ຕີລາຄາວຽກການພັດທະນາຊັບພະຍາກອນມະນຸດ

   ວັນທີ 2 ເມສາ 2018 ພະແນກສຶກສາທິການ ແລະກີລາແຂວງ ອັດຕະປື ໄດ້ຈັດກອງປະຊຸມສະຫຼຸບ-ຕີລາຄາຜົນການຈັດຕັ້ງປະຕິບັດວຽກງານການພັດທະນາຊັບພະຍາກອນມະນຸດສົກ  2017-2018  ພ້ອມວາງ ທິດທາງແຜນການ 2018-2019 ໂດຍການ

ເປັນປະທານຂອງ ທ່ານ ອຸ່ນຫຼ້າ ໄຊຍະສິດ ຄະນະປະຈໍາ ພັກແຂວງຮອງເຈົ້າແຂວງອັດຕະປື, ທ່ານ ຄຳພູນ ແກ້ວມາລາ ຫົວໜ້າພະແນກສຶກສາທິການ  ແລະກີລາ  ແຂວງ,  ມີຕາງໜ້າພະແນກການ ອ້ອມຂ້າງແຂວງ ແລະເມືອງ, ມີຄະນະບໍລິຫານການສຶກສາຂັ້ນເມືອງ  ແລະຂັ້ນໂຮງຮຽນທີ່ຂຶ້ນກັບພະແນກສຶກສາທິການ ແລະກີລາພ້ອມດ້ວຍທຸກພາກສ່ວນທີ່ກ່ຽວຂ້ອງເຂົ້າຮ່ວມ.

   ຈຸດປະສົງຂອງກອງປະຊຸມແມ່ນເພື່ອເປັນປະເມີນຜົນການຈັດຕັ້ງປະຕິບັດບັນດາໜ້າວຽກໃນສົກປີຜ່ານມາ ໂດຍສະເພາະໜ້າວຽກປະຈຳສົກປີ 2017-2018  ແລະວາງທິດທາງ ແຜນການໃນຕໍ່ໜ້າ 2018-2019 ເຊິ່ງໃນກອງປະຊຸມຜູ້ເຂົ້າຮ່ວມໄດ້ ພ້ອມກັນປະກອບຄຳຄິດຄຳເຫັນເຂົ້າໃສ່ບົດສະຫຼຸບ ແລະທິດທາງແຜນ ການເພື່ອແນໃສ່ເຮັດໃຫ້ພື້ນຖານການພັດທະນາຊັບພະຍາກອນມະນຸດຢູ່ແຂວງອັດຕະປືີ  ໄດ້ມີຄວາມເຂັ້ມ ແຂວງ  ແລະມີຄຸນນະພາບຕາມແນວ ທາງນະໂຍບາຍແຜນຍຸດທະສາດ ການພັດທະນາເສດຖະກິດ-ສັງຄົມ ຂອງຊາດໃນໄລຍະປະຈຸບັນ,  ເລັງໃສ່ການຍົກສູງຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີໂດຍສະເພາະ ການພັດທະນາບຸກຄະລາກອນໃຫ້ເປັນໜໍ່ແໜງຂອງປະເທດຊາດໃນອະນາຄົດເອົາໃສ່ສ້າງໃຫ້ລູກຫຼານມີບົດບາດສໍາຄັນເຂົ້າໃນການນໍາພາພັດທະນາປະເທດຊາດໃຫ້ຈະເລີນຮຸ່ງເຮືອງສີວິໄລເປັນຕົ້ນເຍົາວະຊົນຂອງຊາດເພື່ອໃຫ້ເຂົາເຈົ້າເຕີບໃຫຍ່ເປັນຄົນມີຄວາມຮູ້ຄວາມສາມາດ ແລະຊ່ວຍກັນພັດທະນາປະເທດຊາດໃນອະນາຄົດ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ