ກຽດຕິສັກນານາຊາດ ປະກາດໂຮງຮຽນປອດຢາເສບຕິດ

   ເພື່ອເປັນການປະຕິບັດແຜນການດຳເນີນກິດຈະກຳການຮຽນການສອນໂດຍສະເພາະວຽກງານຕ້ານຢາເສບຕິດພາຍໃນໂຮງຮຽນໃຫ້ເປັນຈິງໃນວັນທີ 24 ຜ່ານມາທີ່ໂຮງຮຽນກຽດຕິສັກນານາຊາດ

ຈັດພິທີປະກາດເປັນໂຮງຮຽນປອດຢາເສບຕິດໂດຍໃຫ້ກຽດເຂົ້າຮ່ວມທ່ານ ສົມພູ ແກ້ວປັນຍາ ຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນ, ທ່ານບຸກເມກ ວິໄລແສງ ຮອງເຈົ້າເມືອງສີສັດຕະນາກ,ທ່ານ ນາງ ຈັນແດງ ແສງວໍລະວົງ ຮອງຜູ້ອຳນວຍການໂຮງຮຽນກຽດຕິສັກນານາຊາດພ້ອມດ້ວຍພາກສ່ວນກ່ຽວຂ້ອງເຂົ້າ    ຮ່ວມ.

  ທ່ານ ນາງ ຈັນແດງ ແສງວໍລະວົງ ລາຍງາຍບົດສະຫຼຸບຫຍໍ້ການສ້າງໂຮງຮຽນປອດຢາເສບຕິດຂອງໂຮງຮຽນກຽດຕິສັກຮູ້ວ່າ: ໂຮງຮຽນກຽດຕິສັກນານາຊາດຕັ້ງຂຶ້ນປີ 1992 ຕັ້ງຢູ່ໂສກປ່າຫຼວງເມືອງສີສັດຕະນາກ ນະຄອນຫຼວງວຽງຈັນ ເປີດສອນ 2 ຫຼັກສູດຄືຫຼັກສູດນາໆຊາດ ແລະຫຼັກສູດຂອງກະຊວງສຶກສາທິການ ແລະກີລາດຳເນີນການຮຽນການສອນຊັ້ນອະນຸບານ,ປະຖົມຮອດມັດຖະຍົມເນື້ອທີ່ຊັ້ນອະນຸບານ-ຊັ້ນປະຖົມ 4.799 ຕາແມັດ,4 ອາຄານຊັ້ນອະນຸບານ 10 ຫ້ອງ,ມີນັກຮຽນ 179 ຄົນ,ຍິງ82 ຄົນ,ຄູລາວມີ 23 ຄົນ,ຍິງ 21,ຄູຕ່າງປະເທດ 10,ຍິງ 9 ແລະຊັ້ນປະຖົມມີຫ້ອງຮຽນ 19 ຫ້ອງ,ມີຫ້ອງຄອມພິວເຕີ 2 ຫ້ອງ. ຫ້ອງສະໝຸດ 1ຫ້ອງ ແລະຫ້ອງແອບຟ້ອນ 2 ຫ້ອງ. ຫ້ອງຫຼິ້ນອະນຸບານ 1 ຫ້ອງມີຄູລາວ 24 ຄົນ,ຍິງ 17 ຄົນ,ຄູຕ່າງປະເທດ 19 ຄົນ,ຍິງ 14 ຄົນ ມີນັກຮຽນ 415 ຄົນ,ຍິງ 179 ຄົນ ແລະເນື້ອທີ່ຊັ້ນມັດຖະຍົມມີ 5.000 ຕາແມັດມີ 4  ອາຄານມີຫ້ອງຮຽນທັງໝົດ 16 ຫ້ອງ,ມີຫ້ອງທົດລອງ 2 ຫ້ອງ,ຫ້ອງສະໝຸດ 1 ຫ້ອງ,ຫ້ອງຄອມ 2 ຫ້ອງ,ຫ້ອງດົນຕີພື້ນເມືອງ 4 ຫ້ອງ,ຫ້ອງດົນຕີສາກົນ 2 ມຕົ້ນມີຄູລາວ 17 ຄົນ, ຍິງ 10 ຄົນ,ຄູຕ່າງປະເທດ 18 ຄົນ,ຍິງ 5 ຄົນມີນັກຮຽນທັງໝົດ 320 ຄົນ,ຍິງ155 ຄົນ,ມ ປາຍຄູລາວ 18 ຄົນ,ຍິງ 9 ຄົນຄູຕ່າງປະເທດ 17 ຄົນ,ຍິງ 2 ຄົນມີນັກຮຽນ 189 ຄົນ,ຍິງ 91 ຄົນ.

   ອີງຕາມແຜນການສ້າງຄວາມເຂັ້ມແຂງຕ້ານສິ່ງເສບຕິດໃນໂຮງຮຽນພາກລັດ ແລະເອກະຊົນທີ່ທາງພະແນກສຶກສາທິການ ແລະກີລາຮ່ວມຫ້ອງການເມືອງທົ່ວນະຄອນຫຼວງວຽງຈັນດຳເນີນໄລຍະຜ່ານມາໂຄງການຈັດຕັ້ງຄະນະຮັບຜິດຊອບວຽກງານສະກັດກັ້ນ ແລະ ຕ້ານຢາເສບຕິດໃນໂຮງຮຽນການເຄື່ອນໄຫວ່ກິດຈະກຳຕ່າງໆໃນໂຮງຮຽນ ແລະນອກໂຮງຮຽນໃນນັ້ນທາງຄະນະອຳນວຍການໂຮງຮຽນກຽດຕິສັກນາໆຊາດໄດ້ແຕ່ງຕັ້ງຄະນະຮັບຜິດຊອບວຽກງານສະ ກັດກັ້ນ ແລະຕ້ານຢາເສບຕິດໃນໂຮງຮຽນຄູຮັບຜິດຊອບ 6 ທ່ານ  ແລະນັກຮຽນ 15 ນ້ອງເພື່ອເຄື່ອນໄຫວຕິດຕາມລາຍງານປະຈຳໂດຍການຊີ້ນຳນຳພາຂອງຜູ້ອຳນວຍການໂຮງຮຽນຫາກມີສະພາບເກີດຂຶ້ນ ຫຼື ສົງໄສນັກຮຽນທີ່ີມີການພົວພັນທາງໂຮງຮຽນຈະນຳໄປກວດເຄື່ອງວິທະຍາສາດເຊັ່ນກວດນ້ຳຍ່ຽວ,ຖ້ານອກໂຮງຮຽນພວກເຮົາແຈ້ງລາຍງານ ປກສ ເຂດກຸ່ມໃນໄລຍະຜ່ານມາແມ່ນບໍ່ມີບັນຫາດັ່ງກ່າວໂຮງຮຽນມີຄວາມສະຫງົບດີໂດຍພະນັກງານຄູອາຈານນັກຮຽນແມ່ນຖືບໍ່ມີການຍຸ້ງກ່ຽວໂດຍປະຕິບັດໄດ້ 10 ຄື:ບໍ່ເສບ,ບໍ່ຊື້,ບໍ່ຂາຍ,ບໍ່ສົ່ງຕໍ່,ບໍ່ຈຳໜ່າຍ,ບໍ່ທົດລອງ,ບໍ່ຊຸກເຊື່ອງ,ບໍ່ຜະລິດ,ບໍ່ໃຫ້ການຮ່ວມມື ແລະ ບໍ່ເປັນແວ່ນພັກເຊົາຂອງຢາເສບຕິດ.

  ສຳລັບກິດຈະກຳພາຍໃນໂຮງຮຽນໄດ້ມີການເຜີຍແຜ່ຜົນຮ້າຍຂອງຢາເສບຕິດໃນໂຮງຮຽນເຄື່ອນໄຫວກິດຈະກຳກີລາພາຍໃນ ແລະ ນອກໂຮງຮຽນ,ຝຶກແອບສິລະປະວັນນະຄະດີເຂົ້າຮ່ວມກິດຈະກຳງານຕ່າງໆນອກນີ້ຍັງຊ່ວຍປະກອບສ່ວນວັດຖຸປັດໄຈຊຸກຍູ້ເງິນຈັດກິດຈະກຳສີລະປະ,ນັກຮຽນເກັ່ງໃຫ້ແກ່ທາງຫ້ອງການສຶກສາທິການ ແລະກີລາ ແລະສັງຄົມທຸກໆປີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ