ກະຊວງການຕ່າງປະເທດປາຖະກະຖາວັນສ້າງຕັ້ງກຳມະບານລາວ

  ກະຊວງການຕ່າງປະເທດໄດ້ຈັດພິທີປາຖະກະຖາວັນສ້າງຕັ້ງສະຫະພັນກຳມະບານລາວຄົບຮອບ 62 ປີ( 01/02/1956-01/02/2018),ຂຶ້ນໃນວັນທີ 20 ກຸມພາຜ່ານມາທີ່ກະຊວງດັ່ງກ່າວພາຍໃຕ້ການເປັນປະທານຂອງທ່ານ ສີມູນ ອຸ່ນລາສີ,ຮອງປະທານສູນກາງສະຫະພັນກຳມະບານລາວ,ມີບັນດາຄະນະພັກ,ຄະນະນຳ,ຫົວໜ້າກົມ-ຮອງກົມ,ຫົວໜ້າພະແນກ-ຮອງພະແນກ ແລະພະນັກງານລັດຖະກອນທົ່ວກະຊວງການຕ່າງປະເທດເຂົ້າຮ່ວມ.

   ທ່ານ ສີມູນ ອຸ່ນລາສີ,ໄດ້ເລົ່າປະຫວັດມູນເຊື້ອຄວາມເປັນມາ,ຄວາມໝາຍ,ຄວາມສຳຄັນ ແລະ ການເຕີບໃຫຍ່ຂະຫຍາຍຕົວຂອງສະຫະພັນກຳມະບານລາວທີ່ມີຜົນງານໂດດເດັ່ນປະກອບສ່ວນເຂົ້າໃນພາລະກິດປົດປ່ອຍຊາດໃນເມື່ອກ່ອນກໍຄືພາລະກິດປົກປັກຮັກສາ ແລະພັດທະນາປະເທດຊາດໃນປະຈຸບັນ,ສະຫະພັນກຳມະບານລາວແມ່ນກ້ອນກຳລັງແຮງໜຶ່ງ ທີ່ມີນ້ຳໃຈເສຍສະຫຼະອັນພິລະອາດຫານເຂົ້າໃນການຕໍ່ສູ້ກູ້ຊາດ,ສຸມທຸກເຫື່ອແຮງ ແລະສະຕິປັນຍາເຂົ້າຮ່ວມທຸກຂະບວນການຕໍ່ສູ້ ຂອງປະເທດຊາດທີ່ໄດ້ມອບໝາຍໃຫ້,ນັບແຕ່ທ້າຍສະຕະວັດທີ 19 ພວກຈັກກະພັດລ່າເມືອງຂຶ້ນໄດ້ເຂົ້າມາຢຶດຄອງ 3 ປະເທດອິນດູຈີນລາວ,ຫວຽດນາມ ແລະກຳປູເຈຍພວກເຂົາໄດ້ກອບໂກຍເອົາວັດຖຸສິ່ງຂອງອັນມີຄ່າຂອງ ສປປ ລາວໄປເປັນຂອງພວກເຂົາ,ກົດຂີ່ຂູດຮີດ,ທຸບຕີ,ທໍລະມານສາລະພັດ,ເຂັນຂ້າປະຊາຊົນລາວ,ຊາວຜູ້ອອກແຮງງານບັນດາເຜົ່າຢ່າງໂຫດຮ້າຍປາເຖື່ອນ.ມາຮອດວັນທີ 1 ກຸມພາ 1956 ສູນກາງພັກໄດ້ມີມະຕິຕົກລົງສ້າງຕັ້ງຫ້ອງການກຳມະບານລາວຂຶ້ນຢ່າງເປັນທາງການ,ຢູ່ເຂດທີ່ໝັ້ນແຂວງຫົວພັນ ແລະໄດ້ແຕ່ງຕັ້ງສະຫາຍ ສີສົມພອນ ລໍວັນໄຊ ເປັນຜູ້ຮັບຜິດຊອບ,ໂດຍພາຍໃຕ້ການຊີ້ນຳ-ນຳພາຂອງຄະນະສູນກາງພັກ,ເພື່ອປຸກລະດົມຂົນຂວາຍໂຄສະນາ,ເຕົ້າໂຮມເອົາກຳມະກອນຊາວຜູ້ອອກແຮງງານລາວບັນດາເຜົ່າທົ່ວປະເທດໃຫ້ມີຄວາມຕື່ນຕົວເຂົ້າຮ່ວມຂະບວນການປະຕິວັດຕໍ່ສູ້ກູ້ຊາດ,ມີນ້ຳໃຈຮັກຊາດ ແລະເສຍສະຫຼະ,ມີທັດສະນະຊົນຊັ້ນກຳມະກອນ,ສົງເສີມການມີວຽກເຮັດງານທຳ ແລະເປັນຕົວແທນໃຫ້ແກ່ການປົກປ້ອງສິດຜົນປະໂຫຍດອັນຊອບທຳໃຫ້ແກ່ກຳມະກອນ,ຊາວຜູ້ອອກແຮງງານບັນດາເຜົ່າ,ເພື່ອເປັນກຳລັງແຮງໃນການປົກປັກຮັກສາ ແລະສ້າງສາພັດທະນາປະເທດຊາດ ຈົນເຖິງປະຈຸບັນໃຫ້ມີຄວາມຈະເລີນກ້າວໜ້າຂຶ້ນເປັນກ້າວໆ.

  ຕອນທ້າຍທ່ານປະທານສູນກາງສະຫະພັນກຳມະບານລາວຍັງໄດ້ຮຽກຮ້ອງໃຫ້ພະນັກງານ,ສະມາຊິກກຳມະບານທຸກພາກສ່ວນເພີ່ມທະວີເອົາໃຈໃສ່ວຽກງານສຶກສາອົບຮົມການເມືອງ-ແນວຄິດ,ມີຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະກັນພາຍໃນກຳມະບານຮາກຖານຂອງຕົນ ແລະນຳເອົາເນື້ອໃນຈິດໃຈຂໍ້ແຂ່ງຂັນ 5 ເປັນເຈົ້າຂອງສູນກາງສະຫະພັນກຳມະບານລາວວາງອອກເພື່ອນຳໄປຈັດຕັ້ງປະຕິບັດຜັນຂະຫຍາຍຢູ່ພາຍໃນກຳມະບານຮາກຖານຂອງຕົນໃຫ້ນັບມື້ນັບໄດ້ຮັບຜົນເປັນຢ່າງດີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ