ເມືອງສະໜາມໄຊ ສະຫຼອງວັນແມ່ຍິງທີ່ຕາດແຊພະ-ແຊປ້ອງໄລ

  ໃນວັນທີ 8 ມີນາ 2018 ນີ້ເມືອງສະໜາມໄຊ,ແຂວງອັດຕະປື ໄດ້ຈັດພິທີສະເຫຼີມສະຫຼອງວັນແມ່ຍິງສາກົນຄົບຮອບ 108 ປີທີ່ແຫຼ່ງທ່ອງທ່ຽວຕາດແຊພະ-ແຊປ້ອງໄລ ໂດຍການເຂົ້າຮ່ວມຂອງທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງໆອັດຕະປື ປະທານຄະນະກໍາມະການຈັດງານປີທ່ອງທ່ຽວລາວ 2018 ຂອງແຂວງອັດຕະປື,ມີການນໍາຂອງແຂວງ,ການນໍາເມືອງ, ບັນດາແຂກຖືກເຊີນພ້ອມດ້ວຍມວນຊົນ ແລະນັກທ່ອງທ່ຽວເຂົ້າຮ່ວມຢ່າງຫຼວງຫຼາຍ.

  ໃນພິທີທ່ານ ນາງ ມະນີລາ ໄຊສົມບູນ ຮອງເຈົ້າເມືອງໆສະໜາມໄຊ ໄດ້ກ່າວມີຄໍາເຫັນຫວນຄືນວັນແມ່ຍິງສາກົນຄົບຮອບ 108 ປີ ແຕ່ວັນທີ 8 ມີນາ 1910 ຫາ 8 ມີນາ ປີ 2018 ພາຍໃຕ້ຫົວຂໍ້ເຖິງເວລາແລ້ວທີ່ທຸກຄົນຮ່ວມມືກັນປັບປຸງຊີວິດການເປັນຢູ່ຂອງແມ່ຍິງໃນຕົວເມືອງ ແລະຊົນນະບົດໃຫ້ດີຂຶ້ນ,ສໍາລັບປະຫວັດຄວາມເປັນມາຂອງວັນທີ 8 ມີນາ ວັນແມ່ຍິງສາກົນແມ່ນເປັນວັນຂອງຂະບວນການຕໍ່ສູ້ຂອງແມ່ຍິງໃນໂລກ,ພາກພື້ນ,ອາຊຽນ,ວັນທີ 8 ມີນາ ແມ່ນວັນທີ່ມີຄວາມໝາຍສໍາຄັນ,ເປັນຂີດໝາຍແຫ່ງໄຊຊະນະອັນເປັນພື້ນຖານຂອງຂະບວນການແມ່ຍິງສາກົນໃນການທວງເອົາສິດຜົນປະໂຫຍດອັນຊອບທໍາໃຫ້ແກ່ແມ່ຍິງຜູ້ອອກແຮງງານໃນທົ່ວໂລກເພື່ອປົດປ່ອຍຕົນເອງ ແລະ ທວງເອົາສິດເສລີພາບມາໃຫ້ແມ່ຍິງທວງໃຫ້ ນາຍທຶນແກ້ໄຂຊີວິດການເປັນຢູ່ພາຍໃຕ້ຄໍາຂວັນຜູ້ໜຶ່ງເຮັດວຽກມື້ລະ 8 ຊົ່ວໂມງແມ່ຍິງ ແລະຜູ້ຊາຍເຮັດວຽກຄືກັນຕ້ອງໄດ້ຮັບເງິນເດືອນເທົ່າກັນ ແລະ ສິດຜົນປະໂຫຍດອື່ນຕ້ອງໄດ້ຮັບການປົກປ້ອງເທົ່າທຽມກັນກັບເພດຊາຍ.

  ທ່ານນາງ ມະນີລາ ໄຊສົມບູນ ຍັງໄດ້ກ່າວແນະນໍາສະຖານທີ່ທ່ອງທ່ຽວພາຍໃນເມືອງສະໜາມໄຊ ເປັນຕົ້ນສະຖານທີ່ທ່ອງທ່ຽວຕາດແຊພະ-ແຊປ້ອງໄລ ເຊິ່ງເປັນແຫຼ່ງທ່ອງທ່ຽວ    ທາງທໍາມະຊາດທີ່ສໍາຄັນຂອງແຂວງກໍ່ຄືເມືອງສະໜາມໄຊ,ປະຈຸບັນຕາດດັ່ງກ່າວພວມໄດ້ຮັບຄວາມສົນໃຈຈາກນັກທ່ອງທ່ຽວທັງພາຍໃນ ແລະຕ່າງປະເທດເປັນນໍ້າຕົກຕາດທີ່ນອນ ໃນສາຍນໍ້າເຊປຽນ.ພາຍໃນງານຍັງໄດ້ມີການວາງສະແດງສິນຄ້າຫັດຖະກໍາຈັກສານ,ກະສິກໍາ ແລະງານປະກວດອາຫານພື້ນບ້ານນໍາອີກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ