ເຈຟ ເບຊອສ ມະຫາເສດຖີອັນດັບ 1 ຂອງໂລກ

​      ເຈ​ຟ ​ເບ​ຊອສ ຄົນ​ອາ​ເມ​ລິ​ກາ ຜູ້ກໍ່​ຕັ້ງ​ບໍລິສັດ​ຄ້າ​ຍ່ອຍ​ອອນ​ລາຍ​ລາຍ​ໃຫຍ່ ອາ​ເມ​ຊອນ ຂຶ້ນ​ແທ່ນ​ມະຫາ​ເສດຖີ​ອັນ​ດັບ 1 ຂອງ​ໂລກ ປະຈຳ​ປີ 2018 ຂຶ້ນ​ແຊງໜ້າ​ແຊ໋ມ​ເກົ່າ ບິ​ລ ​ເກດ ຄົນ​ອາ​ເມ​ລິ​ກາ​ຜູ້​ກໍ່​ຕັ້ງ​ບໍລິສັດ​ໄມ​ໂຄ​ຊອຟລົງ​ໄປ​ຢູ່​ອັນ​ດັບ 2.

 

    ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ຈາກ​ການ​ປະກາດ​ຜົນ​ການຈັດ​ອັນ​ດັບ​ມະຫາ​ເສດຖີ​ໂລກ​ປະຈຳ​ປີ ​ໂດຍ​ວາລະ ສານ​ຟອບ ​ເຜີ​ຍ​ແພ່​ໃນ​ວັນ​ທີ 6 ມີນາວ່າ ຈາກ​ການ​ທີ່​ມູນ​ຄ່າຮຸ້ນຂອງ​ອາ​ເມ​ຊອນ​ສູງ​ຂຶ້ນ 59% ​ໃນ​ໄລຍະ 12 ​ເດືອນ​ທີ່​ຜ່ານ​ມາ ​ເຮັດ​ໃຫ້​ຄວາມ​ລ້ຳ​ລວຍ​ຂອງ​ເບ​ເຊ​ອສ ອາຍຸ 54 ປີ​ເພີ່ມ​ຂຶ້ນ​ເກືອບ 2 ​ເທົ່າ ​ແລະ ຫຼ້າ​ສຸດ​ຊັບ​ສິນ​ສຸດທິ​ຕາມ​ປະ​ເມີນ​ຢູ່​ທີ່​ປະມານ 112 ຕື້​ໂດ​ລາ​ສະຫະລັດ ນໍາ​ຫ່າງ ​ບິ​ລ​ເກດ​ອາຍຸ 62 ປີ ທີ່​ມີ​ຊັບ​ສິນ 90 ຕື້​ໂດ​ລາ, ອັນ​ດັບ 3 ວໍ​ເຣນ ບັຟ​ເຟດ ຄົນ​ອາ​ເມ​ລິ​ກາ​ດ້ວຍ​ຊັບ​ສິນ 84 ຕື້​ໂດ​ລາ, ອັນ​ດັບ 4 ​ແບ​ນາດ ອາ​ໂນ​ລ ຄົນ​ຝຣັ່ງ​ເຈົ້າ​ຂອງ​ບໍລິສັ​ດ ​ແອ​ລວີ​ເອັມ​ເອຊ 72 ຕື້​ໂດ​ລາ ​ແລະ ອັນ​ດັບ 5 ມາກ ຊັກ​ເຄີ​ເບີກ ​ເຈົ້າ​ຂອງ​ເຟຊບຸກມີ​ຊັບ​ສິນ 71 ຕື້​ໂດ​ລາ.

   ທາງ​ດ້ານ​ປະທານາທິບໍດີ ​ໂດ​ນັລ ທຣຳ ຜູ້ນຳ​ອາ​ເມ​ລິ​ກາ ຕົກລົງ​ຈາກ​ອັນ​ດັບ​ທີ່ 544 ​ໃນ​ປີ​ທີ່​ຜ່ານ​ມາ​ລົງ​ມາ​ຢູ່​ອັນ​ດັບ​ທີ່ 766 ​ໃນ​ປີ 2018 ນີ້ ດ້ວຍ​ຈຳນວນ​ສຸດທິ​ຕາມ​ການ​ປະ​ເມີນ 3,1 ຕື້​ໂດ​ລາ ໜ້ອຍ​ກວ່າ​ປີ​ທີ່​ຜ່ານ​ມາ 400 ລ້ານ​ໂດ​ລາ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ