ໂຮງຮຽນການເມືອງອຸດົມໄຊ ປິດຊຸດຮຽນ

   ວັນທີ 30 ມີນາ 2018 ໂຮງຮຽນການເມືອງ  ແລະການປົກຄອງແຂວງອຸດົມໄຊ ໄດ້ຈັດພິທີສະຫຼຸບປິດຊຸດຮຽນທິດສະດີການເມືອງ ແລະການປົກຄອງຂຶ້ນທີ່ຫ້ອງປະຊຸມຂອງໂຮງຮຽນດັ່ງກ່າວ ໂດຍການເປັນປະທານຂອງ  ທ່ານ  ຄຳພຽງ  ຢາຈົງວາ  ຮອງເຈົ້າ

ແຂວງ ອຸດົມໄຊ, ທ່ານ ສົມຄິດ ກັນສະໜິດກຳມະການພັກແຂວງ, ຫົວໜ້າໂຮງຮຽນການເມືອງ  ແລະການປົກຄອງ ແຂວງ,ມີພະນັກງານຄູອາຈານ, ແຂກຖືກເຊີນ ແລະນັກສຶກສາທີ່ສໍາເລັດການສຶກສາໃນຊຸດດັ່ງກ່າວເຂົ້າຮ່ວມ.

   ຊຸດຮຽນທິດສະດີການເມືອງ ແລະການປົກຄອງລະບົບຊັ້ນກາງ ຮຸ່ນທີ 9 ນີ້ ແມ່ນໄດ້ເລີ່ມຕົ້ນການ ຮຽນການສອນຢ່າງເປັນທາງການໃນວັນທີ 25 ຕຸລາ 2016 ຊຶ່ງມີ ນັກສຶກສາທັງໝົດຈຳນວນ  62  ຄົນ,ຍິງ 23  ຄົນ  ໃນນັ້ນມາຈາກພະແນກ ການອ້ອມຂ້າງແຂວງ  31  ຄົນ, ເມືອງ29 ຄົນ ແລະກອງພົນທະຫານຮາບ ທີ 3 ຈຳນວນ 2 ຄົນ, ສໍາຫຼັບການ ຈັດຕັ້ງປະຕິບັດຫຼັກສູດການຮຽນການສອນແມ່ນແບ່ງອອກເປັນ 3 ໝວດ ຄື  ໝວດວິຊາຄວາມຮູ້ທົ່ວໄປປະກອບມີ 14 ວິຊາ 28 ໜ່ວຍກິດ, ໝວດວິຊາເຕັກນິກທົ່ວໄປມີ 7 ວິຊາ31  ໜ່ວຍກິດ, ໝວດວິຊາສະເພາະ ທິດສະດີມາກເລນິນ ມີ 7 ວິຊາ  19 ໜ່ວຍກິດ ແລະການລົງເກັບກຳຂໍ້ມູນພ້ອມທັງຂຽນບົດປ້ອງກັນຈົບຊັ້ນ ປະກອບມີ 2 ໜ່ວຍກິດຜ່ານການຈັດຕັ້ງການຮຽນການສອນຕະຫຼອດໄລຍະ 15 ເດືອນຜ່ານມາເຫັນວ່ານັກສຶກສາທັງໝົດສາມາດສຶກສາຮໍ່າຮຽນສຳເລັດ ແລະຈົບຫຼັກສູດຕາມລະດັບຄາດໝາຍ ເຊິ່ງສະແດງອອກຄືມີນັກສຶກສາສາມາດຍາດໄດ້ຄະນະແນນຕາມແຕ່ລະເກດດັ່ງນີ້ເກດເອຈຳນວນ 2 ຄົນ, ເອ, ບີບວກຈຳນວນ  27  ຄົນ,  ເອ,  ບີບວກ,  ບີມີຈຳນວນ 33 ຄົນ ແລະເກດເອ  ເຖິງຊີບວກມີທັງໝົດຈຳນວນ 10 ຄົນ. ໃນນັ້ນຍັງມີນັກສຶກສາທີ່ດີເດັ່ນຮອບດ້ານ ແລະດີເດັ່ນໃນການຮຽນ ປະເພດທີ 1 ຈໍານວນ 8 ຄົນ ໂດຍ ແບ່ງອອກເປັນດີເດ່ັນຮອບດ້ານ 4 ຄົນ ແລະເດັ່ນດ້ານການຮຽນ 4 ຄົນ. ໂອກາດັ່ງກ່າວກໍໄດ້ມີພິທີມອບ ໃບຍ້ອງຍໍໃຫ້ກັບຊຸດຮຽນ  ແລະບຸກຄົນດີເດັ່ນແຕ່ລະປະເພດລວມທັງພາກສ່ວນທີ່ປະກອບສ່ວນອຸປະຖຳໃຫ້ແກ່ໂຮງຮຽນໂດຍສະເພາະແມ່ນບໍລິສັດຮ່ວມມືສາກົນ 705 ແລະ ທ່ານ ຄຳດີ ເຮືອງປະເສີດ.

   ຕອນທ້າຍຂອງພິທີແມ່ນໄດ້ຮັບ ຟັງການໂອ້ລົມ ແລະໃຫ້ທິດຊີ້ນໍາ ຈາກທ່ານ ຄໍາພຽງ ຢາຈົງວາ ຮອງ ເຈົ້າແຂວງອຸດົມໄຊເພື່ອເປັນບ່ອນອີງໃຫ້ແກ່ໂຮງຮຽນໃນການສຶບຕໍ່ຈັດຕັ້ງການຮຽນການສອນໃນສົກປີຕໍ່ໄປລວມທັງນັກສຶກສາທີ່ສຳເລັດ ການສຶກສາໃນຄັ້ງນີ້ໃນການນໍາເອົາ ຄວາມຮູ້ທີ່ໄດ້ຮັບດັ່ງກ່າວໄປໝູນໃຊ້ ໃນຕົວຈິງໃຫ້ມີປະສິດທິພາບ ແລະ ເກີດດອກອອກຜົນ.

   

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ