ໂຮງຮຽນເມືອງເຊໂປນ ແລະເມືອງນອງ ໄດ້ຮັບເຄື່ອງຊ່ວຍເຫຼືອ

  ວັນທີ 14 ກຸມພາ 2018 ອົງການພຸດທະສາສະໜາສຳພັນລາວ (ອພສ) ແຂວງສະຫວັນນະເຂດ ຊຶ່ງນຳໂດຍຍາທ່ານ ປານ ສຸພັນໂທ ຮອງປະທານ ອພສ ແຂວງປະທານ

ອພສ ເມືອງໄກສອນພົມວິຫານ ພ້ອມດ້ວຍຄະນະໄດ້ສົມທົບກັບພະແນກສຶກສາທິການ ແລະກີລາແຂວງຊຶ່ງນຳໂດຍທ່ານ ນາງ ຫຼິງທອງ ແສງຕາວັນ ຫົວໜ້າພະແນກສຶກສາທິການ ແລະ ກີລາແຂວງພ້ອມດ້ວຍຄະນະ ແລະບັນດາຄະນະອຳນວຍການໂຮງຮຽນ ມສ ສະຫວັນ,ມສ ອຸດົມວິໄລ,ໂຮງຮຽນສາມັນກິນນອນຊົນເຜົ່າ ແລະໂຮງຮຽນມັດທະຍົມໂພນສະຫວັນໄດ້ນຳເອົາ    ເຄື່ອງບັນເທົາທຸກຕ້ານໄພໜາວໄປມອບໃຫ້ແກ່ໂຮງຮຽນມັດທະຍົມຕົ້ນຕັງອາໄລເມືອງນອງ ແລະໂຮງຮຽນມັດທະຍົມຕົ້ນຜາບັງເມືອງເຊໂປນ.

  ສຳລັບເຄື່ອງທີ່ນຳໄປມອບໃນຄັ້ງນີ້ປະກອບມີ: ເຄື່ອງອຸປະໂພກ-ບໍລິໂພກ,ອຸປະກອນການສຶກສາ,ເຄື່ອງກີລາ,ເຄື່ອງນຸ່ງຫົ່ມ ແລະເຄື່ອງຕອງນ້ຳໂຮງຮຽນລະ 1 ເຄື່ອງ,ໂດຍເຄື່ອງດັ່ງກ່າວແມ່ນໄດ້ລະດົມມາຈາກວັດຕ່າງໆພາຍໃນເມືອງໄກສອນພົມວິຫານ ແລະລະດົມຈາກໂຮງຮຽນທີ່ມີເງື່ອນໄຂທີ່ຢູ່ໃນເທສະບານແຂວງ.ໂຮງຮຽນມັດທະຍົມຕົ້ນຕັງອາໄລຂຶ້ນກັບຈຸດສຸມຕັງອາໄລເມືອງນອງຫ່າງຈາກຕົວເມືອງ 13 ກິໂລແມັດ,ກວມເອົາ 12 ບ້ານ,ມີນັກຮຽນທັງໝົດ 908 ຄົນ,ຍິງ 362 ຄົນ,ມີຄູ-ອາຈານ 36 ຄົນ,ຍິງ 16 ຄົນ ແລະຄູອາສາສະໝັກ 14  ຄົນ,ຍິງ 10 ຄົນລວມມູນຄ່າການຊ່ວຍເຫຼືອ 36 ລ້ານກວ່າກີບ.ສ່ວນໂຮງຮຽນມັດທະຍົມຕົ້ນຊົນເຜົ່າຜາບັງຕັ້ງຢູ່ເຂດຜາບັງ-ຊຽງຕູບເມືອງເຊໂປນ,ກວມເອົາ 2 ກຸ່ມບ້ານຄື: ກຸ່ມຜາບັງ ແລະກຸມຊຽງຕູບ,ມີ 10 ບ້ານຂຶ້ນກັບ,ຫ່າງຈາກຕົວເມືອງປະມານ 60 ກິໂລແມັດ,ມີອາຄານຮຽນ 2 ຫຼັງ,ມີຄູ-ອາຈານທັງໝົດ 10 ຄົນ,ນັກຮຽນທັງໝົດ 106 ຄົນ,ຍິງ 23 ຄົນ, ນັກຮຽນທີ່ໄດ້ຮັບທຶນ 70 ຄົນ,ຍິງ 22 ຄົນ ແລະມີ 4 ຊັ້ນຮຽນຄື: ມ.1 ຮອດ ມ.4,ລວມມູນຄ່າການຊ່ວຍເຫຼືອ 28  ລ້ານກວ່າກີບ.

  ໂອກາດດັ່ງກ່າວທ່ານ ນາງ ຫຼິງທອງ ແສງຕາວັນ ກໍ່ໄດ້ໃຫ້ທິດຊີ້ນຳແກ່ຄະນະອຳນວຍການທີ່ໄດ້ຮັບຜິດຊອບໃນແຕ່ລະໂຮງຮຽນຈົ່ງພ້ອມກັນເອົາໃຈໃສ່ສິດສອນນັກຮຽນຢ່າງມີຄຸນນະທຳ ແລະຈັນຍາບັນຄວາມເປັນຄູ,ຂຶ້ນຫ້ອງສອນໃຫ້ເປັນປົກກະຕິ,ມີການແຕ່ງບົດສອນຢ່າງລະອຽດ,ສ້າງໂຮງຮຽນໃຫ້ມີນັກຮຽນເກັ່ງ,ສຶກສາຕາມ 5 ຫຼັກມູນ ແລະສ້າງໂຮງຮຽນໃຫ້ເປັນໂຮງຮຽນສີຂຽວພ້ອມຕິດຕາມການຮຽນການສອນຢ່າງໄກ້ຊິດຕິດແທດເພື່ອບໍ່ໃຫ້ນັກຮຽນສວຍໂອກາດຂາດຮຽນ ແລະປະລະການຮຽນເດັດຂາດພ້ອມທັງເນັ້ນໜັກໃຫ້ນຳໃຊ້ເຄື່ອງທີ່ໄດ້ນຳໄປມອບໃຫ້ຢ່າງເກີດປະໂຫຍດສູງສຸດ ແລະຮັກສາເຄື່ອງໃຫ້ໃຊ້ໄດ້ຍາວນານ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ