ມສ ນາຊາຍທອງ ແລະ ມສ ສີຖານໃຕ້ຄວ້າແຊ໋ມ ລາຍການໂຄປາ ໂຄຄາ-ໂຄລາ 2018

  ເມື່ອວັນທີ 24 ກຸມພາ 2018 ຜ່ານມາທີ່ສະໜາມກີລາເຈົ້າອານຸວົງ ນະຄອນຫຼວງວຽງຈັນ ໄດ້ຈັດການແຂ່ງຂັນກີລາເຕະບານລາຍການໂຄປາໂຄຄາ-ໂຄລາ 2018 ຮອບຊີງຊະນະເລີດ ໂດຍການເຂົ້າຮ່ວມຂອງທ່ານ ຊົມພູ ພົງສາ ຮອງປະທານຄະນະກຳມະການໂອແລມປິກແຫ່ງຊາດລາວທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກີລາ

ນະຄອນຫຼວງວຽງຈັນ ທ່ານ ດີເອໂກ້ ລີມມາ ຜູ້ຈັດການທົ່ວໄປບໍລິສັດລາວໂຄຄາ-ໂຄລາບອຕລິງ ຈຳກັດມີພາກສ່ວນກ່ຽວຂ້ອງລວມເຖິງບັນດາຜູ້ສະໜັບສະໜູນ ແລະບັນດານ້ອງນັກຮຽນເຂົ້າຮ່ວມຢ່າງຫຼວງຫຼາຍ.

  ຜ່ານການແຂ່ງຂັນປາກົດວ່າທີມຊະນະເລີດທີມຊາຍຕົກເປັນຂອງນັກກີລາທີມ ມສ ນາຊາຍທອງ ຕົວແທນຈາກເມືອງນາຊາຍທອງສາມາດເອົາຊະນະທີມ ມຕ ບໍ່ໂອ ຕົວແທນຈາກເມືອງຫາດຊາຍຟອງດ້ວຍຄະແນນ 12 ປະຕູຕໍ່ 1 ແລະທີມຍິງຊະນະເລີດຕົກເປັນຂອງທີມ ມສ ສີຖານໃຕ້ຕົວແທນຈາກເມືອງຫາດຊາຍຟອງ ສາມາດເອົາຊະນະທີມ ມສ ໂພນທັນຕົວແທນຈາກເມືອງໄຊເສດຖາ 2 ປະຕູຕໍ່ 1.

  ສຳລັບທີມທີ່ຊະນະເລີດ ແລະ ຮອງຊະນະເລີດທຸກທີມປະຈຳປີນີ້ແມ່ນໄດ້ຮັບຖ້ວຍລາງວັນກຽດຕິຍົດ ແລະ ອຸປະກອນເຄື່ອງໃຊ້ທີ່ຈຳເປັນເພື່ອນຳໄປນຳໃຊ້ ແລະ ພັດທະນາທີມໃນຂັ້ນຕໍ່ໄປທັງນີ້ກໍເພື່ອເປັນການກຽມຄວາມພ້ອມ ແລະ ກຽມຮ່າງກາຍເພື່ອກ້າວໄປສູ່ລະດັບທີມຊາດໃນອະນາຄົດ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ