ການຮັກສາສຸຂະພາບໄລຍະຖືພາຊ່ວຍຫຼຸດການຕາຍຂອງແມ່ໄດ້ 25%

   ໃນວັນທີ 13 ມີນາຜ່ານມາທີ່ກະຊວງການຕ່າງປະເທດ,ຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງການຕ່າງປະເທດໄດ້ຈັດກອງປະຊຸມສຳມະນາ

ພາຍໃຕ້ຫົວຂໍ້ “ ການຮັກສາສຸຂະພາບໄວຈະເລີນພັນ”,ໂດຍການເປັນປະທານຂອງທ່ານ ທອງຜ່ານ ສະຫວັນເພັດ ຮອງລັດຖະມົນຕີ,ທັງເປັນປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງການຕ່າງປະເທດ,ທ່ານ ດຣ. ກອບແກ້ວ ສຸພັນທອງ ຮອງຫົວໜ້າສູນສຸຂະພາບແມ່ ແລະ ເດັກ ກະຊວງສາທາລະນະສຸກ,ພ້ອມດ້ວຍພະນັກງານກະຊວງການຕ່າງປະເທດເຂົ້າຮ່ວມ.

  ທ່ານ ທອງຜ່ານ ສະຫວັນເພັດ ໄດ້ກ່າວວ່າ: ແມ່ຍິງທີ່ກຽມພ້ອມຈະຖືພາ ແລະແມ່ຍິງທີ່ກຳລັງຈະຖືພາເອງກໍຍິ່ງຈຳເປັນຕ້ອງໄດ້ເອົາໃຈໃສ່ເບິ່ງແຍງສຸຂະພາບໃຫ້ແຂງແຮງ,ຄຽງຄູ່ກັບການເບິ່ງແຍງຕົນເອງ.ເພດຊາຍໂດຍສະເພາະຜູ້ທີ່ເປັນພໍ່,ເປັນເພື່ອນຮ່ວມງານກໍຈຳເປັນຕ້ອງໄດ້ເອົາໃຈໃສ່ປະຕິບັດຕໍ່ແມ່ຍິງໃຫ້ຖືກຕ້ອງເພື່ອຮັບປະກັນທາງດ້ານສຸຂະພາບ ແລະຫຼຸດຜ່ອນຄວາມສ່ຽງທີ່ເປັນອັນຕະລາຍ ຫຼື ຜົນກະທົບຕໍ່ສຸຂະພາບຂອງແມ່ ແລະເດັກທີ່ອາດເກີດຂຶ້ນ.ໂດຍການດູແລສຸຂະພາບໃນໄລຍະຖືພາເປັນການຊ່ວຍຫຼຸດອັດຕາການຕາຍຂອງແມ່ໄດ້ເຖິງ 25%.ນອກຈາກນີ້,ຍັງສາມາດບົ່ງມະຕິໄວ,ປິ່ນປົວ ແລະປ້ອງກັນບັນດາສາເຫດໂດຍກົງທີ່ພາໃຫ້ແມ່ຕາຍເຊັ່ນ: ເລືອດໄຫຼກ່ອນເກີດ,ຄວາມດັນເລືອດສູງ,ຊັກກະຕຸກ,ຂາດເລືອດ,ໄຂ້ຍຸງ,ພະຍາດຕິດຕໍ່ທາງເພດສຳພັນ,ເອດ,ແມ່ຕິດເຊື້ອ ແລະອື່ນໆພ້ອມທັງຍັງປ້ອງກັນເດັກຕາຍໃນທ້ອງ ແລະເດັກເກີດໃໝ່ຕາຍ,ຊຶ່ງແມ່ຍິງທຸກຄົນມີສິດ
ຄາດຫວັງຢາກໃຫ້ລູກຂອງຕົນເກີດມາມີຊີວິດ ແລະມີສຸຂະພາບແຂງແຮງເຊັ່ນດຽວກັບທຸກຄົນມີສິດຢາກຈະຢູ່ກັບແມ່ທີ່ມີສຸຂະພາບແຂງແຮງເໝືອນກັນ.

  ທ່ານ ທອງຜ່ານ ສະຫວັນເພັດ ກ່າວຕື່ມວ່າ: ສະພາບປະຈຸບັນເຫັນໄດ້ວ່າບັນຫາສັງຄົມທີ່ເກີດຂຶ້ນຫຼາຍກວ່າໝູ່ແມ່ນຄວາມບໍ່ພ້ອມໃນການເປັນພໍ່-ແມ່,ຊຶ່ງເປັນສາເຫດພື້ນຖານ ໃນການສ້າງບັນຫາຂອງສັງຄົມໄປໃນຕົວ.ກອງປະຊຸມຄັ້ງນີ້,ຜູ້ເຂົ້າຮ່ວມຍັງໄດ້ຮັບຟັງການບັນຍາຍກ່ຽວກັບວຽກງານບົດບາດຍິງ-ຊາຍ ແລະການວາງແຜນຄອບຄົວ,ແລກປ່ຽນຄຳ
ຄິດເຫັນ,ປະສົບການໃນການດູແລຕົນເອງ ແລະສະມາຊິກໃນຄອບຄົວ,ການຮັກສາສຸຂະພາບຂອງແມ່ຍິງໃນໄລຍະຖືພາແຕ່ 1-9 ເດືອນ ແລະການດູແລສຸຂະພາບເດັກລຸ່ມ 1 ປີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ