ອາຊຽນ ເລັ່ງແກ້ໄຂບັນຫາມົນລະພິດ

      ຫຼາຍ​ປະ​ເທດ​ໃນ​ອາຊຽນ​ເລັ່ງ​ແກ້​ໄຂ​ບັນຫາ​ມົນ​ລະ​ພິດຕາມ​ຕົວ​ເມືອງ​ໃຫຍ່​ໆ ​ຢ່າງ​ຮີບ​ດ່ວນ​ ເພື່ອຫຼຸດ​ມົນ​ລະ​ພິດທາງ​ອາກາດ.

 

    ຕາມ​ຂ່າວ ​ຕ່າງປະ​ເທດລາຍ​ງານ​ວ່າ ບັນຫາ​ດ້ານ​ ສິ່ງ​ແວດ​ລ້ອມ ກາຍ​ເປັນ ​ບັນຫາ ​ສຳຄັນ ​ທີ່​ຫລາຍ​ ປະ​ເທດ​ ໃນ​ອາ​ຊຽນ ​ເລັ່ງ​ແກ້​ໄຂ ບັນຫາ​ນີ້ ​ຢ່າງ​ຮີບ​ດ່ວນ ​ໂດຍ​ສະ​ເພາະ ບັນຫາ​ ມົນ​ລະ​ພິດ ​​ໃນ​ຕົວ​ເມືອງ​ໃຫຍ່ ​ເປັນຕົ້ນ: ນະຄອນຫລວງ​ ມະນິລາ​ຂອງ ຟີ​ລິບ​ປິນ, ນະຄ​ອນຫລວງ​ ຮ່າ​ໂນ້ຍ ຂອງ​ຫວຽດນາມ, ນະຄອນຫລວງ ຈາ​ກາ​ຕາ​ ຂອງ​ອິນ​ໂດ​ເນ​ເຊຍ, ບາງກອກ ຂອງ​​ໄທ, ກົວ​ລາ​ລຳ​ເປີ​ ຂອງ​ ມະ​ເລ​ເຊຍ ​ແລະ ອື່ນໆ​ອີກ ຍັງ​ພົບ​ກັບ​ ບັນຫາ​ມົນ ​ລະ​ພິດ ທາງ​ອາກາດ ລວມທັງ ກຸ່ມ​ຄວັນ​ໄຟ​ ຈາກ​ໄຟ​ໄໝ້​ປ່າ, ຄວັນ​ພິດ​ ຈາກທໍ່​ໄອ​ເສຍ ກັບ​ ຄວາມ​ໜາ​ແໜ້ນ ​ຂອງ​ລົດ ​​ເທິງ​ຖະໜົນ ​ເພີ່ມ​ຂຶ້ນ​ ຢ່າງ​ຕໍ່​ເນື່ອງ. ຂະນະ​ທີ່ ນະຄອນຫລວງ ​ຮ່າ​ໂນ້ຍ ພວມ​ໂຄສະນາ ​ຫລຸດ​ຈຳນວນ ​ຄົນ​ໃຊ້​ລັດ​ຈັກ ​ໃນ​ເມືອງ​ ພາຍ​ໃນ​ປີ 2030 ​ເພື່ອ​ຫລຸດ​ ຄວາມ​ແອ​ອັດ ​ເທິງ​ຖະໜົນ ​ແລະ ຫລຸດ​ມົນ​ລະ​ພິດ.

   ນອກ​ນີ້ ຍັງ​ພະຍາຍາມ ​​ໃນ​ການປັບປຸງ ລະບົບຂົນ​ສົ່ງ ​ສາທາລະນະ ​ໃນ​ເມືອງ ​ຕື່ມ​ອ​ີກ ​ແລະ ທີ່​ສຳຄັນ​ອີກ 80 ປີ​ຕໍ່ໜ້າ ຊາວ​ອາຊີ ຈະ​ມີ​ຄົນເຈັບ ​ຈົນ​ເສຍ ​ຊີວິດ​ຈາກ ພະຍາດ​ ລະບົບ​ຫາຍ​ໃຈ ລວມທັງ ຄວາມ​ຮ້ອນ ​ແລະ ມົນ​ລະ​ພິດ​ ສູງ​ຂຶ້ນ ສົ່ງ​ຜົນ​ກະທົບ ​ຕໍ່ ​ການ​ຜະລິດ​ ກະສິກໍາ ​ແລະ ອຸດສາຫະກຳ ​ຢ່າງ​ແນ່ນອນ ຖ້າ​ບໍ່​ມີ​ ການ​ແກ້​ໄຂ​ທີ່​ເໝາະ​ສົມ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ