ແສງຕາວັນ ເອົາ 4 ຢ່າງສ້າງຈຸດຂາຍຂອງທຸລະກິດ

     ປະຈຸບັນ ທຸລະກິດອະສັງຫາລິມະຊັບຢູ່ບ້ານເຮົາເກີດຂຶ້ນ ຫຼາຍກໍຈິງ ແຕ່ເພື່ອເຮັດໃຫ້ທຸລະກິດ ເດີນໜ້າຢ່າງຕໍ່ເນື່ອງ ແລະເປັນທີ່ຕ້ອງການຂອງສັງຄົມ ຖືເປັນສິ່ງທ້າທາຍສົມຄວນ

ໂດຍສະເພາະໃຫ້ສອດຄ່ອງກັບກຸ່ມຜູ້ບໍລິໂພກ ຊຶ່ງຕ້ອງປະກອບດ້ວຍ 4 ຢ່າງນີ້ເປັນ ຫຼັກເຊັ່ນ: ຄວາມສະອາດ, ປອດໄພ, ໃຈກາງເມືອງ ແລະລາຄາບໍ່ແພງ, ທີ່ເປັນຈຸດປະສົງຂອງແສງຕາວັນ ອາພັດເມັ້ນ ເພື່ອສ້າງ ເປັນຈຸດຂາຍຂອງທຸລະກິດຈົນມາເຖິງທຸກວັນນີ້ທ່ານນາງ ທິບພະລັກ ນໍ່ນາລີ ຜູ້ບໍລິຫານແສງຕາວັນອາພັດເມັ້ນ ໃຫ້ສຳພາດເມື່ອບໍ່ດົນມານີ້ວ່າ: ຈາກປະສົບການ 10 ກວ່າປີ (ເລີ່ມແຕ່ປີ 2007) ໃນການດຳເນີນທຸ ລະກິດດ້ານອາພັດເມັ້ນ ຈົນມາເຖິງປະຈຸບັນເຫັນໄດ້ວ່າທ່າອ່ຽງ ຂອງທຸລະກິດອະສັງຫາລິມະຊັບ ໂດຍສະເພາະເຮືອນພັກ, ອາພັດ ເມັ້ນ, ໂຮງແຮມ ແລະອື່ນໆທີ່ກ່ຽວຂ້ອງກັບທີ່ພັກອາໄສ ພວມມີການ ຂະຫຍາຍຕົວຢ່າງຕໍ່ເນື່ອງ, ທັງເຊື່ອວ່າອະນາຄົດອັນໃກ້ນີ້ກຸ່ມລູກຄ້າຂອງທຸລະກິດດັ່ງກ່າວຈະເພີ່ມຂຶ້ນຢ່າງຫຼວງຫຼາຍ ເພາະມີຫຼາຍປັດໄຈທີ່ສືບເນື່ອງກັນຕົ້ນຕໍ ແມ່ນສະດວກ, ປອດໄພ ແລະຢູ່ໃຫ້ກັບບ່ອນເຮັດວຽກ ຫຼືສະຖານ ທີ່ພົວພັນວຽກຕ່າງໆ, ດັ່ງນັ້ນຈຶ່ງສອດຄ່ອງກັບນະໂຍບາຍຂອງອາ ພັດເມັ້ນທີ່ເນັ້ນການສ້າງທີ່ພັກໃນໃຈກາງເມືອງ, ຊຶ່ງມີທັງສິ່ງອຳນວຍຄວາມສະດວກ, ມີການບໍລິ ການທີ່ສະອາດ, ຮັບປະກັບຄວາມປອດໄພໄດ້ມາດຕະຖານ ແລະລາຄາເໝາະສົມ ເພື່ອຕອບໂຈດຄວາມຕ້ອງການຂອງກຸ່ມລູກຄ້າທີ່ມັກ ຮັກສະຖານທີ່ພັກຢູ່ໃຈກາງຕົວເມືອງ.

     ປະຈຸບັນ ທຸລະກິດອະສັງຫາທີ່ ພວມດຳເນີນຢູ່ປະກອບມີອາພັດ ເມັ້ນ 2 ແຫ່ງຄື: ແຫ່ງທຳອິດຕັ້ງຢູ່ບ້ານຊ້າງຄູ່ ເມືອງໄຊທານີ ແລະແຫ່ງທີ 2 ແມ່ນແສງຕາວັນ ອາພັດເມັ້ນ ຊຶ່ງຕັ້ງຢູ່ບ້ານຂຸນຕາທົ່ງ ເມືອງສີໂຄດຕະບອງ ທີ່ໄດ້ເລີ່ມ ສ້າງມາແຕ່ປີ 2012, ໂດຍແສງ ຕາວັນ ອາພັດເມັ້ນ ປະກອບ 45 ຫ້ອງ, ທີ່ມີເຄື່ອງເຟີນີເຈີຕົບແຕ່ງ ພາຍໃນແບບຄົບຊຸດ ແລະລາຄາບໍ່ສູງຫຼາຍ ເມື່ອທຽບກັບບ່ອນອື່ນໆ ໃນໃຈກາງເມືອງ, ຊຶ່ງສາມາດຕອບໂຈດລູກຄ້າກຸ່ມນີ້ໄດ້ດີສົມ ຄວນ ແລະລູກຄ້າທີ່ມາໃຊ້ບໍລິການນຳອາພັດເມັ້ນສ່ວນຫຼາຍກວມ ເອົາ 60% ເປັນຄົນຕ່າງປະເທດ ເຊັ່ນ: ຈີນ, ການາດາ, ອັງກິດ ແລະອີກຫຼາຍເຊື້ອຊາດ,  ສ່ວນອີກ 40% ເປັນຄົນລາວ.

     ທ່ານ ນາງ ທິບພະລັກ ນໍ່ນາລີ ໃຫ້ຮູ້ຕື່ມວ່າ: ສຳລັບການດຳເນີນທຸລະກິດດ້ານອະສັງຫາໃນປະຈຸບັນນີ້, ຕ້ອງຍອມຮັບວ່າ ມີການ ແຂ່ງຂັນກັນສູງໃນຫຼາຍໆດ້ານ ໂດຍສະເພາະດ້ານການບໍລິການ, ຄວາມປອດໄພ ແລະດ້ານລາຄາ ທີ່ຍັງບໍ່ທັນຄົງທີ່, ແຕ່ຢ່າງໃດກໍຕາມ ເພື່ອຮອງຮັບກຸ່ມລູກຄ້າທີ່ຈະ ເພີ່ມຂຶ້ນໃນຕໍ່ໜ້າຕົ້ນຕໍແມ່ນກຸ່ມ ໄວໜຸ່ມທີ່ບໍ່ມັກການຢູ່ເຮືອນ ແລະ ບັນດາຄົນຕ່າງປະເທດທີ່ຈະເຂົ້າ ມາເຮັດວຽກຢູ່ພາຍໃນປະເທດ ເຮົາ, ທາງອາພັດເມັ້ນກໍຍັງຈະສືບຕໍ່ຂະຫຍາຍຫ້ອງອອກຕື່ມ, ປັບປຸງວຽກການບໍລິການ ແລະວຽກ ຄວາມປອດໄພໃຫ້ໄດ້ຕາມມາດ ຕະຖານຂອງສາກົນ, ທັງນີ້ກໍເພື່ອ ເປັນການສ້າງຄວາມເຊື່ອໝັ້ນໃຫ້ ກັບແຂກທີ່ມາໃຊ້ບໍລິການ ແລະ ທັງເປັນການທົດສອບຄວາມເຂັ້ມ ແຂງໃຫ້ກັບອາພັດເມັ້ນ ສາມາດ ແຂ່ງຂັນກັບບັນດາທຸລະກິດດ້ານ ດຽວກັນອີກດ້ວຍ.

     ແສງຕາວັນ ເປັນອາພັດເມັ້ນທີ່ໃຫ້ບໍລິການເຊົ່າເປັນລາຍເດືອນ, ເຄິ່ງປີ ແລະ1 ປີ, ສະນັ້ນ ຫາກລູກຄ້າທ່ານໃດຕ້ອງການທີ່ພັກໃນ ໃຈກາງເມືອງ, ໃກ້ກັບສິ່ງອຳນວຍຄວາມສະດວກຕ່າງໆເຊັ່ນ: ໂຮງຮຽນ, ຫ້າງສັບພະສິນຄ້າຕະຫຼອດ ຮອດການຄົມມະນາຄົມທີ່ສະດວກສະບາຍອື່ນໆ ແລະທີ່ສຳຄັນບັນຍາກາດເໝາະແກ່ການພັກຜ່ອນ ກໍສາມາດສອບຖາມລາຍລະອຽດ ກ່ຽວກັບອາພັດເມັ້ນໄດ້.

 

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ