ເຈົ້າແຂວງສະຫວັນນະເຂດມອບເຄື່ອງນັກຮຽນໃຫ້ໂຮງຮຽນຊົນເຜົ່າເມືອງພີນ ແລະເຊໂປນ

 ວັນທີ 10 ກຸມພາ 2018 ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍຄອບຄົວຈາກນີ້ກໍ່ມີຄອບຄົວທ່ານ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ

ມີທ່ານຫົວໜ້າເຂດເສດຖະກິດພິເສດສະຫວັນ-ເຊໂນ,ສະມາຄົມນັກທຸລະກິດຍິງ ແລະພາກສ່ວນກ່ຽວຂ້ອງຈຳນວນໜຶ່ງຂອງ ແຂວງໄດ້ພ້ອມກັນນຳເອົາຜ້າຫົ່ມ ແລະເຄື່ອງຊ່ວຍເຫຼືອໄປມອບແກ່ໂຮງຮຽນປະຖົມຊົນເຜົ່າເຊໂປນ (ໂຮງຮຽນ ມສ ຊົນເຜົ່າເມືອງເຊໂປນໃນປະຈຸບັນ) ແລະໂຮງຮຽນກິນນອນຊົນເຜົ່າໄຊພູວຽງເຂດຈຸດສຸມຫ້ວຍຫອຍ-ທູນຂາມເມືອງພີນ.          

   ສຳລັບເຄື່ອງທີ່ນຳໄປມອບໃນ ຄັ້ງນີ້ປະກອບມີ: ອຸປະກອນການຮຽນ,ອຸປະກອນກີລາ,ເຄື່ອງບໍລິໂພກ-ອຸປະໂພກ,ຜ້າຫົ່ມ,ອຸປະກອນການທຳສວນຄົວຈຳນວນໜຶ່ງຊຶ່ງຈາກການລະດົມ ແລະປະກອບສ່ວນຊ່ວຍເຫຼືອຂອງບັນດາຄອບຄົວການນຳຂອງແຂວງ,ສະມາຄົມນັກທຸລະກິດຍິງຂອງແຂວງ ແລະພະແນກການກົມກອງຈຳນວນໜຶ່ງລວມມູນຄ່າທັງໝົດຈຳນວນ 60 ລ້ານກີບຈາກນີ້ການນຳຂອງແຂວງ,ຄອບຄົວການນຳຂອງແຂວງ ແລະສະມາຄົມນັກທຸລະກິດຍິງຂອງແຂວງກໍ່ຍັງໄດ້ມອບທຶນຈຳນວນ 3 ລ້ານກີບໃຫ້ກັບໂຮງຮຽນ ມສ  ເຊໂປນເພື່ອນຳໃຊ້ເຂົ້າໃນການພັດທະນາການສຶກສາຂອງໂຮງຮຽນແຫ່ງດັ່ງກ່າວນຳອີກ.ໂຮງຮຽນກິນນອນຊົນເຜົ່າໄຊພູວຽງ ໄດ້ຖືກສ້າງຂຶ້ນໃນປີ 2004 ໂດຍແມ່ນແຫຼ່ງທຶນຂອງພາກລັດຊຶ່ງຕັ້ງຢູ່ບ້ານແກ້ງໄຊ ກວມເອົາ 3 ເຂດມີ 29 ບ້ານ,ຫ່າງຈາກເທສະບານເມືອງ 38 ກິໂລແມັດ,ໂຮງຮຽນປະກອບມີໂຮງຮຽນປະຖົມ 1 ຫຼັງ (ປ.1-ປ.5), ມັດທະຍົມ 2 ຫຼັງ (ມ.1-ມ.6),ມີຈຳນວນຄູສອນທັງໝົດ 25 ຄົນ,ອາສາສະໝັກ 13 ຄົນ,ມີຈຳນວນນັກຮຽນ 369 ຄົນ,ຍິງ 125 ຄົນ,ປະຖົມ 96 ຄົນ,ມັດທະ ຍົມ266 ຄົນໃນນີ້ມີນັກຮຽນກິນນອນ (ໃນແຜນ) 180  ຄົນ,ຍິງ 46 ຄົນ,ສ່ວນໂຮງຮຽນ ມສ ເຊໂປນ ຊຶ່ງໂຮງຮຽນແຫ່ງນີ້ແຕ່ກ່ອນເອີ້ນວ່າໂຮງຮຽນປະຖົມຊົນເຜົ່າເຊໂປນໂດຍມາໃນປີ 2015 ໄດ້ມອບໂຮງຮຽນແຫ່ງນີ້ໃຫ້ຂຶ້ນກັັບໂຮງຮຽນ ມສ ເຊໂປນ ເປັນຜູ້ຄຸ້ມຄອງປະຈຸບັນມີນັກຮຽນທັງໝົດ 1.079 ຄົນ,ຍິງ 524 ຄົນໃນນັ້ນມີນັກຮຽນຮັບເບ້ຍ ລ້ຽງ 456 ຄົນ,ຍິງ 169 ຄົນ,ນັກຮຽນໂຄງການນໍແວ 40 ຄົນ, ຍິງ18 ຄົນ,ມີຄູສອນທັງໝົດ 54 ຄົນ,ອາສາ 7 ຄົນ.

   ໂອກາດນີ້,ທ່ານ ສັນຕິພາບ ພົມວິຫານ ກໍ່ໄດ້ກ່າວເນັ້ນຢໍ້າໃຫ້ລູກຫຼານນັກຮຽນຈົ່ງພ້ອມກັນເອົາໃຈໃສ່ໃນການຮໍ່າຮຽນ ແລະຝຶກຝົນຫຼໍ່ຫຼອມຕົນເອງໃນທຸກດ້ານເພື່ອໃຫ້ກາຍເປັນນັກຮຽນທີ່ມີທັງຄວາມຮູ້ມີຄຸນສົມບັດພ້ອມດຽວກັນນີ້,ກໍ່ຮຽກຮ້ອງມາຍັງບັນດາຄູ-ອາຈານຈົ່ງເອົາໃຈໃສ່ໃນການສິດສອນ ແລະສົ່ງຄວາມຮູ້ແກ່ລູກຫຼານນັກຮຽນໃຫ້ມີຄວາມຮູ້ມີ ຄວາມສາມາດກາຍເປັນອະນາຄົດທີ່ດີຂອງປະເທດຊາດພວກເຮົາໃນຕໍ່ໜ້າ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ