ເສດຖະກິດຍີ່ປຸ່ນເຕີບໂຕ 8 ໄຕມາດຕິດຕໍ່ກັນ

    ຂໍ້​ມູນ​ທາງ​ການ​ຍີ່ປຸ່ນ​ລະບຸ​ວ່າ ​ເສດຖະກິດ​ຍີ່ປຸ່ນ​ຂະຫຍາຍຕົວ​ຕິດ​ຕໍ່​ກັນ​ມາ 8 ​ໄຕ​ມາດ​ທີ່​ນັບ​ຈົນ​ເຖິງ​ທ້າຍ​ປີ 2017 ນັບ​ເປັນ​ໄລຍະ​ທີ່​​ເຕີບ​ໂຕ​ທີ່​ດົນ​ທີ່​ສຸດນັບ​ຕັ້ງ​ແຕ່​ໄລ​ຍະ​ຟອງ​ສະບູ​ທ້າຍ​ປີ 1980.

 

     ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ຕົວ​ເລກ​ຜະລິດ​ຕະພັນ​ພາຍ​ໃນ(ຈີ​ດີ​ພີ)ຫົດ​ຕົວ​ເລັກ​ນ້ອຍ​ກວ່າ​ທີ່​ຄາດ​ຄະ​ເນ​ໄວ້ ​ແລະ ​ເປັນ​​ເຄື່ອງ​ສະທ້ອນ​ເຖິງ​ພາວະ​ລໍ​ຕົວ​ຈາກ​ໄຕ​ມາດ​ກ່ອນ​ໜ້າ​ນີ້ ​ແຕ່​ນັກວິ​ເຄາະ​ຍັງ​ທຳນາຍ​ວ່າ ​ເສດຖະກິດ​ຍັງ​ເຕີບ​ໂຕ​ຕໍ່​ເນື່ອງ​ຕໍ່​ໄປ ສຳນັກງານ​ຄະນະ​ລັດຖະມົນຕີ​ຍີ່ປຸ່ນ​ລາຍ​ງານ​ວ່າ​ຈີ​ດີ​ພີ ຂະຫຍາຍຕົວ​ພຽງ  0,1% ​ໃນ​ໄຕ​ມາດ​ສຸດ​ທ້າຍ​ຂອງ​ປີ 2017 ​ເຊິ່ງຫ່າງ​ຈາກ 0,6% ຂອງ​ໄຕ​ມາດ​ເດືອນ​ກໍລະກົດ-​ກັນຍາ ນັກວິ​ເຄາະ​ຄາດ​ວ່າ ການ​ຂະຫຍາຍຕົວ​ໃນ​ປັດຈຸບັນ​ຈະ​ຍັງ​ເຕີບ​ໂຕ​ຕໍ່​ເນື່ອງ. ຜູ້​ວ່າການ​ທະນາຄານ​ຍີ່ປຸ່ນ​ປະກາດ​ວ່າ ຈະ​ຍັງ​ຮັກສາ​ນະ​ໂຍບາຍ​ການ​ເງິນ​ແບບ​ຜ່ອນຄາຍ​ຕໍ່​ໄປ​ເນື່ອງ​ຈາກ​ເງິນ​ເຟີ້​ຍັງ​ບໍ່​ຮຸນ​ແຮງ.

    ຂະນະ​ທີ່​ເສດຖະກິດ​ຍີ່ປຸ່ນ​ຍັງ​​ໄດ້​ປະ​ໂຫຍ​ດຈາກ​ການ​ຂະຫຍາຍຕົວ​ຂະ​ແໜງ​ການ​ສົ່ງ​ອອກ ​ເຊິ່ງ​ໄດ້​ແຮງ​ຊຸກຍູ້​ຈາກ​ເສດຖະກິດ​ໂລກ​ຟື້ນ​ຕົວ ລວມທັງ​ປະລິມານ​ຄວາມ​ຕ້ອງການ​ພາຍ​ໃນ​ປະ​ເທດ​ເພີ່ມ​ຂຶ້ນ​ຈາກ​ການ​ເລັ່ງລົງທຶນ​ດ້ານ​ໂຄງ​ສ້າງ​ພື້ນຖານ​ກ່ອນ ​ເປັນ​ເຈົ້າພາບ​ຈັດການ​ແຂ່ງຂັນ​ກິລາ​ໂອ​ລິ​ມປິກ 2020.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ