ເຜີຍແຜ່ກົດໝາຍສະຖິຕິ ແລະ ຍຸດທະສາດພັດທະນາແບບຍືນຍົງ

   ກອງປະຊຸມເຜີຍແຜ່ກົດໝາຍສະຖິຕິ ແລະຍຸດທະສາດພັດທະນາລະບົບສະຖິຕິແຫ່ງ ຊາດ ແບບຍືນຍົງໄດ້ຈັດຂຶ້ນທີ່ຫ້ອງວ່າການປົກ ຄອງແຂວງຄຳມ່ວນໃນວັນທີ 6 ເມສາ 2018 ພາຍໃຕ້ການເປັນປະທານຮ່ວມຂອງ ທ່ານ ບຸນມີ ພິມມະສອນ ຮອງເຈົ້າ

ແຂວງໆຄຳມ່ວນ, ທ່ານ ນາງ ພອນສາຫຼີ ສຸກສະຫວັດ ຮອງຫົວ ໜ້າສູນສະຖິຕິແຫ່ງຊາດ, ໂດຍມີຕາງໜ້າບັນດາ ພະແນກການ, ພະນັກງານຈາກສູນສະຖິຕິສູນ ກາງ ແລະທ້ອງຖິ່ນຕະຫຼອດຮອດວິຊາການທີ່ ກ່ຽວຂ້ອງອ້ອມຂ້າງແຂວງ ແລະເມືອງເຂົ້າຮ່ວມ.

   ເປັນກຽດເຜີຍແຜ່ກົດໝາຍສະຖິຕິ ແລະ ຍຸດທະສາດພັດທະນາລະບົບສະຖິຕິແຫ່ງຊາດແບບຍືນຍົງ 2016-2025 ແລະວິໄສທັດ ຮອດປີ 2030 ໂດຍທ່ານ ນາງ ພອນສາຫຼີ ສັກ ສະຫວັດ ຊຶ່ງກົດໝາຍສະຖິຕິແມ່ນປະກອບມີ 10 ພາກ ແລະ 81 ມາດຕາ. ຈຸດປະສົງກໍ່ເພື່ອ ແນໃສ່ເຮັດໃຫ້ຖັນແຖວພະນັກງານ-ວິຊາ ການຈາກບັນດາພະແນກການ, ຂະແໜງການ ຕ່າງໆອ້ອມຂ້າງແຂວງ ແລະເມືອງໄດ້ຮັບຮູ້ ເຊື່ອມຊຶມ, ເຂົ້າໃຈ, ກຳໄດ້ຫຼັກການ, ລະບຽບ ການ ແລະມາດຕະການກ່ຽວກັບການຈັດຕັ້ງ, ການຄຸ້ມຄອງຕິດຕາມ ແລະກວດກາວຽກງານ ສະຖິຕິ ເຮັດໃຫ້ວຽກງານດັ່ງກ່າວໄດ້ຮັບການພັດທະນາຢ່າງເປັນລະບົບກ້າວເຂົ້າສູ່ຄວາມ ທັນສະໄໝ, ໜັກແໜ້ນ ແລະມີປະສິດທິພາບ, ຮັບປະກັນຂໍ້ມູນສະຖິຕິຄົບຖ້ວນ, ຊັດເຈນ, ທັນ ເວລາ ແລະສອດຄ່ອງກັບຄວາມເປັນຈິງ, ສາ ມາດເປັນບ່ອນອີງໃຫ້ແກ່ການກຳນົດທິດທາງ ໜ້າທີ່ ແລະຄາດໝາຍລວມຂອງແຜນພັດທະນາ ເສດຖະກິດ-ສັງຄົມແຫ່ງຊາດ, ສາມາດເຊື່ອມ ໂຍງກັບພາກພື້ນ ແລະສາກົນເພື່ອປະກອບສ່ວນ ໃນການສ້າງສາພັດທະນາປະເທດຊາດໃຫ້ມັ່ງ ຄັ່ງເຂັ້ມແຂງ, ຍຸຕິທຳ ແລະສີວິໄລ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ