ຮອງປະທານສະພາ ເນັ້ນຫຼາຍບັນຫາຕໍ່ກອງປະຊຸມ ສສປພ

   ໂອກາດເຂົ້າຮ່ວມກອງປະຊຸມຄົບຄະນະສະມາຄົມສະມາຊິກສະພາແຫ່ງຊາດເພື່ອສົ່ງເສີມວຽກງານປະຊາກອນ ແລະການພັດທະນາ (ສສປພ) ປະຈໍາປີ 2018, ຊຶ່ງຈັດຂຶ້ນໃນວັນທີ 19 ມີນາ,ທີ່ສູນຝຶກອົບຮົມສູນກາງແນວລາວສ້າງຊາດ,ທ່ານ ບຸນປອນ ບຸດຕະນະວົງ ຮອງປະທານຄະນະປະຈຳສະພາແຫ່ງຊາດ,ຜູ້ຊີ້ນໍາວຽກງານຂົງເຂດວັດທະນະທຳ-ສັງຄົມກໍໄດ້ໃຫ້ຄຳເຫັນຫຼາຍດ້ານເພື່ອເຮັດໃຫ້ວຽກງານໄດ້ດຳເນີນໄປຢ່າງບັນລຸຕາມລະດັບຄາດໝາຍ.

  ທ່ານ ບຸນປອນ ບຸດຕະນະວົງ ກ່າວວ່າ: ອົງການສະມາຊິກລັດຖະສະພາອາຊີເພື່ອສົ່ງເສີມວຽກງານປະຊາກອນ ແລະການພັດທະນາ The Asian Forum of Parliamentarians on Populaion and Development (AFPPD) ແມ່ນສ້າງຕັ້ງຂຶ້ນໃນປີ 1981 ຢູ່ກອງປະຊຸມສະມາຊິກລັດຖະສະພາອາຊີກ່ຽວກັບວຽກງານປະຊາກອນ ແລະການພັດທະນາ,ທີ່ຈັດຂຶ້ນຢູ່ນະຄອນປັກກິ່ງ ສປ ຈີນ ເພື່ອສົ່ງເສີມການເຂົ້າຮ່ວມຂອງຜູ້ສ້າງກົດໝາຍ (ອົງການນິຕິບັນຍັດ) ໂດຍເລັ່ງໃສ່ການດຶງດູດເອົາສະມາຊິກສະພາໃນທົ່ວພາກພື້ນອາຊີປາຊີຟິກເຂົ້າມາມີສ່ວນຮ່ວມໃນຫຼາຍວຽກທີ່ພົວພັນກັບປະຊາກອນ ແລະການພັດທະນາ.

  ຜ່ານມາ ສສປພ ແມ່ນໄດ້ເຂົ້າຮ່ວມການໂຄສະນາເຜີຍແຜ່,ສຶກສາອົບຮົມ,ປຸກລະດົມທົ່ວສັງຄົມເຂົ້າຮ່ວມການຈັດຕັ້ງປະຕິບັດຍຸດທະສາດແຫ່ງຊາດ,ເພື່ອການເຕີບໃຫຍ່,ການລົບລ້າງຄວາມທຸກຍາກ (NGPES) ແລະບັນຫາສຳຄັນຕ່າງໆທີ່ຕິດພັນກັບວຽກງານປະຊາກອນ ແລະການພັດທະນາໂດຍໃນກອງປະຊຸມສະໄໝສາມັນຂອງສະພາແຫ່ງຊາດແຕ່ລະໄລ ຍະຊຶ່ງສາມາດຊອກໄດ້ດ້ານຕັ້ງໜ້າ ແລະຂໍ້ຄົງຄ້າງທີ່ສາມາດເປັນຂໍ້ມູນພື້ນຖານເພື່ອນຳສະເໜີໃຫ້ຂະແໜງການທີ່ກ່ຽວຂ້ອງສຶບຕໍ່ແກ້ໄຂ.

  ເພື່ອໃຫ້ບັນລຸຕາມລະດັບຄາດໝາຍດັ່ງກ່າວມານັ້ນ,ສະມາຄົມ ສສປພ ຍັງຕ້ອງໄດ້ອອກແຮງຊຸກຍູ້,ສົ່ງເສີມທຸກພາກສ່ວນ ແລະໂຄສະນາເຜີຍແຜ່ນະໂນຍາຍຕ່າງໆທີ່ຕິດພັນກັບວຽກງານປະຊາກອນ,ການພັດທະນາໃຫ້ປະຊາຊົນໄດ້ຮັບຮູ້ ແລະເຂົ້າໃຈຢ່າງເລິກເຊິ່ງໂດຍສະເພາະຢູ່ເຂດຫ່າງໄກສອກຫຼີກໃນການເບິ່ງແຍງ,ລ້ຽງດູເດັກໃຫ້ຖືກວິທີ,ຖືກກັບຫຼັກວິທະ ຍາສາດລວມທັງເດັກກ່ອນເກີດ,ບັນຫາສຸຂະພາບຈະເລີນພັນ,ບັນຫາໂລກເອດສ,ພະຍາດຕິດຕໍ່ທາງເພດສຳພັນ,ການວາງແຜນຄອບຄົວ,ບົດບາດຍິງ-ຊາຍ,ບັນຫາຜູ້ສູງອາຍຸ,ວຽກງານການສຶກສາ ແລະອື່ນໆ,ນອກນັ້ນຍັງຕ້ອງສົມທົບກັບຂະແໜງການທີ່ກ່ຽວຂ້ອງໃນການຄົ້ນຄວ້ານະໂຍບາຍແຫ່ງຊາດຕົ້ນຕໍໃສ່ເນື້ອໃນກົດໝາຍໃຫ້ຄົບຖ້ວນ,ຊັດເຈນ,ຮັດກຸມ,ຕາມຂັ້ນຕອນ ແລະໃຫ້ສອດຄ່ອງກັບສະພາບຄວາມເປັນຈິງຂອງການພັດທະນາວຽກງານປະຊາກອນ ແລະການພັດທະນາແຕ່ລະໄລຍະ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ