ວິທະຍາໄລຄູດົງຄຳຊ້າງປາຖະກະຖາວັນແມ່ຍິງສາກົນ

   ວັນທີ 6 ມີນາ 2018 ວິທະຍາໄລຄູດົງຄຳຊ້າງໄດ້ຈັດພິທີປາຖະກະຖາວັນແມ່ຍິງສາກົນເປັນກຽດເຂົ້າຮ່ວມຂອງທ່ານ ນາງ ບົວຄຳ ດາວສະຫວັນ ປະທານສະຫະພັນແມ່ຍິງກະຊວງສຶກສາທິການ ແລະກີລາ,ທ່ານ ນາງ ວິລາ ແສງສະຫວ່າງ ອຳນວຍການວິທະຍາໄລຄູດົງຄຳຊ້າງພ້ອມດ້ວຍບັນດາຄູອາຈານທຸກຂະແໜງການ ແລະນັກຮຽນເຂົ້າຮ່ວມ.

  ໃນພິທີທ່ານ ນາງ ຈັນແກ້ວ ດາລາສຸກ ປະທານສະຫະພັນແມ່ຍິງວິທະຍາໄລຄູດົງຄໍາຊ້າງໄດ້ຂຶ້ນລາຍງານບົດສະຫຼຸບການເຄື່ອນໄຫວວຽກງານປະຈຳສົກຮຽນ 2016-2017 ທີ່ຜ່ານມາວ່າ: ໄດ້ຊີ້ນຳໆພາປະຕິບັດມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ VII,ມະຕິກອງປະຊຸມໃຫຍ່ຄັ້ງທີ IX ຂອງຜູ້ແທນແມ່ຍິງກະຊວງສຶກສາທິການ ແລະກີລາ ແລະມະຕິກອງປະຊຸມ ໃຫຍ່ຄັ້ງທີ IX ຂອງສະຫະພັນແມ່ຍິງວິທະຍາໄລຄູດົງຄຳຊ້າງດ້ວຍຄວາມຮັບຜິດຊອບມີຜົນສຳເລັດຫຼາຍດ້ານບໍ່ວ່າຈະເປັນດ້ານວຽກງານສຶກສາອົບຮົມແນວຄິດການເມືອງ,ວຽກງານປັບປຸງຂະຫຍາຍຈັດຕັ້ງສະຫະພັນແມ່ຍິງ,ວຽກງານປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ,ວຽກງານສ້າງຂະບວນການ 3 ດີ ແລະລວມທັງວຽກງານການເຄື່ອນໄຫວກີລາ ແລະວຽກງານສ້າງຄັງອື່ນໆແມ່ນໄດ້ປະຕິບັດຕາມພາລະບົດບາດສິດ ແລະໜ້າທີ່ຢ່າງຖືກຕ້ອງ.

  ໂອກາດນີ້ທ່ານ ນາງ ບົວຄຳ ດາວສະຫວັນ ໄດ້ໃຫ້ກຽດຫວນຄືນເລົ່າມູນເຊື້ອປະຫວັດຄວາມເປັນມາຂອງວັນທີ 8 ມີນາ ຊຶ່ງໄດ້ຍົກໃຫ້ ເຫັນຕົ້ນກຳເນີດ ແລະການເຕີບໃຫຍ່ຂະຫຍາຍຕົວຂອງວັນແມ່ຍິງສາກົນຕະຫຼອດ 108 ປີໃນໄລຍະຜ່ານມາພ້ອມທັງຊີ້ນຳປະຕິບັດຕາມແນວທາງນະໂຍບາຍຂອງພັກລັດຢ່າງເປັນເຈົ້າການ ແລະມີຄວາມຮັບຜິດຊອບສູງທັງປະສົບຜົນສຳເລັດໃນຫຼາຍດ້ານພ້ອມດຽວກັນນີ້ຍັງໄດ້ເປັນກຽດມອບໃບຍ້ອງຍໍໃຫ້ແກ່ສະຫະພັນແມ່ຍິງສຳລັບຜູ້ທີ່ເຄື່ອນໄຫວວຽກງານດີເດັ່ນຂອງພາຍໃນວິທະຍາໄລ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ