ຄສບ ມອບໃບຍ້ອງຍໍໃຫ້ຄູ-ອາຈານທີ່ມີຜົນງານດີເດັ່ນ

  ໃນວັນທີ 21 ກຸມພາ ຜ່ານມາທີ່ນະຄອນຫຼວງວຽງຈັນ ຄະນະເສດຖະສາດ ແລະບໍລິຫານທຸລະກິດ (ຄສບ) ມະຫາວິທະຍາໄລແຫ່ງຊາດ

ໄດ້ຈັດພິທີມອບ-ຮັບໃບຍ້ອງຍໍ ແລະລາງວັນດີເດັ່ນໃຫ້ແກ່ອາຈານຜູ້ທີ່ມີຜົນງານ ແລະນັກຄົ້ນຄວ້າດີເດັ່ນໃນການຈັດຕັ້ງປະຕິບັດການຮຽນ-ການສອນ,ການຄົ້ນຄວ້າວິໄຈ ແລະການເຄື່ອນໄຫວກິດຈະກໍາຊ່ວຍເຫຼືອສັງຄົມປະຈໍາສົກປີ 2016-2017 ໂດຍເປັນກຽດມອບຂອງທ່ານ ສົມສີ ຍໍພັນໄຊ ວ່າການອະທິການບໍດີມະຫາວິທະຍາໄລແຫ່ງຊາດ,ທ່ານ ເພັດສະໝອນ ທໍາມະວົງ ຮັກສາການຄະນະບໍດີ,ຄະນະເສດ   ຖະສາດ ແລະບໍລິຫານທຸລະກິດ,ຮອງຄະນະບໍດີ,ຫົວໜ້າ-ຮອງຫົວໜ້າພາກວິຊາ,ພະແນກ,ພະນັກງານ,ຄູ-ອາຈານ ແລະນັກສຶກສາເຂົ້າຮ່ວມ.

  ທ່ານ ບົວລຽງ ສຸພັນທອງ ຫົວໜ້າພະແນກຈັດຕັ້ງສັງລວມຄະນະເສດຖະສາດ ແລະບໍລິຫານທຸລະກິດມະຫາວິທະຍາໄລແຫ່ງຊາດໄດ້ລາຍງານໃຫ້ຮູ້ກ່ຽວກັບການຈັດຕັ້ງປະຕິບັດໜ້າທີ່ວຽກງານຂອງຄະນະນໍາ,ຄູ-ອາຈານທົ່ວຄະນະເສດຖະສາດ ແລະບໍລິຫານທຸລະກິດໃນສົກ 2016-2017 ຜ່ານມາ,ຊຶ່ງໄດ້ສຸມໃສ່ປະຕິບັດ 3 ໜ້າທີ່ຕົ້ນຕໍຄື: ໜ້າທີ່ການສິດສອນ ແລະຮໍ່າຮຽນ,ໜ້າທີ່ການຄົ້ນຄວ້າວິໄຈ,ໜ້າທີ່ເຄື່ອນໄຫວກິດຈະກໍາ ແລະຊ່ວຍເຫຼືອສັງຄົມ,ຊຶ່ງຜົນງານການຈັດຕັ້ງປະຕິບັດ 3 ວຽກງານຕົ້ນຕໍດັ່ງກ່າວ,ໄດ້ສະຫຼຸບສັງລວມ ແລະຄັດເລືອກໄດ້ບັນດາບຸກຄົນດີເດັ່ນຮອບດ້ານໄດ້ທັງ 3 ປະເພດພ້ອມທັງຄັດເລືອກອາຈານຈໍານວນໜຶ່ງທີ່ມີຜົນງານທາງດ້ານການຄົ້ນຄວ້າວິໄຈເພື່ອເປັນການຊົມເຊີຍ  ແລະ ສົ່ງເສີມຜູ້ທີ່ດີເດັ່ນ.

  ພ້ອມດຽວກັນນັ້ນກໍ່ໄດ້ຜ່ານຂໍ້ຕົກລົງວ່າດ້ວຍການຍ້ອງຍໍຂອງລັດຖະມົນຕີກະຊວງສຶກສາທິການ  ແລະກີລາໄດ້ຕົກລົງມອບໃບຍ້ອງຍໍຂັ້ນກະຊວງໃຫ້ແກ່ບຸກຄົນຈໍານວນ 874 ທ່ານ ໃນນັ້ນ, ຄະນະເສດຖະສາດ ແລະບໍລິຫານທຸລະກິດມີຈໍານວນ 40 ທ່ານທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານ ແລະການສິດສອນປະຈໍາສົກປີ 2016-2017.ນອກຈາກນັ້ນ.ຍັງໄດ້ໃບຍ້ອງຍໍຂັ້ນມະຫາວິທະຍາໄລແຫ່ງຊາດຈໍານວນ 497 ທ່ານໃນນັ້ນ,ຄະນະເສດຖະສາດ ແລະບໍລິຫານທຸລະກິດຈໍານວນ 27 ທ່ານ ແລະມອບໃບຍ້ອງຍໍຂັ້ນຄະນະເສດຖະສາດ ແລະ ບໍລິຫານທຸລະກິດຈໍານວນ 2 ທ່ານ.ພ້ອມກັນນັ້ນ,ຍັງໄດ້ມອບໃບຍ້ອງຍໍໃຫ້ຜູ້ທີ່ໄດ້ຮັບລາງວັນ Toyoda Award   ປະຈໍາສົກປີ  2016-2017 ຈໍານວນ 2 ທ່ານ ແລະຍ້ອງຍໍນັກຄົ້ນຄວ້າທີ່ໄດ້ຮັບລາງວັນ Dean Award ປະຈໍາສົກປີ 2016-2017 ຈໍານວນ 11 ທ່ານ. 

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ