ສກມ ຜາໄຊ ເຜີຍແຜ່ນໍາໃຊ້ຫຼັກສູດໃໝ່ຊັ້ນອະນຸບານ

  ຫ້ອງການສຶກສາທິການ ແລະກີລາເມືອງຜາໄຊ ແຂວງຊຽງຂວາງ ຈັດຕັ້ງເຜີຍແຜ່ການນໍາໃຊ້ຫຼັກສູດໃໝ່ຊັ້ນອະນຸບານ 1,2,3 ໃຫ້ແກ່ຄູສອນອະນຸບານທົ່ວເມືອງໃນວັນທີ 19 ມີນາ

ຜ່ານມາທີ່ຫ້ອງການສຶກສາທິການ ແລະກີລາເມືອງຂອງຕົນພາຍໃຕ້ການເປັນປະທານຂອງທ່ານ ຄໍາເພັດ ທັນສະໄໝ ຮອງຫົວໜ້າຫ້ອງການສຶກສາທິການ ແລະກີລາເມືອງຜາ      ໄຊ,ເຂົ້າຮ່ວມມີທ່ານ ນາງ ແພງມະນີ ພັນທະວົງສາ ວິຊາການຂະແໜງປະຖົມ-ອະນຸບານພະແນກສຶກສາທິການ ແລະກີລາແຂວງ,ມີພະນັກງານຈາກໜ່ວຍງານທີ່ກ່ຽວຂ້ອງຫ້ອງການສຶກສາທິການ ແລະກີລາເມືອງຜາໄຊພ້ອມດ້ວຍຄູສອນຊັ້ນອະນຸບານທົ່ວເມືອງເກືອບ 30 ທ່ານ.

 ເນື້ອໃນການເຜີຍແຜ່ການນໍາໃຊ້ຫຼັກສູດໃໝ່ຊັ້ນອະນຸບານຄັ້ງນີ້ຈະເນັ້ນໃຫ້ສໍາມະນາກອນທີ່ເຂົ້າຮ່ວມຮູ້ ແລະເຂົ້າໃຈຫຼັກການ-ການນໍາໃຊ້ປື້ມແບບຮຽນອະນຸບານສຶກສາຊັ້ນອະນຸບານ 1,2,3,ການນໍາໃຊ້ສື່ການຮຽນ-ການສອນ,ເອກະສານການຕິດຕາມພັດທະນາການເດັກ,ເອກະສານການຈັດກິດຈະກໍາການຮຽນ-ການສອນຊັ້ນອະນຸບານ,ການສ້າງແຜນການສອນ, ການແຕ່ງບົດສອນ,ການວິເຄາະບົດສອນ ແລະການສອນທົດລອງ,ທັ້ງນີ້ກໍເພື່ອເອກະພາບກັນບົນຫຼັກການ-ໃນການນຳໃຊ້ຫຼັກສູດໃໝ່ ໃຫ້ມີຄວາມເຂົ້າໃຈໃນເວລານໍາໄປຈັດຕັ້ງປະຕິບັດຕົວຈິງຢູ່ໃນໂຮງຮຽນໃຜລາວ,ແນໃສ່ຍົກສູງຄຸນນະພາບການສຶກສາໃນຂອບເຂດທົ່ວເມືອງໃຫ້ນັບມື້ພົ້ນເດັ່ນເທົ່າທຽມກັບບັນດາໂຮງຮຽນແຫ່ງອື່ນໆ.

  ສໍາລັບຄູສອນໂຮງຮຽນເປົ້າໝາຍເຂົ້າຮ່ວມປະກອບມີ: ໂຮງຮຽນອະນຸບານ (ລາດຄ້າຍ,ລາດແສນ,ໜອງຫອຍ,ແສນອຸດົມ,ນໍ້າກະ,ນໍ້າສຽມ,ຕໍາລືງ,ບ້ານໜອງ,ບ້ານພາ,ນາປັນ,ນາໄຊ ແລະໂຮງຮຽນອະນຸບານເອກະຊົນລາດຄ້າຍ) ໂດຍຈະໃຊ້ເວລາທັງໝົດ 4 ວັນ,ນັບແຕ່ວັນທີ 19-23 ມີນານີ້ຈິ່ງສໍາເລັດ.

  ໂອກາດດັ່ງກ່າວທ່ານ ຄໍາເພັດ ທັນສະໄໝ ໄດ້ຮຽກຮ້ອງໃຫ້ສໍາມະນາກອນທຸກຄົນຈົ່ງພ້ອມກັນເອົາໃຈໃສ່ຮັບຟັງຄົ້ນຄວ້າປະກອບຄໍາຄິດຄໍາເຫັນ ແລະສົນທະນາແຕ່ລະເນື້ອໃນເອກະສານໃຫ້ມີຄວາມເຂົ້າໃຈຢ່າງກະຈ່າງແຈ້ງ,ເພື່ອເຮັດແນວໃດໃຫ້ການເຜີຍແຜ່ການນໍາໃຊ້ຫຼັກສູດໃໝ່ມີຜົນສໍາເລັດ ແລະໄດ້ຮັບຜົນດີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ