ສີສັດຕະນາກປະກາດ 10 ໂຮງຮຽນປອດຢາເສບຕິດ

  ວັນທີ 13 ມີນາ 2018 ທີ່ໂຮງຮຽນອະນຸບານ,ປະຖົມມັດທະຍົມຕອນຕົ້ນຮາກແກ້ວນະຄອນຫຼວງວຽງຈັນໄດ້ຈັດພິທີປະກາດໂຮງຮຽນເປັນໂຮງຮຽນປອດຢາເສບຕິດ

ໂດຍເປັນກຽດເຂົ້າຮ່ວມຂອງທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນ,ທ່ານ ບຸນເມກ ວິໄລແສງ ຮອງເຈົ້າເມືອງສີສັດຕະນາກ,ທ່ານ ນາງ ປານີ    ສຸກສະຫວັດ ຫົວໜ້າພະແນກກວດກາ ແລະຄວບຄຸມຢາເສບຕິດກະຊວງປ້ອງກັນຄວາມສະຫງົບ,ທ່ານ ຄໍາສິງ ດວງດາລາ ຫົວໜ້າຫ້ອງການເມືອງສີສັດຕະນາກ,ພ້ອມດ້ວຍຜູ້ອໍານວຍການ,ປກສ ເມືອງ,ກຸ່ມບ້ານ,ນາຍບ້ານ,ຄູ-ອາຈານ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ນາງ ສຸພາພອນ ຄາວາມູ ລະວິຊາປຣາ ຜູ້ອຳນວຍການໂຮງຮຽນອະນຸບານ,ປະຖົມ ແລະມັດທະຍົມຕອນຕົ້ນຮາກແກ້ວກ່າວວ່າ:ສົກຮຽນ 2016-2017 ທົ່ວເມືອງສີສັດຕະນາກມີໂຮງຮຽນທັງໝົດ 74 ແຫ່ງໃນນີ້ມີໂຮງຮຽນເອກະຊົນ 39 ແຫ່ງສຳລັບການເຄື່ອນໄຫວວຽກງານຕ້ານສິ່ງເສບຕິດໃນໂຮງຮຽນ ແລະຊຸມຊົນໃນໄລຍະຜ່ານມາຊຶ່ງໄດ້ຈັດຕັ້ງໃນລະຫວ່າງວັນທີ 3-12 ທັນວາ 2017 ໂດຍຂະແໜງພະລະ-ສິລະປະພະແນກສຶກສາທິການ ແລະກິລານະຄອນຫຼວງວຽງຈັນໄດ້ສົມທົບກັບໜ່ວຍງານພະລະ-ສິລະປະຫ້ອງການສຶກສາທິການ ແລະກີລາເມືອງສີສັດຕະນາກໄດ້ລົງເກັບກໍາ ແລະປະເມີນກ່ຽວກັບການທີ່ຈະປະກາດໂຮງຮຽນເປັນໂຮງຮຽນປອດສິ່ງເສບຕິດຂຶ້ນປ້າຍຢ່າງເປັນທາງການຢູ່ພາຍໃນເມືອງ.

  ຈາກນັ້ນທ່ານ ຫົງແກ້ວ ທໍາມະວົງ ຫົວໜ້າຂະແໜງພະລະ-ສິລະປະສຶກສາພະແນກສຶກສາທິການ ແລະກີລານະຄອນຫຼວງຍັງໄດ້ຜ່ານຂໍ້ຕົກລົງວ່າດ້ວຍການປະກາດໂຮງຮຽນເປັນໂຮງຮຽນປອດຢາເສບຕິດໂດຍຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນເຫັນດີຕົກລົງເຫັນດີໃຫ້ປະກາດໂຮງຮຽນ 10 ແຫ່ງຢູ່ເມືອງສີສັດຕະນາກນະຄອນຫຼວງວຽງຈັນເປັນໂຮງຮຽນປອດຢາເສບຕິດ ແລະຂຶ້ນປ້າຍຄັກແນ່,ຊຶ່ງປະກອບມີໂຮງຮຽນປະຖົມທົ່ງກາງ,ປະຖົມຈອມເພັດ,ປະຖົມ-ມັດທະຍົມຕອນຕົ້ນຮາກແກ້ວ,ປະຖົມທາດຂາວ,ປະຖົມດົງສະຫວາດ,ປະຖົມກຸນນະວົງ,ປະຖົມດອນກອຍ,ປະຖົມໂສກປ່າຫຼວງ,ປະຖົມສີປະເສີດ ແລະໂຮງຮຽນປະຖົມໄຊພອນສົມບູນ.ຫຼັງຈາກນັ້ນ,ກໍ່ມອບປ້າຍປອດສິ່ງເສບຕິດ ແລະໃບຍ້ອງຍໍໃຫ້ 10 ໂຮງຮຽນທີ່ປະກາດເປັນໂຮງຮຽນປອດສິ່ງເສບຕິດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ