11 ເມືອງທົ່ວໂລກສ່ຽງຂາດແຄນນ້ຳ

   ຜົນ​ການ​ວິ​ໄຈ​ດ້ານ​ສິ່ງ​ແວດ​ລ້ອມ​ຂອງ​ສະຫະ​ປະຊາ​ຊາດ(ສປຊ)​ເຊິ່ງລວບ​ລວມຂໍ້​ມູນ​ຈາກ​ເມືອງ​ຕ່າງໆ​ຫຼາຍກວ່າ 500 ​ແຫ່ງທົ່ວ​ໂລກ​ພົບ​ວ່າ ປະຊາກອນ​ປະມານ 1 ຕື້​ຄົນ​ທົ່ວ​ໂລກ​ເຂົ້າ​ບໍ່​ເຖິງ​ແຫຼ່ງນ້ຳ ຫຼື ບໍ່​ກໍ​ຂາດ​ແຄນ​ນ້ຳ​ກິນ​ນ້ຳ​ໃຊ້​ຕະຫຼອດ.

 

   ຕາມ​ຂ່າວຕ່າງປະ​ເທດລາຍ​ງານ​ວ່າ ມີ 11 ​ເມືອງ​ໃຫຍ່​ ຈາກ​ທົ່ວ​ໂລກ ຈະ​ພົບ​ບັນຫາ​ ການ​ຂາດ​ແຄນ​ນ້ຳ ບໍລິ​ໂພກ ຢ່າງ​ຮຸນ​ແຮງ ​ເປັນຕົ້ນ: ​ນະຄອນ ​ເຄປທາວ ຂອງອາ​ຟຣິກາ​ໃຕ້ ຈະ​ກາຍ​ເປັນ​ ແຫ່ງ​ທຳ​ອິດ ຂອງ​ໂລກ ​ທີ່ພົບ​ບັນຫາ​ ຂາດ​ແຄນ​ນ້ຳຈືດ ສຳລັບ ​ບໍລິ​ໂພ​ກ ​ເນື່ອງ​ຈາກ​ ປະລິມານ​ ນໍ້າຝົນ ​ຫຼຸດ​ລົງ​ ຕະຫຼອດ​ ໄລຍະ 3 ປີຕິ​ດຕໍ່​ກັນ ລວມທັງ​ ຄວາມ​ຕ້ອງການ​ ໃຊ້​ນ້ຳ​ເພີ່ມ​ ສູງ​ຂຶ້ນ ຈາກ​ຈຳນວນ ​ປະຊາກອນ​ ທີ່​ເພີ່ມ​ຂຶ້ນ​ ຢ່າງ​ຕໍ່​ເນື່ອງ ​ເຖິງ​ວ່າ 70%ຂອງ​ພື້ນ​ຜີວ​ໂລກ​ ຈະປົກ​ຄຸມ​ ໄປ​ດ້ວຍ​ນ້ຳ ​ແຕ່​ກັບ​ມີ​ພຽງ 3%​ ເທົ່າ​ນັ້ນ ທີ່​ເປັນນ້ຳ​ຈືດ. ປັດຈຸບັນ ປະຊາກອນ​ໂລກ 1 ຕື້ຄົນ ຂາດ​ແຄນ​ນ້ຳດື່ມ ຮຸນ​ແຮງ​ ​ແລະ ອີກ 2.700 ລ້ານ​ຄົນ ພົບ​ບັນຫາ​ນີ້​ ຢ່າງ​ໜ້ອຍ​ປີ​ລະ 1 ​ເດືອນ.

   11 ​ເມືອງ​ທີ່​ສ່ຽງ​ຂາດ​ແຄນ​ນ້ຳ​ມີ​ຄື: ​ເມືອງ​ເຊົາ​ເປົາ​ລູ ຂອງ​ບຣາຊິນ, ​ເມືອງ​ບັງ​ກາ​ລໍ ຂອງ​ອິນ​ເດຍ, ນະຄອນຫຼວງ​ປັກ​ກິ່ງ​ຂອງ​ສປ ຈີນ, ນະຄອນຫຼວງ​ໄຄ​ໄຣ ຂອງ​ເອຢິບ, ນະຄອນຫຼວງ​ຈາ​ກາ​ຕ້າ​ຂອງ​ອິນ​ໂດ​ເນ​ເຊຍ, ນະຄອນຫຼວງ​ມຸດ​ສະ​ກູ​ຂອງ​ຣັດ​ເຊຍ, ນະຄອນ​ອິສຕັນ​ບູລ ຂອງ​ຕວັກ​ກີ, ນະຄອນຫຼວງ​ເມັກ​ຊິກ, ນະຄອນຫຼວງ​ລອນ​ດອນ​ຂອງ​ອັງກິດ, ນະຄອນຫຼວງ​ໂຕ​ກຽວ​ຂອງ​ຍີ່ປຸ່ນ, ​ເມືອ​ງ​ໄມ​ອາ​ມີ​ຂອງ​ອາ​ເມ​ລິ​ກາ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ