ໄດ້ແລ້ວນາງສາວສະຫວັນປະຈຳປີ 2016

    ພິ­ທີ​ປະ​ກວດ​ນາງ​ສາວ​ສະຫວັນ ປະ­ຈຳ​ປີ 2016 ໄດ້​ຈັດ​ຂຶ້ນໃນ​ຄ່ຳ​ຄືນ​ວັນ​ທີ 21 ກໍ­ລະ­ກົດ 2016 ທີ່​ສູນ​ການ​ຄ້າ​ສະ­ຫວັນ-ໄອ​ເຕັກ ແຂວງ​ສະ­ຫວັນ​ນະ​ເຂດ

ໂດຍ​ການເປັນ​ກຽດ​ເຂົ້າ​ຮ່ວມ​ຂອງ​ທ່ານ ຄຳ​ພູນ ຕຸ​ໄພ­ທູນ ແລະ​ທ່ານ ທ່ອນ ແກ້ວ ພຸດ​ທະ​ໄກ​ຍະ​ລາດ ຮອງ​ເຈົ້າ  ແຂວງ​ສະ­ຫວັນ​ນະ​ເຂດ, ມີ​ບັນ ດາ​ການ​ນຳ​ແຂວງ, ພະ­ແນກ­ການ ຕ່າງໆ​ອ້ອມ​ຂ້າງ​ແຂວງ, ບັນ­ດາ ເມືອງ​ຕ່າງໆ, ທຸ­ລະ​ກິດ​ຫ້າງ​ຮ້ານ ຕະ­ຫຼອດ​ມວນ​ຊົນ​ເຂົ້າ​ຮ່ວມ​ຊົມ ຮ່ວມ​ເຊຍ​ດ້ວຍ​ບັນ­ຍາ­ກາດ​ຟົດ­ຟື້ນ ມ່ວນ­ຊື່ນ.

    ທ່ານ ຄຳ​ຜຸຍ ສີ​ບຸນ​ເຮືອງ ເລ ຂາ​ຄະ­ນະ​ບໍ­ລິ­ຫານ​ງານ​ຊາວ​ໜຸ່ມ ແຂວງ, ທັງ​ເປັນ​ຄະ­ນະ​ກຳ­ມະ­ການ ຮັບ­ຜິດ­ຊອບ​ຈັດ​ງານ​ປະ​ກວດ​ນາງ ສາວ​ສະ­ຫວັນ ປະ­ຈຳ​ປີ 2016 ໄດ້ ລາຍ​ງານ​ໃຫ້​ຮູ້​ວ່າ: ສຳ­ລັບ​ການ ປະ​ກວດ​ນາງ​ສາວ​ຄັ້ງ​ນີ້​ທາງ​ແຂວງ ໄດ້​ມອບ​ໃຫ້​ຄະ­ນະ​ບໍ­ລິ­ຫານ​ງານ ຊາວ​ໜຸ່ມ​ແຂວງ​ເປັນ­ໃຈ​ກາງ​ໃນ​ການ​ປະ­ສານ​ສົມ­ທົບ​ກັບ​ທຸກ​ພາກ ສ່ວນ​ທີ່​ມີ​ສ່ວນ​ກ່ຽວ­ຂ້ອງ​ໃນ​ການ ຈັດ​ງານ​ຄັ້ງ​ນີ້. ສຳ­ລັບ​ການ​ກະ ກຽມ​ປະ​ກວດ​ນາງ​ສາວ​ສະ­ຫວັນ ຄັ້ງ​ນີ້​ທາງ​ຄະ­ນະ​ກຳ­ມະ­ການ​ພວກ ເຮົາ​ໄດ້​ແຈ້ງ​ການ​ຮັບ​ສະ­ໝັກ​ທົ່ວ ແຂວງ ແລະ​ກໍ​ໄດ້​ຮັບ​ຄວາມ​ສົນ ໃຈ​ຈາກ​ຊາວ​ໜຸ່ມ​ທີ່​ສັງ­ກັດ​ຢູ່​ຕາມ ສະ​ຖາ​ບັນ​ການ​ສຶກ​ສາ​ທັງ​ພາກ​ລັດ ແລະ​ເອ­ກະ​ຊົນ, ນອກ​ນັ້ນ​ກໍ​ຍັງ​ມີ ບັນ­ດາ​ເມືອງ​ຈຳ­ນວນ​ໜຶ່ງ​ກໍ​ໄດ້​ສົ່ງ ນາງ​ສາວ​ເຂົ້າ​ມາ​ຄັດ​ເລືອກ​ເປັນ ຈຳ­ນວນ​ຫຼາຍ​ສົມ­ຄວນ, ຜ່ານ​ການ ຄັດ​ເລືອກ​ຍັງ​ເຫຼືອ​ພຽງ 14 ນາງ ສາວ​ທີ່​ໄດ້​ມາດ­ຖານ, ເງື່ອນ­ໄຂ ແລະ​ພ້ອມ​ທີ່​ຈະ​ອວດ​ໂສມ ພ້ອມ ດ້ວຍ​ຄວາມ​ສະ­ຫງ່າ​ງາມ​ຂອງ​ຍິງ ລາວ​ເວົ້າ​ລວມ, ເວົ້າ​ສະ­ເພາະ​ນາງ ສາວ​ສະ­ຫວັນ​ນະ​ເຂດ​ທີ່​ມີ​ທັງ ຄວາມ​ງາມ, ຄຽງ​ຄູ່​ກັບ​ຄວາມ​ຮູ້, ຄວາມ​ສາ­ມາດ, ກ້າ​ສະ­ແດງ​ອອກ, ມີ​ຄວາມ​ພ້ອມ​ທີ່​ຈະ​ເປັນ​ຕົວ​ແທນ ໃຫ້​ແຂວງ​ສະ­ຫວັນ​ນະ​ເຂດ ເພື່ອ ເຄື່ອນ​ໄຫວ​ຮັບ​ໃຊ້​ສັງ­ຄົມ, ເຜີຍ­ແຜ່ ວັດ­ທະ­ນະ­ທຳ, ຮີດ­ຄອງ​ປະ­ເພ­ນີ ອັນ​ດີ­ງາມ​ຂອງ​ຊາດ​ກໍ​ຄື​ຂອງ ທ້ອງ­ຖິ່ນ ແລະ​ສິ່ງ​ສຳ­ຄັນ​ຜູ້​ຊະ­ນະ ເລີດ​ຈະ​ໄດ້​ເປັນ​ຕົວ​ແທນ​ນາງ​ສາວ ສະ­ຫວັນ​ນະ​ເຂດ​ເຂົ້າ​ຮ່ວມ​ປະ ກວດ​ນາງ​ສາວ​ລາວ​ທົ່ວ​ປະ­ເທດ ປະ­ຈຳ​ປີ 2016 ທີ່​ນະ­ຄອນ­ຫຼວງ ວຽງ​ຈັນ.

    ທ່ານ ຄຳ​ພູນ ຕຸ​ໄພ­ທູນ ກໍ​ໄດ້ ເປັນ​ກຽດ​ມີ​ຄຳ​ເຫັນ​ໃນ​ພິ­ທີ​ຄັ້ງ​ນີ້ ວ່າ: ການ​ປະ​ກວດ​ນາງ​ສາວ​ກໍ​ເປັນ ອີກ​ກິດ­ຈະ­ກຳ​ໜຶ່ງ​ໃນ​ການ​ປູກ​ຈິດ ສຳ­ນຶກ​ໃຫ້​ຍິງ​ໜຸ່ມ​ເຮົາ​ຮູ້­ຈັກ​ຖະ ໜອມ​ຮັກ​ຄວາມ​ເປັນ​ລາວ, ມີ ຄວາມ​ເອກ­ອ້າງ​ທະ​ນົງ​ໃຈ​ໃນ​ການ ສົ່ງ­ເສີມ​ວັດ­ທະ­ນະ­ທຳ, ການ​ນຸ່ງ ຖື​ອັນ​ທີ່​ເປັນ​ເອ­ກະ­ລັກ​ຂອງ​ຊາດ, ຂອງ​ທ້ອງ­ຖິ່ນ, ອະ­ນຸ​ຮັກ​ຮີດ­ຄອງ ປະ­ເພ­ນີ​ອັນ​ດີ­ງາມ​ຂອງ​ຊາດ​ໄວ້ ເພື່ອ​ໃຫ້​ໄວ​ໜຸ່ມ​ຮຸ່ນ​ໃໝ່​ໄດ້​ຮູ້​ໄດ້​ເຫັນອັນ​ສຳ­ຄັນ​ກໍ​ເພື່ອ​ເຜີຍ­ແຜ່​ວັດ​ທະ ນະ​ທຳ​ອັນ​ດີ­ງາມ​ອອກ​ສູ່​ສາຍ­ຕາ ຊາວ​ໂລກ​ຕື່ມ​ອີກ.

   ຜ່ານ​ການ​ຍ່າງ​ອວດ​ໂສມ​ໃຫ້ ຄະ­ນະ​ກຳ­ມະ­ການ​ທັງ 12 ທ່ານ ພ້ອມ​ດ້ວຍ​ແຂກ, ຜູ້​ແທນ ແລະ ມວນ​ຊົນ​ໄດ້​ເບິ່ງ​ໄດ້​ຊົມ ແລະ​ພ້ອມ ກັນ​ຊ່ວຍ​ພິ­ຈາ­ລະ­ນາ​ຈາກ 14 ນາງ ສາວ​ຄັດ​ເອົາ​ຍັງ​ເຫຼືອ​ພຽງ 5 ນາງ ສາວ, ຈາກ​ນັ້ນ​ກໍ​ໄດ້​ມີ​ການ​ຕອບ​ຄຳ​ຖາມ​ຈາກ​ຄະ­ນະ​ກຳ­ມະ­ການ. ຜ່ານ​ຈາກ​ການ​ຕັດ­ສິນ​ຈາກ​ສາຍ­ຕາ​ອັນ​ແຫຼມ​ຄົມ ແລະ​ສຽບ​ຂາດ ຂອງ​ຄະ­ນະ​ກຳ­ມະ­ການ​ໄດ້​ເລືອກ ເອົາ​ນາງ​ສາວ ຄິດ​ສະ­ໄໝ ບຸນ​ຕີ ວໍ­ລະ​ວົງ ເປັນ​ນາງ​ສາວ​ສະ­ຫວັນ ປະ­ຈຳ​ປີ 2016, ຮອງ​ອັນ​ດັບ​ໜຶ່ງ ໄດ້­ແກ່ ນາງ​ສາວ ແກ້ວ​ອຸ­ດອນ ໄຊຍະ​ພູມ, ຮອງ​ອັນ​ດັບ​ສອງ​ໄດ້­ແກ່ ນາງ​ສາວ ພອນ​ສະ­ຫວັນ ແສງ​ທະ ວີ​ສຸກ ແລະ​ຮອງ​ອັນ​ດັບ​ສາມ​ໄດ້ ແກ່​ນາງ​ສາວ ຈັນ​ຕຸ­ລາ ອິນ​ທະ​ວົງສາ ແລະ​ນາງ​ສາວ ອິນ­ທຸ​ອອນ ອ້ວນ​ມະ­ນີ.

ຄະແນນລາຍການນີ້
(1 Vote)

1 comment

  • ຈັນໄດ

    ຈັນໄດ - ວັນອັງຄານ, 26 ກໍລະກົດ 2016

    ງາມຫຼາຍ

ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ