ກອງປະຊຸມຄົບຄະນະຂອງກຳມາທິການຕ່າງປະເທດ

 ໃນວັນທີ 12 ກຸມພາ 2018 ຢູ່ນະຄອນຫຼວງວຽງຈັນສະພາແຫ່ງຊາດໄດ້ຈັດກອງປະຊຸມຄົບຄະນະຂອງກຳມາທິການຕ່າງປະເທດປະຈຳປີ 2017

ໂດຍມີທ່ານ ແສງນວນ ໄຊຍະລາດຮອງປະທານສະພາແຫ່ງຊາດ,ຜູ້ຊີ້ນຳວຽກງານການຕ່າງປະເທດຂອງສະພາແຫ່ງຊາດ,ທ່ານ ເອກສະຫວ່າງ ວົງວິຈິດ ປະທານກຳມາທິການຕ່າງປະເທດສະພາແຫ່ງຊາດ,ມີບັນດາຜູ້ຕາງໜ້າຈາກກະຊວງແຜນການ ແລະການລົງທຶນ,ຄະນະກຳມາການຮ່ວມມືລາວ-ຫວຽດນາມ ແລະຄະນະກຳມະການຮ່ວມມື ລາວ-ຈີນ, ພ້ອມດ້ວຍພະນັກງານ-ລັດຖະກອນພາຍໃນສະພາແຫ່ງຊາດເຂົ້າຮ່ວມ.

 ທ່ານ ເອກສະຫວ່າງ ວົງວິຈິດ ໄດ້ລາຍງານການເຄື່ອນໄຫວວຽກງານຂອງກຳມາທິການການຕ່າງປະເທດປະຈຳປີ 2017 ແລະທິດທາງແຜນການເຄື່ອນໄຫວວຽກງານໃນຕໍ່ໜ້າຂອງກຳມາທິການຕ່າງປະເທດສະພາແຫ່ງຊາດ ໃຫ້ຮູ້ວ່າ: ຕະຫລອດໄລຍະ 1 ປີ ຜ່ານມາກຳມາທິການຕ່າງປະເທດໄດ້ເຄື່ອນໄຫວວຽກງານຂອງຕົນຢ່າງຕັ້ງໜ້າ,ຜ່ານຜ່າອຸປະສັກ ແລະ ສິ່ງທ້າທາຍຫລາຍຢ່າງແຕ່ກໍ່ສາມາດບັນລຸໄດ້ການຈັດຕັ້ງປະຕິບັດ 3 ພາລະບົດບາດຕົ້ນຕໍຂອງຕົນ,ເຊິ່ງສະແດງອອກໃນຜົນງານຕົວຈິງຫຼາຍດ້ານເປັນຕົ້ນແມ່ນວຽກງານຕິດຕາມ-ກວດກາ,ເປັນເຈົ້າການໃນການຄົ້ວຄວ້າບັນຫາສຳຄັນຂອງຊາດ,ການໃຫ້ສັດຕະຍາບັນບັນດາສົນທິສັນຍາສາກົນຕ່າງໆຫຼາຍສະບັບ ແລະປະກອບສ່ວນຊຸກຍູ້ເບື້ອງລັດຖະບານກໍຄື
ກະຊວງການຕ່າງປະເທດໃນການສ້າງກົດໝາຍວ່າດ້ວຍສົນທິສັນຍາ ແລະສັນຍາສາກົນເພື່ອພິຈາລະນາຕໍ່ກອງປະຊຸມສະພາແຫ່ງຊາດ ແລະການພົບປະແລກປ່ຽນ,ຢ້ຽມຢາມຢ່າງເປັນທາງການຂອງການນຳຂັ້ນສູງຂອງສະພາແຫ່ງຊາດລາວແບບສອງຝ່າຍ ແລະ ການເຂົ້າຮ່ວມກອງປະຊຸມອົງການລັດຖະສະພາໃນລະດັບພາກພື້ນ ແລະສາກົນ.

 ນອກຈາກນັ້ນຍັງໄດ້ຮັບຟັງການລາຍງານກ່ຽວກັບວຽກງານຊາຍແດນລາວ-ກຳປູເຈຍ,ລາວ-ຫວຽດນາມ ແລະ ລາວ-ໄທ,ວຽກງານຄຸ້ມຄອງຄົນຕ່າງປະເທດ,ບັນຫາການຍົກຍ້າຍຖີ່ນຖານຕາມລຳຟັງໃຈຢ່າງບໍ່ຖືກຕ້ອງຕາມລະບຽບກົດໝາຍ ແລະການແຕ່ງງານບໍ່ຖືກຕ້ອງຢູ່ຕາມບໍລິເວນຊາຍແດນລາວ-ຫວຽດນາມ,ການຈັດຕັ້ງປະຕິບັດກົດໝາຍ,ນິຕິກຳໃນຂົງ ເຂດການຕ່າງປະເທດ ແລະວຽກງານອື່ນໆທີ່ກ່ຽວຂ້ອງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ