິດ​ຈາກ​ບັນຫາ​ສຸຂະພາບ​ທີ່​ເກີດ​ຈາກ​ມົນ​ລະ​ພິດ​ທາງ​ອາກາດ​ຫຼື​ຄິດ​ເປັນ 11% ຂອງ​ສາ​ເຫດການ​ເສຍ​ຊີວິດ​ທີ່​ເກີດ​ຂຶ້ນ​ທົ່ວ​ໂລກ, ​ໂດຍ​ຄອນ​ຫຼວງ​ນີວເດ​ລີ ​ແລະ ນະຄອນ ຫຼວງປັກ​ກິ່ງ​ ​ເປັນ​ຊື່​ເມືອງ​ອັນ​ດັບ​ທຳ​ອິດ ທີ່​ຜູ້​ຄົນຈະ​ນຶກ​ເຖິງ​ເມື່ອ​ເວົ້າ​ເຖິງ​ບັນຫາ​ມົນ​ລະ​ພິດ​ທົ່ວ​ໂລກ ​ແຕ່​ລາຍ​ງານ​ສະບັບ​ນີ້​ກ່າວ​ວ່າ ບໍ່​ແມ່ນ​ທັງ 2 ​ເມືອງ ທີ່​ມີ​ມົນ​ລະ​ພິດ​ສູງ​ທີ່​ສຸດ ​ແຕ່​ເປັນ​ເມືອງຊາ​ໂບລຂອງ​ອີ​ຣານ ທີ່​​ເປັນ​ເມືອງ​ທີ່​ມີ​ມົນ​ລະ​ພິດ​ສູງ​ທີ່​ສຸດ​ໃນ​ໂລກ ​ໂດຍ​ວັດ​ແທກ​ຈາກ​ຄ່າ​ຝຸ່ນ​ລະອອງ​ຂະໜາດ​ນ້ອຍ PM 2,5 ສະ​ເລ່ຍສູງ​​ເຖິງ 217 ng/m3 (ນາ​ໂນ​ກຼາມຕໍ່​ແມັດ​ກ້ອນ) ຂະນະ​ທີ່​ຂໍ້​ກຳນົດຢູ່​ທີ່ 10 ng/m3 . ສ່ວນ​ອິນ​ເດຍ​ເປັນ​ປະ​ເທດ​ທີ່​ມີ​ເມືອງ​ຕິດ​ອັນ​ດັບ​ຄ່າ​ມົນ​ລະ​ພິດ​ສູງ​ເປັນ​ຈຳນວນ​ຫຼາຍ​ເຖິງ 9 ​ເມືອງ​ຄື: ​ເມືອງ​ກະ​ວາລິ​ອໍ, ອັລລາ​ຮາ​ບັດ, ປັດ​ທາ, ​ໄຣປູ, ​ເດ​ລີ, ລູດິນາ, ກັນ​ປູ, ​ໄຟ​ໂຣຊາ​ບັດ, ລັດ​ເນົາ ​ໂດຍ 9 ​ເມືອງ​ນີ້​ມີຄ່າ​ສະ​ເລ່ຍຝຸ່ນ​ລະອອງ​ຢູ່​ທີ່ 113-176 ng/m3 .  ຂະນະ​ທີ່​ຈີນ​ມີ 4 ຕົວ​ເມືອງຄື: ​ເມືອງ​ຊິງ​ໄຖ່, ​ເບົາ​ດິ່ງ, ສື່​ຈຽງ​ຈວງ ​ແລະ ຮັນ​ດັ້ນ ​ໂດຍມີຄ່າ​ສະ​ເລ່ຍຝຸ່ນ​ລະອອງ​ຢູ່​ທີ່ 112-128 ng/m3 .

   ອົດ​ສະຕຣາລີ ຄອງ​ແຊ໋ມປະ​ເທດ​ທີ່​ມີ​ມົນ​ລະ​ພິດ​ໃນ​ອາກາດ​ນ້ອຍ​ທີ່​ສຸດ ຄື​ມີຄ່າ​ສະ​ເລ່ຍ PM 2,5 ຢູ່​ທີ່  5,7 ng/m3​ ​ເທົ່າ​ນັ້ນ ຮອງ​ລົງ​ມາ​ແມ່ນ​ບຣູ​ໄນ, ​ໂຮ​ນລັງ, ​ເອສ​ໂຕ​ເນຍ ​ແລະ ​ແຟງ​ລັງ ຂະນະ​ທີ່​ຍີ່ປຸ່ນ​ຢູ່​ອັນ​ດັບ​ທີ່ 11 ມີຄ່າ PM2,5 ຢູ່​ທີ່ 10 ng/mສ່ວນ​ອາ​ເມ​ລິ​ກາ​ຢູ່​ອັນ​ດັບ​ທີ 17 ມີຄ່າ PM 2,5 ຢູ່​ທີ່ 12,9 ng/m​ແລະ ມາ​ເລ​ເຊຍ​ຢູ່​ອັນ​ດັບ​ທີ 19 ມີຄ່າ​ສະ​ເລ່ຍຢູ່​ທີ່ 13,2 ng/m3 .

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ