ດີເລີດຮັບຈັດງານລ້ຽງຖືເອົາຄຸນນະພາບບໍລິການລູກຄ້າເປັນຫຼັກ

     ເຮັດທຸລະກິດການບໍລິການຮັບຈັດງານລ້ຽງ, ງານດອງ ຊຶ່ງກໍ່ເປັນອີກໜຶ່ງທີ່ໄດ້ທຸມເທເອົາໃຈໃສ່ກັບລູກຄ້າທຸກຮູບແບບບໍ່ວ່າຈະເປັນການອອກແບບສະຖານທີ່ຕັ່ງເຕັ່ນ, ໂຕະ, ການຕົບແຕ່ງອຸປະກອນລວມ ທັງການຈັດເສີບອາຫານຂຶ້ນໂຕະ ແລະອື່ນໆແຕ່ສຳລັບຮ້ານບໍລິການດີໄດ້ຄຸນນະພາບມາດຕະຖານ ແລະມີແບບຄົວວົງຈອນຕ້ອງແມ່ນຮ້ານດີເລີດທີ່ເປັນຮ້ານທີ່ໄວ້ວາງໃຈໃຫ້ບໍລິການດີຕໍ່ລູກຄ້າ.

 

     ທ່ານນາງ ມິດລິສາ ລາດຊະວົງ ເຈົ້າຂອງຮ້ານດີເລີດໄດ້ໃຫ້ສຳພາດຕໍ່ນັກຂ່າວໜັງສືພິມເສດະກິດ-ສັງຄົມວ່າ: ຈຸດເລີ່ມຕົ້ນກ່ອນຈະມາ ເຮັດທຸລະກິດນີ້ຕົນເອງຮຽນຈົບການປຸງແຕ່ງສ່ວນສາມີແມ່ນເຮັດ ວຽກການອອກແບບກໍ່ສ້າງຈາກປະສົບນີ້ເລີຍເກີດມີແຮງບັນດານໃຈ ຢາກເຮັດທຸລະກິດຮັບຈັດງານລ້ຽງອີກດ້ານໜຶ່ງກໍ່ເມື່ອເຫັນວ່າບ້ານ ເມືອງເຮົາຢູ່ໃນພັດຕະຄານຈັດງານລ້ຽງງານດອງຍັງບໍ່ທັນຕອບສະໜອງຢ່າງທົ່ວເຖິງ ສະນັ້ນໃນປີ 2015 ໄດ້ຕັດສິນໃຈສ້າງຕັ້ງຮ້ານ ດີເລີດຂຶ້ນມາເພື່ອເຮັດໃຫ້ປະຊາຊົນ ສະດວກສະບາຍເວລາຈັດງານ ຊຶ່ງເປີດເບື້ອງຕົ້ນກໍ່ພົບຄວາມຫຍຸ້ງຍາກຫຼາຍສົມຄວນເພາະວ່າລູກຄ້າ ກໍຍັງບໍ່ທັນຮູ້ຫຼາຍ, ອຸປະກອນເຄື່ອງ ມືກໍໄດ້ຍັງເຊົ່າຈາກຮ້ານອື່ນ ແລະການບໍລິຫານກໍ່ຍັງບໍ່ສຳນານລະບົບການຈັດງານປານໃດ.

 

     ມາຮອດປະຈຸບັນຮ້ານດີເລີດມີພະນັກງານ 40 ກວ່າຄົນ ແລະມີເຄື່ອງມືອຸປະກອນຮັບໃຊ້ຄົບວົງຈອນ ຊຶ່ງມື້ໜຶ່ງສາມາດຮັບຈັດໄດ້ 5 ງານບໍ່ວ່າຈະເປັນຮັບຈັດງານລ້ຽງ, ງານສ້າງສັນທຸກປະເພດ, ບໍລິການ ໃຫ້ເຊົ່າໂຕະ, ເຕັ່ນ, ວົງດົນຕີ, ຕົບແຕ່ງດອກໄມ້  ແລະອື່ນໆສຳລັບ ລາຄາບຸບເຟ່ເລີ່ມຕັ້ນແມ່ນ 45-50 ພັນກີບຕໍ່ 1 ຄົນ, ຖ້າເປັນໂຕະຈີນ ແມ່ນເລີ່ມຕົ້ນ 8 ລ້ານກີບຂຶ້ນໄປ ສຳລັບແພັກເກັດລາຄາ 33 ກວ່າລ້ານກີບ ແມ່ນມີຄົບສຳລັບງານ ດອງເຊັ່ນ: ອາຫານບຸບເຟ່ 300 ບັດ, ມີເຕັ່ນ 4 ດາງ, ໂຕະຕັ່ງ 75 ຊຸດ, ໂຕະເຈົ້າພາບ 6 ຊຸດ, ມີພະນັກງານເສີບລວມທັງມີນ້ຳດື່ມ, ຜ້າອະນາໄມ ແລະອຸປະກອນອື່ນໆ ນອກນັ້ນຍັງໄດ້ຕົບແຕ່ງດອກໄມ້, ສາກຖ່າຍຮູບ, ກ່ອງບັດເຊີນ, ສາກໝາກ ເບັງພາຂວັນຄົບຊຸດ, ແຕ່ງໜ້າເຈົ້າສາວພ້ອມເຄື່ອງປະດັບ, ຕົບແຕ່ງພາຍໃນງານ ແລະຖ່າຍຮູບຟີ່ເວດ ດິງໃນສະຕູດີໂອທັງໝົດນີ້ ໂດຍມີ ເຄື່ອງໃຊ້ຄົບຊຸດຈະເຮັດໃຫ້ງານອອກມາສົມຢ່າງບູນ.

     ນອກຈາກນັ້ນ ຮ້ານດີເລີດຍັງ ເນັ້ນເອົາໃຈໃສ່ຕໍ່ລູກຄ້າທຸກຮູບແບບ ໂດຍຖືເອົາຄຸນນະພາບເປັນຫຼັກການເຊື່ອໝັ້ນຕໍ່ຜູ້ໃຊ້ບໍລິການເປັນຕົ້ນເວ ລາລູກຄ້າສັ່ງຈອງທາງທີມງານ ແມ່ນຈະໄດ້ລົງແນະນຳສະຖານທີ່ວ່າຄວນອອກແບບຕັ້ງພື້ນທີ່ຂະໜາດສໍ່າໃດ, ຕົບແຕ່ງລະບົບອຸປະກອນ ເຄື່ອງໄຟຟ້າສຳໃດເພື່ອໃຫ້ງານດັ່ງອອກມາຢ່າງສຳເລັດ ແລະສວຍງາມປະຈຸບັນລູກຄ້າທີ່ເຄີຍມາໃຊ້ບໍລິການກັບຮ້ານດີເລີດແມ່ນພາກສ່ວນອົງກອນ, ຫ້ອງການ, ສະຖາບັນຕ່າງລວມທັງໜ່ວຍງານພາກລັດ ແລະເອກະຊົນ ຊຶ່ງຖືວ່າເປັນໜຶ່ງທີ່ຍິ່ງຍອມຮັບວ່າໄດ້ຄຸນນະພາບແທ້ ຊຶ່ງສະແດງໃຫ້ເຫັນການສັ່ງຈອງຂອງອໍເດີ້ຈະເພີ່ມຂຶ້ນເລື້ອຍໆສະເລ່ຍ ພາຍໃນ 1 ເດືອນຈະມີລູກຄ້າຮັບຈັດ 30 ກວ່າງານ ໂດຍສະເພາະແມ່ນ ຢູ່ນະຄອນຫຼວງວຽງຈັນ, ແຂວງວຽງຈັນ ແລະບໍລິຄຳໄຊຄຽງຄູ່ກັນ ນັ້ນໃນທຸກໆປີຍັງໄດ້ປັບປຸງການບໍລິການ ແລະອຸປະກອນເຄື່ອງມືຂຶ້ນ ເລື້ອຍໆເພື່ອໃຫ້ລູກຄ້າໄດ້ນຳໃຊ້ ຕາມລະບົບທີ່ທັນສະໄໝ.

     ທ່ານນາງ ມິດລິສາ ລາດຊະວົງ  ຍັງໃຫ້ຮູ້ອີກວ່າ: ຮ້ານດີເລີດ ຂອງພວກເຮົາຍັງໄດ້ໃຫ້ການຊ່ວຍເຫຼືອຮັບໃຊ້ສັງຄົມກໍ່ຄືທີ່ຜ່ານມານີ້ແມ່ນໄດ້ສະໜັບສະໜູນມອບເຄື່ອງຊ່ວຍເຫຼືອໃຫ້ຄອບຄົວທີ່ຖືກຜົນກະທົບໄຟໄໝ້ຢູ່ບ້ານທົ່ງຂັນຄຳສຳລັບທ່ານໃດທີ່ຕ້ອງການຈັດງານລ້ຽງ, ງານດອງ, ຈັດງານກອງປະຊຸມ ແລະງານສ້າງສັນຕ່າງໆກໍ່ສາມາດຕິດ ຕໍ່ຫາຮ້ານດີເລີດຂອງພວກໄດ້ທີ່ສຳນັກງານຕັ້ງຢູ່ບ້ານນາແຄ ເມືອງໄຊເສດຖາ ນະຄອນຫຼວງວຽງຈັນ ໂທ: 020 23388663 ຫຼື ຕິດຕາມລາຍລະອຽດໄດ້ທີ່ເຟສບຸກ: ຮ້ານດີເລີດຮັບຈັດງານລ້ຽງງານດອງງານສ້າງສັນຕ່າງໆ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ