ອໍານາດການປົກຄອງແຂວງຈໍາປາສັກ ໄດ້ອະນຸຍາດໃຫ້ບໍລິສັດວິຄອມເຕັກໂນໂລຊີ ຈໍາກັດຜູ້ດຽວເປັນຜູ້ດໍາເນີນ ການສຶກສາສໍາຫຼວດ, ການເກັບກໍາຂໍ້ມູນໃນການຕິດຕັ້ງລະບົບເກັບເງິນຄ່າທໍານຽມລົດຜ່ານແດນ ແລະຄ່າທໍານຽມຄົນ ເຂົ້າອອກເມືອງດ້ວຍລະບົບທັນສະໄໝ ທີ່ດ່ານສາກົນວັງເຕົ່າເມືອງໂພນທອງ ແຂວງຈໍາປາສັກ.

     ຜ່ານມາເຖິງແມ່ນວ່າຈະມີຫຼາຍບັນຫາທີ່ທ້າທາຍ ແລະເປັນອຸປະສັກຕໍ່ການເກັບລາຍຮັບເຂົ້າງົບປະມານແຕ່ອໍານາດການປົກຄອງແຂວງຈໍາປາສັກກໍ່ໄດ້ສູ້ຊົນຢ່າງຕັ້ງໜ້າເຂົ້າໃນວຽກງານການຈັດຕັ້ງປະຕິບັດວຽກງານໃຫ້ເປັນໄປຕາມທິດທາງທີ່ວາງໄວ້ຊຶ່ງໃນ 6 ເດືອນຕົ້ນປີ 2017 ສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 642 ກວ່າຕື້ກີບ, ທຽບໃສ່ໄລຍະດຽວໃນປີຜ່ານມາເພີ່ມຂຶ້ນເລັກນ້ອຍ.

     ປາກເຊ ເມືອງເທສະບານແຂວງຈຳປາສັກແມ່ນອີກເມືອງໜຶ່ງຂອງລາວ ທີ່ມີອັດຕາການເຕີບໂຕດ້ານເສດຖະກິດ-ສັງຄົມຂະຫຍາຍຕົວຢ່າງໄວວາເນື່ອງຈາກເປັນເມືອງໃຫຍ່ມີປະຊາກອນອາໄສຢູ່ໜາແໜ້ນບວກກັບທີ່ຕັ້ງພູມສັນຖານກໍເປັນເມືອງທາງຜ່ານລະຫວ່າງເມືອງ, ແຂວງກໍຄືຕ່າງປະເທດ ຢ່າງໃດກໍຕາມມາກັບຄວາມຈະເລີນກໍປາສະຈາກບໍ່ໄດ້ຕໍ່ປາກົດການຫຍໍ້ທໍ້ຕ່າງໆເປັນຕົ້ນແມ່ນບັນຫາການຂີ້ລັກງັດແງະທີ່ເວລານີ້ປະຊາຊົນຢູ່ເມືອງດັ່ງກ່າວກຳລັງປະເຊີນຫຼາຍກວ່າໝູ່.

     ຖືວ່າເປັນປ້ຳນ້ຳມັນທີ່ໄດ້ຮັບຄວາມເຊື່ອໝັ້ນສູງ ແລະມີການບໍລິການທີ່ສາມາດດຶງດູດໃຈລູກຄ້າໄດ້ດີພໍສົມຄວນ ສຳລັບປ້ຳນ້ຳມັນ ພີທີທີ ເມືອງປາກເຊ ແຂວງຈຳປາສັກ ພາຍຫຼັງທີ່ບໍລິສັດດວງດີ ກໍ່ສ້າງໄດ້ໃຊ້ເງິນຫຼາຍ ກວ່າ 7,5 ຕື້ກີບ ເຂົ້າໃນການກໍ່ສ້າງປ້ຳນ້ຳມັນແບບທັນສະໄໝໃນຂະນະທີ່ປະຈຸບັນສາມາດສ້າງຍອດຂາຍບັນລຸໄດ້ 17 ພັນລິດຕໍ່ວັນ.

     ອໍານາດການປົກຄອງແຂວງຈໍາ ປາສັກກໍຄື ຂະແໜງການກ່ຽວຂ້ອງຍັງມີຄວາມຕ້ອງການງົບປະມານຈໍານວນຫຼາຍເພື່ອນໍາໃຊ້ເຂົ້າໃນວຽກງານກວດກາຄຸນນະພາບສີນຄ້າລວມທັງການຍົກລະດັບຄວາມຮູ້ຄວາມສາມາດຂອງບຸກ ຄະລາກອນໃຫ້ຄວບຄູ່ກັບຄວາມຮຽກຮ້ອງຕ້ອງການຂອງສັງຄົມ ໂດຍທີ່ພະແນກວິທະຍາສາດ ແລະເຕັກໂນໂລຊີແຂວງມີໜ້າທີ່ກວດກາສິນຄ້າເຖິງ 100 ກວ່າລາຍການ ແຕ່ປະຈຸບັນເຮັດພາລະບົດບາດ ໄດ້ພຽງ 3 ລາຍການສິນຄ້າ ຍ້ອນວ່າ ຂາດອຸປະກອນທີ່ຈໍາເປັນໃນການປະຕິບັດໜ້າທີ່.

     ບໍລິສັດບໍ່ທອງການກະເສດສົນໃຈສຶກສາສຳຫຼວດເນື້ອທີ່ດິນ 150 ເຮັກຕາຢູ່ເມືອງສຸຂຸມາ ແຂວງຈຳປາສັກ ເພື່ອປູກໄມ້ໄຜ່ເປັນອາຫານ, ນຳໃຊ້ເປັນພະລັງງານທົດແທນຖ່ານຫີນ ແລະເຄື່ອງຕົກແຕ່ງເຟີນີເຈີປະເພດຕ່າງໆ.

     ວຽກງານກວດກູ້ລະເບີດຕົກຄ້າງ ແຕ່ປາງສົງຄາມທີ່ຝັງຢູ່ພື້ນດິນແມ່ນວຽກງານໜຶ່ງທີ່ຜ່ານມາລັດຖະບານໄດ້ມີຄວາມເອົາໃຈໃສ່ໃນການຈັດຕັ້ງປະຕິບັດ ເພື່ອ ຄວາມປອດໄພຂອງພໍ່ແມ່ປະຊາຊົນ ສະເພາະແຂວງຈຳປາສັກ ປີນີ້ໄດ້ວາງຄາດ ໝາຍສູ້ຊົນຈະກວດກູ້ໃຫ້ໄດ້ 1,70 ຮ້ອຍເຮັກຕາ, ຜ່ານການຈັດຕັ້ງປະຕິບັດຕົວຈິງຮອດປະຈຸບັນສາມາດກູ້ບັນລຸໄດ້ແລ້ວ 52,29% ຂອງແຜນປີ.

     ເປີດຂຶ້ນຢ່າງມີບັນຍາກາດຟົດຟື້ນ ສໍາລັບງານຕະຫຼາດນັດສິນຄ້າກະສິກໍາ ແລະຫັດຖະກໍາຄັ້ງທີ 13 ທີ່ຊາວເມືອງບາຈຽງຈະເລີນສຸກ ແຂວງຈໍາປາສັກໄດ້ພ້ອມພຽງຮຽງໜ້າກັນຈັດຂຶ້ນເພື່ອວາງສະແດງຜົນຜະລິດ ແລະງານສີມືຂອງຕົນສູ່ສາຍຕາສັງຄົມ ໂດຍປີນີ້ມີຜູ້ເຂົ້າຮ່ວມວາງ ສະແດງຂາຍ 60 ກວ່າຮ້ານ ແລະມີເງິນໝູນວຽນໃນແຕ່ລະວັນປະມານ 100 ລ້ານກີບຕໍ່ວັນ.

     ໃນໂອກາດທີ່ທ່ານ ຮອງນາຍົກ ລັດຖະມົນຕີ ສອນໄຊ ສີພັນດອນ ລົງຢ້ຽມຢາມບັນດາແຂວງພາກໃຕ້ທີ່ແຂວງຈຳປາສັກທ່ານໄດ້ຮັບຊາບການພັດທະນາເສດຖະກິດ-ສັງຄົມໂດຍລວມຈາກ ທ່ານເຈົ້າແຂວງ ແລະໄດ້ແນະນຳແຂວງໃນ 2 ປະເດັນສຳຄັນຄືເອົາໃຈໃສ່ແກ້ໄຂບັນຫາການລັກລອບຄ້າໄມ້ຢ່າງຜິດກົດໝາຍ ແລະການກວດຄືນຂັ້ນຂອດບໍລິການທີ່ມີຫຼາຍຈຸດ-ຫຼາຍປ່ອງອັນເປັນການສ້າງຂໍ້ຫຍຸ້ງຍາກໃຫ້ແກ່ນັກລົງທຶນ.

     ເຂດທ່ອງທ່ຽວພູສະເຫຼົ້າ ເປັນອີກສະຖານທີ່ທ່ອງທ່ຽວແຫ່ງໜຶ່ງຂອງ ເມືອງໂພນທອງ ແຂວງຈໍາປາສັກ ທີ່ກໍາລັງໄດ້ຮັບຄວາມສົນໃຈຫຼາຍຈາກນັກເດີນທາງເພາະປະຈຸບັນມີເສັ້ນທາງຂຶ້ນ-ລົງສະດວກ ສະບາຍເຮັດໃຫ້ນັກທ່ອງທ່ຽວເດີນ ທາງຂຶ້ນໄປທ່ອງທ່ຽວຊົມວິວທິວ ທັດທີ່ສວຍງາມຫຼາຍຂຶ້ນເພາະນອກ ຈາກຈະມີລົມພັດເຢັນດີ ແລະງຽບ ສະຫງົບແລ້ວສະຖານທີ່ດັ່ງກ່າວ ຍັງສາມາດແນມເບິ່ງເຫັນທັດສະນີຍະພາບອັນສວຍງາມຂອງເມືອງປາກເຊນໍາອີກ.

  •  Start 
  •  Prev 
  •  1  2  3  4  5  6 
  •  Next 
  •  End 
Page 1 of 6

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ