ອົງການໂລດຕາລີ ມອບລົດໃຫ້ເມືອງຊຽງເງິນ

  ເມື່ອວັນທີ 8 ມີນາຜ່ານມາທີ່ສະໂມສອນຂອງເມືອງຊຽງເງິນໄດ້ມີພິທີມອບ-ຮັບກຸນແຈລົດຊ່ວຍເຫຼືອຈາກລັດຖະບານສາທາລະນະລັດເກົາຫຼີພາຍໃຕ້ອົງການໂລດຕາລີສາກົນ 3750 ແລະສະມາຄົມໂຈອ່າງລະຫວ່າງທ່ານ ກວນຊຸນກຸນ ປະທານອົງການໂລດຕາລີສາກົນແຫ່ງສ ເກົາຫຼີ ກັບທ່ານສາຍສະໝອນ ທິດາກອນ ເຈົ້າເມືອງຊຽງເງິນໂດຍມີທີມງານອົງການ ແລະ ພາກສ່ວນກ່ຽວຂ້ອງເຂົ້າຮ່ວມ.

  ໂອກາດດັ່ງກ່າວທ່ານເຈົ້າເມືອງຊຽງເງິ ກ່າວວ່າ: ໃນໄລຍະຜ່ານມາອົງການໂລດຕາລີ ແຫ່ງສ ເກົາຫຼີ ເຄີຍໄດ້ໃຫ້ການຊ່ວຍເຫຼືອເມືອງຊຽງເງິນໃນຫຼາຍຂະແໜງການເປັນຕົ້ນແມ່ນ ຂົງເຂດວຽກງງານສຶກສາ,ສາທາລະນະສຸກ ແລະຂົງເຂດອື່ນໆຕາມເງື່ອນໄຂ ແລະຄວາມສາມາດຂອງອົງການ.ສຳລັບການຊ່ວຍເຫຼືອໃນຄັ້ງນີ້ປະກອບມີ: ລົດດັບເພີງຈຳນວນ 2 ຄັນ ແລະລົດຂົນສົ່ງຄົນເຈັບ (ລົດອຳບຸຍລັງ) 2 ຄັນ,ຊຶ່ງມີມູນຄ່າທັງໝົດ 160.000 ໂດລາສະຫະລັດ ເພື່ອຊ່ວຍໃຫ້ເມືອງຊຽງເງິນມີຄວາມເຂັ້ມແຂງ ແລະສາມາດແກ້ໄຂຄວາມຫຍຸ້ງຍາກໄດ້ດີສົມຄວນ,ເປັນການຜູກແໜ້ນສາຍພົວພັນລະຫວ່າງ ສປປ ລາວ ກັບ ສ ເກົາຫຼີ ເວົ້າລວມເວົ້າສະເພາະແມ່ນສາຍພົວພັນອັນດີລະຫວ່າງອົງການໂລດຕາລີ ກັບເມືອງຊຽງເງິນ ແຂວງຫຼວງພະບາງໃຫ້ນັບມື້ແໜ້ນແຟ້ນຍິ່ງໆຂຶ້ນ,ພ້ອມດຽວກັນທ່ານ ກວນ ຊຸນກຸນ ປະທານອົງການໂລດຕາລີສາກົນກໍ່ໄດ້ມີຄຳເຫັນສະແດງຄວາມຂອບໃຈຕໍ່ການຕ້ອນຮັບທີ່ດີ 

ຂອງອົງການປົກຄອງເມືອງຊຽງເງິນພ້ອມທັງກ່າວມອບກຸນແຈລົດໃຫ້ແກ່ທ່ານເຈົ້າເມືອງຊຽງເງິນຢ່າງເປັນທາງການ.ຕອນທ້າຍພິທີຍັງໄດ້ມອບໃບຍ້ອງຍໍຂອງເຈົ້າເມືອງຊຽງເງິນ ໃຫ້ແກ່ທ່ານ ກວນ ຊຸນກຸນ ປະທານອົງການໂລດຕາລີສາກົນແຫ່ງ ສເກົາຫຼີ ແລະບັນດາບຸກຄົນໃນອົງການທີ່ມີຜົນງານດີເດັ່ນຈຳນວນໜຶ່ງຕື່ມອີກເພື່ອສະແດງເຖິງຄວາມຮູ້ບຸນຄຸນ ແລະຈາລຶກຜົນງານໄວ້ໃນປະຫວັດສາດເມືອງຊຽງເງິນ.

  ຂ່າວໃຫ້ຮູ້ຕື່ມວ່າໃນສົກຮຽນ 2017-2018 ນີ້ທາງອົງການໂລດຕາລີສາກົນແຫ່ງ ສເກົາຫຼີ ໄດ້ຊ່ວຍທຶນກໍ່ສ້າງໂຮງຮຽນມັດທະຍົມຈຳນວນ 1 ຫຼັງພ້ອມສວນສາທາລະນະ ແລະຊ່ວຍອຸປະກອນຮັບໃຊ້ການຮຽນ-ການສອນຕ່າງໆຈຳນວນໜຶ່ງມູນຄ່າ 77 ພັນໂດລາ ໃຫ້ແກ່ບ້ານມູດ ເມືອງຊຽງເງິນ ແຂວງຫຼວງພະບາງໂດຍແມ່ນບໍລິສັດຖາວອນກໍ່ສ້າງເຄຫາສະຖານ ເປັນຜູ້ຮັບເໝົາກໍ່ສ້າງ,ມາຮອດປະຈຸບັນການກໍ່ສ້າງໄດ້ສຳເລັດ 100% ແລະໄດ້ຈັດພິທີມອບ-ຮັບຢ່າງເປັນທາງການໃນວັນທີ 9 ມີນາ 2018 ນີ້ ໂດຍການເຂົ້າຮ່ວມຂອງທ່ານ ບຸນໄຊ ມົວເຮີ ຮອງເຈົ້າເມືອງຊຽງເງິນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ