ສະມາຊິກສະພາລົງພົບປະ ປະຊາຊົນບ້ານດອນນົກຫຸ້ມ

  ໃນວັນທີ 28 ກຸມພາ 2018 ສະມາຊິກສະພາປະຊາຊົນນະຄອນຫຼວງວຽງຈັນປະຈຳເມືອງ ສີສັດຕະນາກ ນະຄອນຫຼວງວຽງຈັນ ໄດ້ລົງຢ້ຽມຢາມພົບປະປະຊາຊົນ

ແລະເຜີຍແຜ່ຜົນສຳເລັດຂອງກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ແລະສະພາປະຊາຊົນນະຄອນຫຼວງວຽງຈັນຊຸດທີ I ທີ່ບ້ານດອນນົກຂຸ້ມ ເມືອງສີສັດຕະນາກ, ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ນາງ ວາລີ ເວດສະພົງ,ສະມາຊິກສະພາແຫ່ງຊາດຊຸດທີ VIII,ຮອງປະທານສະພາການຄ້າ ແລະອຸດສາຫະກຳແຫ່ງຊາດລາວ,ມີທ່ານສະມາຊິກສະພາປະຊາຊົນນະຄອນຫຼວງວຽງຈັນ ປະຈຳເມືອງສີສັດຕະນາກ,ຮອງປະທານຄະນະກໍາມະການວັດທະນະທໍາ-ສັງຄົມ ແລະບັນດາເຜົ່າ,ພ້ອມດ້ວຍອຳນາດການປົກຄອງບ້ານ ແລະພໍ່ແມ່ປະຊາຊົນ.

  ທ່ານ ນາງ ວາລີ ເວດສະພົງ,ໄດ້ກ່າວວ່າ: ໃນການມາເຄື່ອນໄຫວຢ້ຽມຢາມແມ່ນເພື່ອເຜີຍແຜ່ຜົນສຳເລັດຂອງກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ແລະສະພາປະຊາຊົນນະຄອນຫຼວງວຽງຈັນຊຸດທີ I,ໂດຍສະເພາະແມ່ນການຮັບຮອງເອົາຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີຂອງກອງ ປະຊຸມໄດ້ເຫັນດີເປັນເອກະພາບຕໍ່ບົດລາຍງານທີ່ລັດຖະບານທີ່ໄດ້ຈັດຕັ້ງປະຕິບັດໄດ້ຮັບຜົນສຳເລັດຫຼາຍດ້ານ,ໂດຍສະເພາະລວມຍອດຜະລິດຕະພັນພາຍໃນ (GDP) ຂະຫຍາຍຕົວສະເລ່ຍເພີ່ມຂຶ້ນໃນລະດັບ 7% ສະເລ່ຍຕໍ່ຫົວຄົນ 21,3 ລ້ານກີບ ຫຼື ເທົ່າກັບ 2.536 ໂດລາສະຫະລັດ.ລວມຍອດສະເລ່ຍແຫ່ງຊາດ (GNI) ສະເລ່ຍຕໍ່ຫົວຄົນ 16,83 ລ້ານກີບ ຫຼື ເທົ່າກັບ 2.004 ໂດລາສະຫະລັດ.

  ທ່ານ ນາງ ວາລີ ເວດສະພົງ ຍັງກ່າວວ່າ: ລັດຖະບານໄດ້ຖືເອົາວຽກງານການທ່ອງທ່ຽວເປັນໜຶ່ງໃນຂະແໜງຍຸດທະສາດທີ່ສຳຄັນໃນການພັດທະນາເສດຖະກິດ-ສັງຄົມສະເພາະໜ້າ ແລະຍາວນານໂດຍເອົາໃຈໃສ່ຈັດຕັ້ງຜັນຂະຫຍາຍນະໂຍບາຍ,ຍຸດທະສາດໃຫ້ເປັນແຜນພັດທະນາການທ່ອງທ່ຽວໃນແຕ່ລະໄລຍະ,ປັບປຸງກົດໝາຍ,ອອກນິຕິກຳລຸ່ມກົດໝາຍຫຼາຍສະ ບັບເພື່ອເປັນເຄື່ອງມືໃນການຄຸ້ມຄອງການເຄື່ອນໄຫວວຽກງານການທ່ອງທ່ຽວເຮັດໃຫ້ບັນດາກິດຈະການການທ່ອງທ່ຽວໄດ້ຮັບການພັດທະນາດ້ານປະລິມານ ແລະຄຸນນະພາບ, ສາມາດດຶງດູດນັກທ່ອງທ່ຽວເຂົ້າມາລາວ ແລະ ສ້າງລາຍຮັບນັບມື້ເພີ່ມຂຶ້ນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ