ຫາລືວຽກແຜນງານອາຫານໃນໂຮງຮຽນ

  ວັນທີ 20 ມີນາ 2018,ທີ່ສູນຝຶກອົບຮົມສູນກາງແນວລາວສ້າງຊາດໄດ້ຈັດກອງປະຊຸມປຶກສາຫາລືກ່ຽວກັບແຜນງານອາຫານໃນໂຮງຮຽນໃຫ້ແກ່ຄະນະນຳ ແລະສະມາຊິກສະພາ

ແຫ່ງຊາດ,ໂດຍການເປັນປະທານຂອງທ່ານ ສົມພູ ດວງສະຫວັນ ປະທານກຳມາທິການວັດທະນະທຳ-ສັງຄົມ,ສະພາແຫ່ງຊາດເພື່ອແນໃສ່ແລກປ່ຽນຂໍ້ມູນກ່ຽວກັບແຜນງານອາຫານໃນໂຮງຮຽນໃຫ້ແກ່ຄະນະນຳ ແລະສະມາຊິກສະພາແຫ່ງຊາດ,ແລກປ່ຽນແຜນຕໍ່ໜ້າກ່ຽວກັບການມອບ-ຮັບແຜນງານອາຫານໃນໂຮງຮຽນໃຫ້ລັດຖະບານລວມທັງການລິເລີ່ມຊືສານວຽກງານອາຫານໃນໂຮງຮຽນເຂົ້າໃນແຜນງົບປະມານຂອງລັດ.

  ທ່ານ ສົມພູ ດວງສະຫວັນ ກ່າວວ່າ: ລັດຖະບານລາວໄດ້ດຳເນີນການປະຕິຮູບລະບົບການສຶກສາແຫ່ງຊາດໂດຍໃຊ້ທຸກວິທີທາງເພື່ອໃຫ້ເດັກເຂົ້າເຖິງການສຶກສາຢ່າງສະເໝີພາບ   ແລະມີຄຸນນະພາບເທົ່າທຽມກັນ ແລະການສະໜອງອາຫານໃນໂຮງຮຽນກໍເປັນວຽກໜຶ່ງທີ່ປະກອບສ່ວນໂດຍກົງຕໍ່ການບັນລຸເປົ້າໝາຍການສຶກສາເພື່ອໝົດທຸກຄົນ ແລະເປົ້າໝາຍສະຫັດສະຫວັດດ້ານການພັດທະນາໃນປີ 2015,ລັດຖະບານລາວ ຈຶ່ງໄດ້ອະນຸມັດການທົດລອງໂຄງການອາຫານເສີມໂດຍການຮ່ວມມືກັບອົງການອາຫານໂລກນັບແຕ່ປີ 2002 ເປັນ ຕົ້ນມາ,ຊຶ່ງຜ່ານການຈັດຕັ້ງປະຕິບັດໂຄງການດັ່ງກ່າວເຫັນວ່າການຮຽນດີຂຶ້ນສົມທຽບຈາກສົກຮຽນ 2004-2005 ໃສ່ສົກປີ 2012-2013 ອັດຕາການເຂົ້າຮຽນສຸດທິໂດຍສະເລ່ຍແມ່ນ 75% ຂຶ້ນເປັນ 95,4%,ອັດຕາຄ້າງຫ້ອງ 20,1% ຫຼຸດລົງເປັນ 12,5%,ອັດຕາປະລະຈາກ 14,6% ຫຼຸດລົງຍັງແຕ່ 8,9%,ດັ່ງນັ້ນເພື່ອໃຫ້ທຸກພາກສ່ວນໃນສັງຄົມພາກລັດ,ເອກະຊົນ ແລະຄູ່ຮ່ວມພັດທະນາທີ່ປະຕິບັດວຽກງານສະໜອງອາຫານໃນໂຮງຮຽນຮັບປະກັນດ້ານໂພຊະນາການໃຫ້ເດັກໄດ້ຮັບອາຫານໄດ້ຢ່າງພຽງພໍທັງປະລິມານ ແລະຄຸນນະພາບທີ່ເໝາະສົມ ຕໍ່ຄວາມຕ້ອງການຂອງຮ່າງກາຍໃນ ແຕ່ລະວັນຕາມອາຍຸ,ຮັບປະກັນດ້ານອາຫານປອດໄພ,ສຸຂະພິບານ ແລະສຸຂະອະນາໄມ,ພ້ອມທັງສ້າງຂີດຄວາມສາມາດດ້ານດັ່ງກ່າວໃຫ້ປະຕິບັດເປັນວັດທະນະທຳໃນໂຮງຮຽນໄປສູ່ແຕ່ລະຄົວເຮືອນ ແລະໃຫ້ປະຕິບັດໃນລວງດຽວກັນຕາມນະໂຍບາຍການພັດທະນາຊັບພະຍາກອນມະນຸດຂອງລັດຖະບານ,ສິ່ງທີ່ສຳຄັນແມ່ນເພື່ອໃຫ້ວຽກງານດັ່ງກ່າວມີຄວາມຍືນຍົງ,ສາມາດຄຸ້ມຄອງ ແລະກວດກາໄດ້ອາຫານທີ່ສະໝອງ ຫຼື ຂາຍໃຫ້ເດັກໃນໂຮງຮຽນລັດຖະບານຈຶ່ງໄດ້ດຳນົດນະໂຍບາຍສົ່ງເສີມອາຫານທ່ຽງໃນໂຮງຮຽນຂຶ້ນ.

  ໃນຂໍ້ມູນຍັງໃຫ້ຮູ້ອີກວ່າ:ອາຫານທ່ຽງໃນໂຮງຮຽນໄດ້ມີການຂະຫຍາຍຕົວຢ່າງຕໍ່ເນື່ອງຈົນມາເຖິງປີຜ່ານມາ ແລະເດັກໃນ 312 ໂຮງຮຽນໄດ້ກິນອາຫານທ່ຽງຈາກແຜນງານດັ່ງ   ກ່າວ:ສາລັບໃນປີ 2018 ນີ້ແມ່ນໄດ້ເລີ່ມໃນເດືອນກຸມພາ ຈົນເຖິງເດືອນມີຖຸນາ 2019, ອົງການອາຫານໂລກຈະມອບ-ຮັບ 500 ໂຮງຮຽນໃຫ້ແກ່ກະຊວງສຶກສາທິການ ແລະກີລາ ແລະອີກ 950 ໂຮງຮຽນແມ່ນຈະສຶບຕໍ່ມອບໃນປີ 2021.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ