ປະທານ ໄກສອນ ພົມວິຫານ ກັບແນວຄວາມຄິດໃນການສ້າງລັດແຫ່ງກົດໝາຍ

   ໃນທ່າມກາງທີ່ທົ່ວພັກທົ່ວ ລັດແລະ ທົ່ວປວງຊົນລາວທັງ ຊາດພວມສືບຕໍ່ຈັດຕັ້ງປະຕິບັດ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ 10 ຂອງພັກ ໃຫ້ເຂົ້າສູ່ລວງເລີກ

ແລະພ້ອມກັນສະເຫຼີມສະຫຼອງຜົນສຳເລັດຂອງບັນດາກອງປະຊຸມຕ່າງໆທີ່ໄດ້ຈັດຂຶ້ນໃນໄລຍະປີ 2015 ຫາ 2016 ທີ່ຜ່ານມານັ້ນຖືເປັນຜົນສຳເລັດ ແລະ ບົນພື້ນຖານທີ່ດີຂອງປະເທດເຮົາ ແຕ່ຄຽງຄູ່ກັນນີ້ສິ່ງໜຶ່ງທີ່ພວກເຮົາຍິ່ງຮູ້ບຸນຄຸນ ແລະຍັງລະນຶກເຖິງປະ ທານໄກສອນ ພົມວິຫານ ວິລະບູລຸດທີ່ຍິ່ງໃຫຍ່ຂອງຊາດ, ຜູ້ນຳ ການປະຕິວັດທີ່ກ້າແກ່ນ, ສະຫຼາດສ່ອງໃສ ແລະ ເຄົາລົບຮັກຂອງພັກ,ລັດ ແລະ ປວງຊົນລາວບັນດາເຜົ່າ ຊຶ່ງປີນີ້ວັນເກີດຂອງເພີ່ນກໍໄດ້ໝູນວຽນມາບັນຈົບຄົບຮອບ 96 ປີ (ວັນທີ 13 ທັນວາ 1920 ຫາວັນ ທີ 13 ທັນວາ 2016.

   ປະທານ ໄກສອນ ພົມວິຫານ ໄດ້ກ່າວ: ກົດໝາຍຂອງພວກເຮົາ ແມ່ນກົດໝາຍຂອງລະບອບປະຊາທິປະໄຕ ປະຊາຊົນ ການສ້າງກົດໝາຍຕ້ອງໄດ້ສະແດງເຖິງລັກສະນະຊົນຊັ້ນ, ລັກສະນະຊາດ ແລະ ລັກສະນະປະຊາຊົນ, ສະນັ້ນກົດໝາຍຕ້ອງໄດ້ສ່ອງແສງຢ່າງຈະແຈ້ງເຖິງໜ້າທີ່ການເມືອງຂອງພັກ, ຄວາມມຸ່ງມາດປາຖະໜາ ຂອງປະຊາຊົນເຜົ່າຕ່າງໆ ແລະ ເປັນການເສີມສ້າງຄວາມສັກສິດ ແຫ່ງການຄຸ້ມຄອງລັດ ດັ່ງນັ້ນ ໃນຂະບວນວິວັດແຫ່ງການສືບຕໍ່ສ້າງແລະຂະຫຍາຍລະບອບປະຊາທິ ປະໄຕປະຊາຊົນ, ພວກເຮົາຈະປ່ຽນແປງໃໝ່ການຈັດຕັ້ງຂອງລັດ ນັບທັງທາງດ້ານນິຕິບັນຍັດ, ບໍລິຫານ ແລະ ຕຸລາການ, ດຳເນີນ ການສ້າງລັດແຫ່ງອຳນາດກົດໝາຍປະຊາທິປະໄຕ ປະຊາຊົນດ້ວຍລະບົບກົດໝາຍທີ່ນັບມື້ນັບຄົບຖ້ວນເທື່ອລະກ້າວ ແລະເພີ່ນຍັງໄດ້ເວົ້າເຖິງຄວາມໝາຍຂອງ  ລັດແຫ່ງກົດໝາຍຕື່ມອີກວ່າ: ລັດແຫ່ງອຳນາດກົດໝາຍແມ່ນລັດ ທີ່ປະຕິບັດພັນທະຂອງຕົນຕໍ່ພົນ ລະເມືອງ, ພົນລະເມືອງກໍ່ປະຕິບັດ ພັນທະຂອງຕົນຕໍ່ລັດ.

   ໃນນັ້ນ ຕ້ອງເອົາໃຈໃສ່ກຳຈັດທ່າທີແບບຂາດຄວາມຮັບຜິດຊອບຂອງບັນດາອົງການລັດ ຕໍ່ປະຊາ ຊົນ ລັດແຫ່ງອຳນາດກົດໝາຍທັງແມ່ນຜະລິດຕະພັນ ແລະທັງແມ່ນ ບ່ອນອີງອັນໜັກແໜ້ນຂອງສັງຄົມ ສີວິໄລ... ນອກຈາກນັ້ນເພີ່ນຍັງ ໄດ້ຢ້ຳຕື່ມອີກວ່າ: ລັດແຫ່ງກົດ ໝາຍແມ່ນລັດທີ່ຖືກກົດໝາຍສູງ ກວ່າສິງໃດໆ ແລະສະຕິເຄົາລົບກົດໝາຍຂອງພົນລະເມືອງໄດ້ເປັນ ຄວາມຊິນເຄີຍໃນຊີວິດປະຈຳວັນ ແລ້ວການສ້າງລັດແຫ່ງກົດໝາຍ ຕ້ອງຜ່ານຂະບວນວິວັດອັນຍາວນານ ໂດຍຂຶ້ນກັບລະດັບການຂະ ຫຍາຍຕົວທາງດ້ານເສດຖະກິດ-ສັງຄົມຂອງປະເທດ, ຂຶ້ນກັບລະດັບຄວາມຮູ້, ຄວາມຕື່ນຕົວທາງ ການເມືອງ ແລະ ເງື່ອນໄຂອື່ນໆ ອີກຫຼາຍຢ່າງດັ່ງນັ້ນການຈະ ສ້າງກົດໝາຍໃດກໍ່ຕາມພວກເຮົາຕ້ອງອີງໃສ່ຈຸດພິເສດຂອງໄລຍະລະບອບປະຊາທິປະໄຕປະຊາຊົນ ພວກເຮົາບໍ່ໄດ້ປະຕິເສດວ່າການສ້າງລັດແຫ່ງກົດໝາຍນັ້ນແມ່ນ ຈຸດໝາຍອັນຍາວນານຂອງພວກເຮົາ ຊຶ່ງຕ້ອງໄດ້ເລີ່ມຈາກຕ່ຳຫາສູງເຮັດເທື່ອລະກ້າວຢ່າງໜັກ ແໜ້ນ, ເມື່ອສ້າງ ແລະປະກາດ ໃຊ້ກົດໝາຍອອກມາແລ້ວ, ການປະຕິບັດກົດໝາຍຈິ່ງແມ່ນການປະ ຕິບັດຕາມຂໍ້ກຳນົດກົດໝາຍທີ່ຊີ້ ບອກ, ມັນຕິດພັນຢ່າງສະໜິດ ແໜ້ນກັບການເຄົາລົບກົດໝາຍ, ເພາະວ່າການເຄົາລົບກົດໝາຍ ແມ່ນການບໍ່ກະທຳໃນສິ່ງທີ່ກົດໝາຍ ເກືອດຫ້າມ ຖ້າຈັດຕັ້ງປະຕິບັດກົດ ໝາຍຢ່າງເຂັ້ມງວດມັນຈະສ້າງ ຜົນປະໂຫຍດອັນໃຫຍ່ຫຼວງຕໍ່ການ ນຳພາຂອງພັກ, ສາມາດຮັກສາ ໄດ້ອຳນາດການປົກຄອງ, ເຮັດ ໃຫ້ເສດຖະກິດຂະຫຍາຍຕົວ, ຊີວິດ ການເປັນຢູ່ຂອງປະຊາຊົນດີຂຶ້ນ, ບົດບາດອິດທິພົນຂອງຊາດເດັ່ນຂຶ້ນ ໃນເວທີສາກົນ ແລະຮັບປະກັນ ເສັ້ນທາງກ້າວຂຶ້ນສັງຄົມນິຍົມ.

    ປະທານໄກສອນເຄີຍໄດ້ກ່າວ ວ່າ: ຕ້ອງໄດ້ມີມາດຕະການຮັບປະກັນຄວາມສັກສິດຂອງກົດໝາຍ,ໂຄສະນາ, ອະທິບາຍ, ສຶກສາໃຫ້ ພົນລະເມືອງທຸກຄົນມີສະຕິ ແລະ ຄວາມຊິນເຄີຍໃນການດຳລົງຊີິວິດ ແລະ ເຮັດວຽກຕາມລັດຖະທຳ ມະນູນ ແລະ ກົດໝາຍ,ເຖິງແນວໃດກໍ່ຕາມສະພາບ ການສ້າງລັດແຫ່ງກົດໝາຍັງມີ ຈຸດອ່ອນ, ຂໍ້ຂາດຕົກບົກຜ່ອງຈຳ ນວນບໍ່ໜ້ອຍທີ່ຕ້ອງຕັ້ງໜ້າແກ້ໄຂ, ເປັນຕົ້ນແມ່ນປະກົດການລະ ເມີດກົດໝາຍ ແລະບໍ່ປະຕິບັດກົດໝາຍຍັງມີລັກສະນະແຜ່ຫຼາຍຢູ່ ໃນສັງຄົມ, ເຖິງວ່າມີການແກ້ໄຂ ແຕ່ກໍບໍ່ເຖິງກົກ, ເຖິງຮາກ, ບໍ່ເດັດຂາດພາໃຫ້ປະຊາຊົນຂັດຂ້ອງ,ຈົ່ມວ່າ ແລະ ສົ່ງຜົນສະທ້ອນບໍ່ໜ້ອຍເຖິງບົດບາດການນຳພາ ຂອງພັກ, ການຄຸ້ມຄອງລັດ ແລະ ຄວາມສັກສິດຂອງກົດໝາຍ, ຄະນະພັກ ແລະ ອົງການປົກຄອງແຕ່ລະຂັ້ນຍັງບໍ່ທັນຖືກກົດໝາຍເປັນ ເຄື່ອງມືໃນການຄຸ້ມຄອງລັດ, ຄຸ້ມຄອງສັງຄົມຢ່າງແທ້ຈິງຍັງຖືເບົາຕໍ່ກົດໝາຍ, ການຜັັນຂະຫຍາຍ ແນວທາງນະໂຍບາຍຂອງພັກ, ລັດຖະທຳມະນູນ ແລະກົດໝາຍ ຍັງບໍ່ທັນເລິກເຊິ່ງ ແລະແທດເໝາະກັບສະພາບຕົວຈິງຂອງຂະແໜງການ ແລະ ທ້ອງຖິ່ນ, ການຫັນກົດ ໝາຍເປັນລະບຽບການ ຫຼື ສ້າງເປັນນິຕິກຳລຸ່ມກົດໝາຍເພື່ອສາມາດຈັັດຕັ້ງປະຕິບັດລະອຽດບໍ່ທັນໄດ້ດີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ