ຫົງສາສຳເລັດແຂ່ງຂັນກີລາປະຈຳປີ

  ງານແຂ່ງຂັນກີລາປະຈຳປີ 2018 ຢູ່ເມືອງຫົງສາ ແຂວງໄຊຍະບູລີ ໄດ້ສຳເລັດລົງຢ່າງເປັນທາງການພາຍຫຼັງໄດ້ເລີ່ມມາແຕ່ວັນທີ 19 ມັງກອນ ຈົນເຖິງວັນທີ 23 ມີນາ 2018 ໂດຍເຂົ້າຮ່ວມທ່ານ ພອນສະຫວັນ ໄຊສົມພັນ ຮອງເຈົ້າເມືອງໆຫົງສາ,ມີການນຳຂອງເມືອງ,ແຂກຖືກເຊີນ,ຜູ້ອຳນວຍການໂຮງຮຽນເທສະບານເມືອງ,ຄູຝຶກ,ນັກກີລາທຸກພາກສ່ວນ   ແລະກ້ອນກຳລັງຂອງນ້ອງນັກຮຽນເຂົ້າຮ່ວມຢ່າງຫຼວງຫຼາຍ.

    ທ່ານ ທອງສຸກ ປ້ອງຄຳ ຮອງຫົວໜ້າຫ້ອງການສຶກສາທິການ ແລະ ກີລາເມືອງຫົງສາໄດ້ຂຶ້ນຜ່ານບົດສະຫຼຸບການແຂ່ງຂັນກີລາປະຈຳປີຂອງເມືອງ.ເຊິ່ງກີລາທີນໍາມາແຂ່ງຂັນມີ 4 ປະເພດ,13 ລາຍການ.ຜ່ານການແຂ່ງຂັນກີລາປະເພດຕ່າງໆປາກົດວ່າ: ກີລາບານເຕະຊາວໜຸ່ມໄດ້ອັນດັບທີ 1 ທີມກອງບັນຊາການ ປກສ ເມືອງ,ອັນດັບທີ 2 ທີມໂກ້ການພິມ ແລະອັນດັບທີ 3 ທີມບ້ານວຽງແກ້ວ;ບານເຕະເຍົາວະຊົນໄດ້ອັນດັບທີ 1 ທີມໂຮງຮຽນ ມຕ ບ້ານແທ່ນຄຳ,ອັນດັບທີ 2 ທີມໂຮງຮຽນ ມສ ຫົງສາ ແລະອັນດັບທີ 3 ທີມໂຮງຮຽນ ມສ ບ້ານຫານ.ບານເຕະອານຸຊົນໄດ້ອັນດັບທີ 1 ໂຮງຮຽນ ປຖ ບ້ານແທ່ນຄຳ,ອັນດັບທີ 2 ໂຮງຮຽນ ປຖ ບ້ານໃຫຍ່ ແລະ ອັນດັບທີ 3 ໂຮງຮຽນ ປຖ ນາແກ່ນຄຳ;ປະເພດບານສົ່ງຊາວໜຸ່ມຊາຍໄດ້ອັນດັບທີ 1 ຫ້ອງການ-ການເງິນເມືອງ,ອັນດັບທີ 2 ກອງບັນຊາການ ປກສ ເມືອງ ແລະອັນດັບທີ 3 ຫ້ອງການພາຍໃນ.ບານສົ່ງຊາວໜຸ່ມຍິງໄດ້ອັນດັບທີ 1 ໂຮງຮຽນ ມສ ຫົງສາ (ກໍ),ອັນດັບທີ 2 ຫ້ອງການກະສິກຳ-ປ່າໄມ້ ແລະອັນດັບທີ 3 ໂຮງຮຽນ ມສ ບ້ານຫານ;ບານສົ່ງເຍົາວະຊົນຊາຍໄດ້ອັນດັບທີ1 ໂຮງຮຽນ ມສ ຫົງສາ,ອັນດັບທີ 2 ໂຮງຮຽນ ມສ ບ້ານຫານ ແລະ ອັນດັບທີ 3 ໂຮງຮຽນ ມຕ ແທ່ນຄຳ;ເຍົາວະຊົນຍິງໄດ້ອັນດັບທີ 1 ໂຮງຮຽນ ມຕ ແທ່ນຄຳ,ອັນດັບທີ 2 ໂຮງຮຽນ ມສ ບ້ານຫານ ແລະອັນດັບທີ 3 ໂຮງຮຽນ ມສ ຫົງສາ; ປະເພດກະຕໍ້ຫວາຍຊາວໜຸ່ມໄດ້ອັນດັບທີ 1 ກອງພັນ 410,ອັນດັບທີ 2 ຫ້ອງການພາຍໃນ ແລະອັນດັບທີ 3 ສາຍສົ່ງແຫ່ງຊາດ;ກະຕໍ້ຫວາຍເຍົາວະຊົນໄດ້ອັນດັບທີ 1 ໂຮງຮຽນ ມສ  ນາປຸ່ງ,ອນດັບທີ 2 ໂຮງຮຽນ ມສ ຫົງສາ ແລະອັນດັບທີ 3 ໂຮງຮຽນ ມຕ ແທ່ນຄຳ;ກີລາແລ່ນ-ລານປະເພດ 100 ແມັດຍິງໄດ້ອັນດັບທີ 1-2 ໂຮງຮຽນ ມສ ຫົງສາ ແລະອັນດັບທີ 3 ໂຮງຮຽນ ມສ ບ້ານຫານ;ກີລາແລ່ນ-ລານປະເພດ 100 ແມັດຊາຍໄດ້ອັນດັບທີ 1 ໂຮງຮຽນ ມສ ຫົງສາ ແລະອັນດັບທີ 2-3 ໂຮງຮຽນ ມສ ບ້ານຫານ;ກີລາແລ່ນ-ລານປະເພດ 1,500 ແມັດຍິງໄດ້ອັນດັບທີ 1-2-3 ໂຮງຮຽນ ມສ ບ້ານຫານ;ກີລາແລ່ນ-ລານປະເພດ 1,500 ແມັດຊາຍໄດ້ອັນດັບທີ 1 ໂຮງຮຽນ ມສ ບ້ານຫານ ແລະອັນດັບທີ 2-3 ໂຮງຮຽນ ມສ ຫົງສາ.    ພ້ອມນີ້,ຍັງໄດ້ມອບຂອງຂວັນລາງວັນນັກຮຽນເກັ່ງຂັ້ນແຂວງພ້ອມໃບຍ້ອງຍໍຈຳນວນ 2 ຄົນຍິງ 1 ຄົນ.

  

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ