ໜ່ວຍພັກກອງທຶນປົກປ້ອງຜູ້ຝາກເງິນຕີລາຄາການຈັດຕັ້ງມະຕິກອງປະຊຸມໃຫຍ່ຂັ້ນຂອງຕົນ

   ໜ່ວຍພັກກອງທຶນປົກປ້ອງ ຜູ້ຝາກເງິນໄດ້ຈັດຕັ້ງກອງປະຊຸມສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ II ຂັ້ນຂອງຕົນ ເຊິ່ງຈັດຂຶ້ນໃນວັນທີ 2 ເມສາ 2018 ທີ່ຫ້ອງປະຊຸມ ທະນາຄານແຫ່ງ ສປປ ລາວ ນະ ຄອນຫຼວງວຽງຈັນ ໂດຍ

ການເປັນ ປະທານຂອງສະຫາຍນາງ ແສງ ດາວວີ ວົງຄໍາຊາວ ເລຂາໜ່ວຍ ພັກ-ຜູ້ອໍານວຍການກອງທຶນປົກ ປ້ອງຜູ້ຝາກເງິນ ແລະໂດຍການ ໃຫ້ກຽດເຂົ້າຮ່ວມຂອງສະຫາຍ ສອນໄຊ ສິດພະໄຊ ຄະນະປະຈໍາ ພັກ-ຮອງຜູ້ວ່າການທະນາຄານ ແຫ່ງ ສປປ ລາວ, ມີບັນດາຜູ້ຕາງ ໜ້າຄະນະໜ່ວຍພັກຮາກຖານ-ຄະນະໜ່ວຍພັກທີ່ຂຶ້ນກັບອົງຄະນະພັກ ທຫລ, 3 ອົງການຈັດຕັ້ງມະ ຫາຊົນທະນາຄານແຫ່ງ ສປປ ລາວ ແລະສະມາຊິກພັກກອງທຶນປົກ ປ້ອງຜູ້ຝາກເງິນເຂົ້າຮ່ວມ.

   ກອງປະຊຸມຄັ້ງນີ້ ໄດ້ພ້ອມກັນ ສັງເກດຕີລາຄາຄືນການຊີ້ນໍາ-ນໍາພາຂອງຄະນະໜ່ວຍພັກໃນໄລ ຍະຜ່ານມາ ແລະກອງປະຊຸມຍັງ ໄດ້ສຸມໃສ່ຄົ້ນຄວ້າ, ພິຈາລະນາ, ປະກອບຄໍາເຫັນ ແລະຮັບຮອງ ເອົາບົດສະຫຼຸບຕີລາຄາການຈັດຕັ້ງ ປະຕິບັດມະຕິກອງປະຊຸມໃຫຍ່ ຄັ້ງທີ II ຂອງໜ່ວຍພັກກອງທຶນ ປົກປ້ອງຜູ້ຝາກເງິນ ແລະກໍານົດ ທິດທາງໜ້າທີ່ໃນຕໍ່ໜ້າ ໂດຍບັນ ດາຜູ້ແທນຂອງກອງປະຊຸມໄດ້ສຸມ ສະຕິປັນຍາຄົ້ນຄວ້າ ແລະເປັນ ເອກະພາບຕໍ່ບົດສະຫຼຸບຕີລາຄາ ການຈັດຕັ້ງປະຕິບັດມະຕິກອງປະ ຊຸມໃຫຍ່ຂອງຕົນ ແລະທິດທາງ ແຜນການເຄື່ອນໄຫວ 2 ປີ ຕໍ່ໜ້າ.

   ກອງປະຊຸມໄດ້ດໍາເນີນໄປ ທ່າມກາງການຈັດຕັ້ງປະຕິບັດມະ ຕິກອງປະຊຸມໃຫຍ່ຄັ້ງທີ X ຂອງ ພັກ, ມະຕິກອງປະຊຸມໃຫຍ່ຄັ້ງທີ III ຂອງອົງຄະນະພັກທະນາຄານ ແຫ່ງ ສປປ ລາວ; ການປະຕິບັດ ຂໍ້ແຂ່ງຂັນຮັກຊາດ ແລະພັດທະນາ ຕິດພັນກັບການຮັກສາສະຖຽນ ລະພາບເງິນຕາແຫ່ງຊາດ ແລະ ວຽກງານ 3 ສ້າງ; ສືບຕໍ່ກອງປະ ຊຸມສະຫຼຸບຕີລາຄາການຈັດຕັ້ງປະ ຕິບັດມະຕິກອງປະຊຸມໃຫຍ່ຄັ້ງທີ II ໃນປີ 2017 ຜ່ານມາຂອງໜ່ວຍ ພັກກອງທຶນປົກປ້ອງຜູ້ຝາກເງິນ, ການຈັດຕັ້ງໜ່ວຍພັກແມ່ນໄດ້ມີ ການເຕີບໃຫຍ່ຂະຫຍາຍຕົວ, ຈໍາ ນວນຂອງສະມາຊິກພັກມີການ ເພີ່ມຂຶ້ນ ເພື່ອໃຫ້ສອດຄ່ອງກັບກົດລະບຽບຂອງພັກວາງອອກ ແລະ ສົມຄູ່ກັບໜ້າທີ່ການເມືອງຂອງ ໜ່ວຍພັກກອງທຶນປົກປ້ອງຜູ້ຝາກ ເງິນ.

   ໃນໄລຍະການກະກຽມໃຫ້ແກ່ ກອງປະຊຸມສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ໃນເທື່ອນີ້, ໜ່ວຍພັກກອງທຶນປົກປ້ອງຜູ້ຝາກເງິນກໍໄດ້ມີການເປີດບັ້ນດໍາເນີນຊີວິດການເມືອງເພື່ອຕີລາຄາຈັດປະເພດສະມາຊິກພັກ ແລະໜ່ວຍພັກຕິດພັນກັບການ ກໍ່ສ້າງໜ່ວຍພັກແຂງ-ຮູ້ນໍາພາ ຮອບດ້ານ ແລະປັບປຸງກົງຈັກ ການຈັດຕັ້ງ, ສັບຊ້ອນພະນັກງານໃຫ້ມີຄວາມຄ່ອງຕົວເໝາະສົມ ແລະພ້ອມນັ້ນຍັງໄດ້ເອົາໃຈໃສ່ສ້າງຂະບວນການທາງດ້ານວິຊາສະເພາະ, ຂະບວນການທາງດ້ານກີລາ ແລະດ້ານອື່ນໆ.

   ໂອກາດດັ່ງກ່າວ, ສະຫາຍ ສອນໄຊ ສິດພະໄຊ ໄດ້ໃຫ້ກຽດໂອ້ລົມ ແລະມີທິດຊີ້ນໍາ ໂດຍເນັ້ນໃຫ້ຄະນະໜ່ວຍພັກ-ສະມາຊິກພັກໃນກອງທຶນປົກປ້ອງຜູ້ຝາກເງິນຈົ່ງພ້ອມກັນເສີມຂະຫຍາຍມູນເຊື້ອອັນດີເດັ່ນຂອງຕົນເຂົ້າໃນການຈັດຕັ້ງປະຕິບັດໜ້າທີ່ການ ເມືອງໃນແຕ່ລະໄລຍະໃຫ້ປະກົດຜົນສໍາເລັດສູງຂຶ້ນມີການປັບປຸງ ແລະແກ້ໄຂຂໍ້ຄົງຄ້າງໃນໄລຍະຜ່ານມາໃຫ້ດີຂຶ້ນເປັນກ້າວໆ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ