ບີເອັມດັບເບີ້ນຢູ ຕັ້ງເປົ້າຍອດຂາຍ 100 ກວ່າຄັນພາຍໃນປີນີ້

     ຈາກຍອດຈຳໜ່າຍລົດບີເອັມດັບເບີ້ນຢູ (BMW) ທີ່ຕັ້ງໄວ້ໃນປີທີ່ຜ່ານມາໄດ້ປະສົບຜົນສຳເລັດຕາມລະດັບຄາດໝາຍ, ຈຶ່ງເຮັດໃຫ້ຫ້ອງຂາຍ Premuim Auto Laos ຕັ້ງຍອດຂາຍລົດ BMW ໄວ້ທີ່ 100 ກວ່າຄັນ, ເນື່ອງຈາກເສດຖະກິດລາວ ພວມເຕີບໂຕ ແລະຕະຫຼາດຄວາມຕ້ອງ ການລົດປະເພດດັ່ງກ່າວກໍນັບມື້ ເພີ່ມຂຶ້ນເຊັ່ນກັນ.

 

     ທ່ານ ພົງຊະກອນ ໂຄດພົມສີ ຜູ້ຈັດການຝ່າຍບໍລິການຫ້ອງຂາຍ Premuim Auto Laos ໃຫ້ຮູ້ໃນພິທີຖະແຫຼ່ງຂ່າວເປີດໂຕລົດ The all-new BMW X3 ເມື່ອທ້າຍເດືອນທີ່ຜ່ານມາວ່າ: ດັ່ງທີ່ຮູ້ແລ້ວວ່າ BMW ເປັນລົດຫຼູອັນ ດັບ 2 ທີ່ມີຄວາມແຂງແຮງທົນ ທານ ແລະເໝາະສົມກັບທຸກຄົນທີ່ຂັບຂີ່ລົດໃນຕົວເມືອງ ແລະຊານເມືອງ, ທັງນີ້ກໍເພາະວ່າຜູ້ຜະລິດ ໄດ້ລິງເຫັນຄວາມສຳຄັນທາງ ດ້ານລະບົບຄວາມປອດໄພເປັນຫຼັກ, ສັງເກດໄດ້ຈາກການອອກແບບ ແລະຜະລິດເຄື່ອງຈັກໃຫ້ເຂົ້າກັບສະພາບການໃຊ້ງານ ກໍຄື ຄວາມຕ້ອງການຂອງແຕ່ລະທະ ວີບເຊັ່ນ: ທະວີບເອີຣົບ, ອາເມລິກາ ແລະອາຊີ, ດັ່ງນັ້ນ ຈຶ່ງເຮັດໃຫ້ລົດປະເພດດັ່ງກ່າວ ສາມາດຕອບໂຈດຄວາມຕ້ອງການໄດ້ດີສົມຄວນ ແລະໜຶ່ງໃນນັ້ນ ກໍມີຕະຫຼາດລົດໃນລາວເຮົານຳ.

     ໂດຍສັງເກດໄດ້ຈາກຍອດຈຳ ໜ່າຍໃນປີຜ່ານມາ ແມ່ນປະສົບ ຜົນສຳເລັດໄດ້ຕາມລະດັບຄາດໝາຍ, ສະເພາະຕະຫຼາດຈຳໜ່າຍ ລົດປະເພດດັ່ງກ່າວ ຢູ່ລາວນັບວ່າ ກວມເອົາ 40% ຂອງຕະຫຼາດລົດ ທັງໝົດໃນຂອບເຂດປະເທດ, ດັ່ງນັ້ນ ຈຶ່ງເຮັດໃຫ້ຫ້ອງຂາຍ Premuim Auto Laos ຕັ້ງເປົ້າຍອດຈໍາໜ່າຍລົດ BMW ໄວ້ 100 ກວ່າຄັນສະເພາະປີ 2018 ນີ້ ແລະເພື່ອເຮັດໃຫ້ຕົວເລກດັ່ງ ກ່າວບັນລຸຕາມແຜນການທີ່ຕັ້ງໄວ້ ຫ້ອງຂາຍ Premuim Auto Laos ກໍໄດ້ນໍາເອົາ The all-new BMW X3 ເຂົ້າມາຕີຕະ ຫຼາດດ້ວຍລາຄາ 103.900 ໂດລາ, ໂດຍເຊື່ອແນ່ວ່າລົດປະເພດ ດັ່ງກ່າວນີ້ ຈະເປັນທາງເລືອກ ແລະສາມາດຕອບໂຈດຄວາມຕ້ອງ ການລົດຫຼູຫຼາມີລະດັບໃນລາຄາ ທີ່ສາມາດຈັບຈອງໄດ້ ແລະສາມາດຈ່າຍເງິນໄດ້ໃນຫຼາຍຊ່ອງທາງ ແລ້ວແຕ່ຄວາມສາມາດຂອງ ກຸ່ມລູກຄ້າ.

     ຫ້ອງຂາຍ Premuim Auto Laos ມີບໍລິການຫຼາຍຢ່າງໃຫ້ ແກ່ລູກຄ້າໄດ້ເລືອກ ແລະລົດຫຼາຍລຸ້ນໃຫ້ລູກຄ້າໄດ້ເປັນເຈົ້າຂອງ ໂດຍສະເພາະແມ່ນລົດ BMW X3, ລົດ BMW X5 xDrive 30d, ລົດ BMW 740Li, ລົດ BMW 218i, ລົດ BMW X1 ແລະອີກຫຼາຍລຸ້ນແລ້ວແຕ່ລູກຄ້າຕ້ອງການ, ນອກນັ້ນ BMW ຍັງມີຫ້ອງຂາຍ Premuim Auto Laos ເປັນຈຸດສູນລວມຂອງການ ບໍລິການ, ໃຫ້ຄຳປຶກສາກ່ອນ-ຫຼັງການຊື້-ຂາຍລົດ ເພື່ອເຮັດໃຫ້ລູກຄ້າມີຄວາມເຊື່ອໝັ້ນ ແລະມາ ໃຊ້ບໍລິການລົດ BMW, ສຳລັບ ລູກຄ້າທ່ານໃດສົນໃຈລົດ BMW ລຸ້ນໃດ ກໍສາມາດເຂົ້າມາສອບຖາມກ່ອນໄດ້ ຫຼື ຈະເຂົ້າມາເບິ່ງ ດ້ວຍຕົວເອງກໍໄດ້ທີ່ຫ້ອງຂາຍ Premuim Auto Laos, ຕັ້ງຢູ່ບ້ານໜອງບອນ ເມືອງໄຊເສດຖາ ນະຄອນຫຼວງວຽງຈັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ