ຫາລືສາມຝ່າຍກ່ຽວກັບເຂດແດນເຊື່ອມຕໍ່

    ກອງປະຊຸມປຶກສາຫາລື ສາມຝ່າຍລະຫວ່າງສູນກາງ, ແຂວງຫຼວງພະບາງ ແລະແຂວງ ຜົ້ງສາລີ ເພື່ອແກ້ໄຂເຂດຊາຍແດນ ເຊື່ອມຕໍ່ລະຫວ່າງແຂວງກັບ ແຂວງ, ເມືອງກັບເມືອງ ແລະ ບ້ານຕໍ່ບ້ານຂອງ ແຂວງຫຼວງພະ ບາງກັບແຂວງຜົ້ງສາລີໄດ້ຈັດຂຶ້ນ

ລະຫວ່າງວັນທີ 29-30 ມີ ນາ 2018 ນີ້ ທີ່ຫ້ອງປະຊຸມຂອງ ພະແນກພາຍໃນແຂວງຫຼວງພະ ບາງ ໂດຍການເປັນປະທານຂອງ ທ່ານ ບົວທອງ ແພງສະຫວັນ ປະທານກວດກາພັກ-ລັດແຂວງ ຫຼວງພະບາງ, ທ່ານ ແພງລີ ລາວົງ ຮອງເຈົ້າແຂວງຜົ້ງສາລີ ແລະ ທ່ານ ບົວສົດ ສຸວັນນະກຸມມານ ຫົວໜ້າກົມແຜນທີ່ແຫ່ງຊາດ, ມີ ຕາງໜ້າຈາກກະຊວງພາຍໃນ, ພາກສ່ວນທີ່ກ່ຽວຂ້ອງສອງແຂວງ ເຂົ້າຮ່ວມ.

    ກອງປະຊຸມຄັ້ງນີ້ໄດ້ລາຍງານ ສະພາບການແກ້ໄຂເຂດຊາຍແດນ ເຊື່ອມຕໍ່ລະຫວ່າງ ແຂວງຫຼວງພະ ບາງກັບແຂວງຜົ້ງສາລີໃນໄລ ຍະຜ່ານມາ ແລະນຳສະເໜີວິທີ ແກ້ໄຂເຂດເຊື່ອມຕໍ່ລະຫວ່າງ ເມືອງນ້ຳບາກ, ເມືອງໂພນທອງ ແຂວງຫຼວງພະບາງກັບເມືອງໃໝ່ ແລະເມືອງຂວາ ແຂວງຜົ້ງສາລີ. ພ້ອມນີ້ກອງປະຊຸມຍັງໄດ້ຄົ້ນ ຄວ້າປຶກສາຫາລືຢ່າງກົງໄປກົງ ມາ ແລະຕົກລົງເປັນເອກະພາບ ກັນຮັບຮອງເອົາຈຸດເຊື່ອມຕໍ່ເຂດ ຕ່າງໆເຊັ່ນ: ເຫັນດີກຳນົດເອົາ ເຂດເຊື່ອມຕໍ່ລະຫວ່າງບ້ານຜາ ທອງ ເມືອງນ້ຳບາກ ແຂວງຫຼວງ ພະບາງກັບບ້ານຫ້ວຍສະແລງ ເມືອງຂວາ ແຂວງຜົ້ງສາລີ, ເຫັນ ດີກຳນົດເອົາເຂດເຊື່ອມຕໍ່ລະ ຫວ່າງບ້ານຫ້ວຍແວນ ເມືອງ ໂພນທອງ ແຂວງຫຼວງພະບາງ ກັບ ບ້ານປາງຫົກ ເມືອງໃໝ່ ແຂວງ ຜົ້ງສາລີ. ຈາກນັ້ນທັງສາມຝ່າຍກໍ ໄດ້ເປັນເອກະພາບກັນລົງນາມ ເຊັນບົດບັນທຶກຄວາມເຂົ້າໃຈ ເພື່ອນຳສະເໜີຕໍ່ສະພາປະຊາຊົນ ຂອງແຕ່ລະແຂວງ, ກະຊວງພາຍ ໃນ ແລະສະພາແຫ່ງຊາດ ໄດ້ຄົ້ນ ຄວ້າ ແລະພິຈາລະນາເຫັນດີຮັບ ຮອງເອົາຢ່າງເປັນທາງການ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ