ມສ ໜອງບອນ ສຳເລັດແຂ່ງຂັນກີລາ-ສິລະປະ

  ວັນທີ 20 ກຸມພາຜ່ານມາໂຮງຮຽນມັດທະຍົມສົມບູນໜອງບອນສຳເລັດການຈັດແຂ່ງຂັນກີລາ ແລະສິລະປະ-ວັນນະຄະດີຄັ້ງທີ 6 ປະຈຳສົກຮຽນ 2017-2018 ໂດຍມີທ່ານນາງ ສີລາ ຄອນວິຊຳ ຮອງຫົວໜ້າຫ້ອງການສຶກສາທິການ ແລະກີລາເມືອງໄຊເສດຖາ ແລະທ່ານ ສົມພອນ ສອນດາລາ ຜູ້ອຳນວຍການໂຮງຮຽນ ມສ ໜອງບອນພ້ອມດ້ວຍຄະນະອຳນວຍການ,ມີພໍ່-ແມ່ນັກຮຽນ,ແຂກທີ່ຖືກເຊີນ,ຄູ-ອາຈານ,ນ້ອງໆນັກຮຽນ,ຂະບວນນັກກີລາ ແລະນັກສະແດງສິລະປະເຂົ້າຮ່ວມ.

  ທ່ານ ສົມພອນ ສອນດາລາ ກ່າວວ່າ: ຈຸດປະສົງຂອງການຈັດການແຂ່ງຂັນກີລາ ແລະສິລະປະ-ວັນນະຄະດີແມ່ນຈັດຂຶ້ນເພື່ອຂໍ່ານັບຮັບຕ້ອນວັນສຳຄັນຂອງຊາດ ແລະເປັນການຈັດຕັ້ງຜັນຂະຫຍາຍມະຕິຂອງກອງປະຊຸມໃຫຍ່ຄັ້ງທີ 10 ຂອງພັກ,ມະຕິຂອງກອງປະຊຸມໃຫຍ່ຄັ້ງທີ 6 ຂອງອົງຄະນະພັກນະຄອນຫຼວງວຽງຈັນ,ມະຕິກອງປະຊຸມໃຫຍ່ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະກີລາວາງອອກໃຫ້ປະກົດຜົນເປັນຈິງ.ນອກຈາກນັ້ນ,ຍັງເປັນການຈັດຕັ້ງປະຕິບັດຕາມ 3 ຂໍ້ແຂ່ງຂັນ ແລະ 5 ຫຼັກມູນທີ່ກະຊວງ ສຶກສາທິການ ແລະກີລາວາງອອກໃຫ້ມີຜົນສຳເລັດ.

  ສຳລັບການຈັດກິດຈະກຳໃນຄັ້ງນີ້ກໍ່ຍັງມີຈຸດປະສົງເພື່ອສ້າງຄວາມເບີກບານມ່ວນຊື່ນພາຍໃນໂຮງຮຽນ ແລະເປັນການອະນຸລັກຮັກສາຮີດຄອງປະເພນີອັນດີງາມທີ່ບັນພະບຸລຸດໄດ້ສ້າງມາເພື່ອໃຫ້ລູກຫຼານເປັນຜູ້ສືບທອດຕໍ່ໄປ.ທັງເປັນການຄັດເລືອກຜູ້ທີ່ມີພອນສະຫວັນດີເລີດເພື່ອໄປຮັບໃນງານກີລາແຫ່ງຊາດຄັ້ງທີ 11 ທີ່ແຂວງຊຽງຂວາງ ເປັນເຈົ້າ ພາບໃນທ້າຍປີນີ້ ແລະດ້ານໜຶ່ງກໍ່ເປັນການວັດແທກເຖິງຄວາມສາມັກຄີຂອງບັນດາຄູ-ອາຈານ ແລະບັນດາລູກຫຼານນັກຮຽນນຳອີກ.ນອກນັ້ນຍັງເປັນການຈັດກິດຈະກຳເພື່ອຕ້ານສິ່ງເສບຕິດ ແລະປະກົດການຫຍໍ້ທໍ້ຕ່າງໆພິເສດແມ່ນໄດ້ຮັບການອຸປະຖຳຫຼັກຈາກທາງບໍລິສັດເບຍລາວ-ນ້ຳຫວານລາວຈຳກັດມູນຄ່າ 10,25 ລ້ານກີບ,ບໍລິສັດໄຟຟ້າມາຫະຊົນ 1 ລ້ານກີບ,ກົມໃຫຍ່ການເມືອງກອງທັບ 2 ລ້ານກີບ,ຮ້ານເຂົ້າໜົມໂຈມາ 1 ລ້ານກີບ ແລະຈາກຜູ້ອຳນວຍການໂຮງຮຽນປະຖົມໄຊຍະວົງທີ່ໄດ້ອຸປະຖຳເດີ່ນເຕະບານໃຫ້ຈັດ ກິດຈະກຳຢ່າງເຕັມທີ່ ແລະໃນສົກຮຽນຕໍ່ໄປກໍ່ຈະພະຍາຍາມຈັດກິດຈະກຳແບບນີ້ໃຫ້ດີໆຂຶ້ນໄປເລື້ອຍໆ ແລະຫຼາຍໆຂຶ້ນ.

  ການແຂ່ງຂັນໃນຄັ້ງນີ້ແມ່ນໄດ້ດຳເນີນມາແຕ່ເດືອນຕຸລາ 2017 ມາເຖິງທ້າຍເດືອນກຸມພາ 2018 ໂດຍແຂ່ງຂັນກັນທັງໝົດ 5 ລາຍການການແຂ່ງຂັນກີລາເຕະບານຍິງອັນດັບ 1 ແມ່ນຊັ້ນມ7 ແລະເຕະບານຊາຍອັນດັບ 1 ຊັ້ນ ມ4 ກີລາເປຕັງລະດັບ ມປາຍ ທີມຍິງອັນດັບ 1 ຫ້ອງ ມ5/3 ແລະທີມຊາຍຫ້ອງ ມ7/1 ກີລາເປຕັງ ລະດັບມັດທະຍົມຕອນຕົ້ນ ທີມຍິງ ອັນດັບ 1 ຫ້ອງ ມ4/1 ແລະທີມຊາຍ 1 ຫ້ອງ ມ4/2 ກີລາກະຕໍ້ລະດັບ ມປາຍ ອັນດັບ 1 ຫ້ອງ ມ7/1 ແລະກະຕໍ້ຊາຍອັນດັບ 1 ຫ້ອງ ມ7/1 ລະດັບມັດທະຍົມຕອນຕົ້ນປະເພດຍິງ ອັນດັບ 1 ຫ້ອງ ມ3/3 ແລະຊາຍອັນດັບ 1 ຫ້ອງ ມ2/3 ກີລາບານສົ່ງລະດັບ ມປາຍ ຍິງອັນດັບ 1 ຫ້ອງ ມ6/1  ແລະຊາຍອັນດັບ 1 ຫ້ອງ ມ7/1 ແລະລະດັບ ມັດທະຍົມຕອນຕົ້ນ  ປະເພດຍິງອັນດັບ 1 ຫ້ອງ ມ3/1 ແລະຊາຍອັນດັບ 1 ຫ້ອງ ມ3/3.

  ສ່ວນການແຂ່ງຂັນສິລະປະ-ວັນນະຄະດີປະເພດຮ້ອງເພງອັນດັບ 1 ແມ່ນ ນາງ ປານິລັນ ວິໄລວົງ ບົດເພງ ອາຍະມະນີ ຈາກຫ້ອງ ມ4/1 ປະເພດຟ້ອນ ອັນດັບ 1 ຫ້ອງ ມ6/4 ບົດຟ້ອນເຜົ່າລາວເອີຍ;ປະເພດເຕັ້ນອັນດັບ 1 ຫ້ອງ ມ2/3, ປະເພດຂັບລຳ ອັນດັບ 1 ນາງ ສຸກສະຫວັນ ວິພະຈະເລີນ ຫ້ອງ ມ6/2 ລຳຕັ່ງຫວາຍ,ແຕ້ມຮູບມັດທະຍົມຕອນຕົ້ນອັນດັບ 1 ນາງ ພາວິດາ ສຸລິຍະແສງຈາກຫ້ອງ ມ3/1 ແລະລະດັບມັດທະຍົມຕອນປາຍອັນດັບ 1 ແມ່ນນາງ ອານິດາ ຈັນທະພົນຈາກຫ້ອງ ມ5/4 ລາຍການແຂ່ງຂັນຖາມ-ຕອບວິທະຍາສາດ  ອັນດັບ 1 ທ້າວ ສອນສະຫວັນ ສີບຸນເຮືອງ ແລະນາງ ອານັນດາ ປັນຍາແກ້ວ ຈາກຫ້ອງ ມ7/2, ລາຍການໂຕ້ວາທີອັນດັບ 1 ທ້າວ ຈີ່ຢ່າງ,ນາງ ພອນນາລີ ສຸລິວົງສາ ແລະນາງ ໝີ່ ດາວວະດິງ ຈາກຫ້ອງ ມ6/1, ແຂ່ງຂັນພິທີກອນສຽງດີ ອັນດັບ 1 ທ້າວ ສຸກສະຫວັນເພັງ ເມືອງຄູນ ແລະ ນາງ ທິບພະວັນ ໂພທິລາດ ຈາກຫ້ອງ ມ7/1,ແຂ່ງຂັນເວົ້າພາສາອັງກິດ ອັນດັບ 1  ທ້າວ ອານຸສັກ ຈັນທະລາດ ຫ້ອງ ມ6/1 ແລະພາສາຍີ່ປຸ່ນອັນດັບ 1  ນາງ ເທນ່າ ສິພາໄຊ ຈາກຫ້ອງ ມ1/1.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ