ພິທີມອບເງິນນະໂຍບາຍອຸດໜູນຕໍ່ຜູ້ທີ່ມີຜົນງານ ແລະຄຸນງາມຄວາມດີຕໍ່ປະເທດຊາດ ໄດ້ຈັດຂຶ້ນໃນວັນທີ 8 ມັງກອນນີ້ ຢູ່ຫ້ອງປະຊຸມພະແນກແຮງງານ ແລະສະຫວັດດີການ ສັງຄົມແຂວງບໍລິຄຳໄຊ, ໂດຍເປັນກຽດເຂົ້າຮ່ວມຂອງທ່ານ ແດນປີ ມູນທະດີ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ມີບັນດາເຈົ້າເມືອງ, ຮອງເຈົ້າເມືອງ 7 ຕົວເມືອງ, ພະນັກງານປະຕິວັດອາວຸໂສ, ພະນັກງານບຳນານ ແລະພະນັກງານທີ່ກ່ຽວຂ້ອງພາຍໃນພະແນກເຂົ້າຮ່ວມ.

     ດ່ານພາສີສາກົນນ້ຳພາວ ເມືອງຄຳເກີດ ແຂວງບໍລິຄຳໄຊ ເຂັ້ມງວດຕໍ່ການຈັດຕັ້ງປະຕິບັດວຽກງານວິຊາສະເພາະເປັນຕົ້ນແມ່ນການຕ້ານ ແລະສະກັດກັ້ນການລັກລອບສິນຄ້າໜີພາສີ,

     ການຈັດຕັ້ງປະຕິບັດແຜນງົບປະມານໃນ 6 ເດືອນຕົ້ນປີ 2017 ທົ່ວແຂວງບໍລິຄຳໄຊ ໂດຍພາຍໃຕ້ການຊີ້ນຳ-ນຳພາຂອງອົງການປົກຄອງແຂວງ, ການໃຫ້ຄວາມຮ່ວມມືຈາກຫຼາຍພາກສ່ວນ ແລະຄວາມບຸກບືນສູ້ຊົນຂອງພະແນກການເງິນແຂວງເຮັດໃຫ້ການຈັດເກັບລາຍຮັບເຂົ້າງົບປະມານປະຕິບັດໄດ້ທັງໝົດ 378,089 ຕື້ກີບ, ລື່ນແຜນການທີ່ວາງໄວ້, ສ່ວນໃຫຍ່ລາຍຮັບໄດ້ມາຈາກການເກັບພາສີ-ອາກອນນຳເຂົ້າພາຫະນະ, ນ້ຳມັນເຊື້ອໄຟ, ກຸ່ມບໍລິສັດເຂື່ອນໄຟຟ້ານ້ຳຕົກ ແລະອື່ນໆ.

     ປະຈຸບັນສະພາບການລົງທຶນຢູ່ພາຍໃນແຂວງບໍລິຄຳໄຊຖືວ່າມີບັນຍາກາດຄຶກຄື້ນ ໂດຍນັກທຸລະກິດໄດ້ໃຫ້ຄວາມສົນໃຈເຂົ້າມາລົງທຶນຢ່າງຕໍ່ເນື່ອງໃນຂະແໜງການຕ່າງໆທີ່ແຂວງມີທ່າແຮງເພື່ອເປັນ ຕົວຊ່ວຍຊຸກຍູ້ໃຫ້ເສດຖະກິດ-ສັງຄົມພາຍໃນແຂວງຂະຫຍາຍຕົວສະເພາະໃນ 6 ເດືອນຕົ້ນ 2017 ແຂວງ ໄດ້ອະນຸມັດໃຫ້ເອກະຊົນພາຍໃນ ແລະຕ່າງປະເທດເຂົ້າມາລົງທຶນ 34 ໂຄງການມີມູນຄ່າການລົງທຶນທັງໝົດ 600 ຕື້ກວ່າກີບ.

     ແຂວງບໍລິຄຳໄຊ ໄດ້ເອົາໃຈໃສ່ໃນການຄຸ້ມຄອງຊຸກຍູ້ສົ່ງເສີມການຜະລິດເປັນສິນຄ້າ, ອຳນວຍຄວາມສະດວກໃຫ້ຜູ້ປະກອບການທາງດ້ານການຄ້າເຮັດໃຫ້ການສົ່ງອອກ-ນຳເຂົ້າສິນຄ້າກະທັດຮັດວ່ອງໄວຂຶ້ນກວ່າເກົ່າ ຊຶ່ງໄດ້ກາຍເປັນປັດໄຈເຮັດໃຫ້ໃນ 3 ເດືອນຕົ້ນປີ 2017 ແຂວງບໍລິຄຳໄຊ ສາມາດບັນລຸຕົວເລກການສົ່ງອອກສິນຄ້າແລ້ວ 100 ຕື້ກວ່າກີບ.

     ປະຈຸບັນ ແຂວງບໍລິຄຳໄຊ ກຳລັງກະກຽມລົງມືກໍ່ສ້າງ ແລະປັບປຸງທາງ 10 ເສັ້ນ ມີມູນຄ່າ 800 ຕື້ກວ່າກີບ ເພື່ອເປັນການຍົກລະດັບການຈະລາຈອນພາຍໃນເທສະບານແຂວງໃຫ້ມີຄວາມສະດວກວ່ອງໄວຂຶ້ນກວ່າເກົ່າ ຊຶ່ງບັນດາເສັ້ນທາງດັ່ງກ່າວແມ່ນໄດ້ ເຊັນສັນຍາການກໍ່ສ້າງກັບບໍລິສັດ ຫົວໜ້າກໍ່ສ້າງເປັນທີ່ຮຽບຮ້ອຍແລ້ວ ໂດຍຈະລົງມືກໍ່ສ້າງພາຍຫຼັງໝົດລະດູຝົນນີ້.

     ບໍລິຄຳໄຊເປັນແຂວງໜຶ່ງໄດ້ມີຄວາມເອົາໃຈໃສ່ຕໍ່ການຄຸ້ມຄອງ ແລະອອກໃບຕາດິນແກ່ພໍ່ແມ່ປະຊາຊົນສະ ເພາະປີ 2017 ໄດ້ອອກໃບຕາດິນແລ້ວ 5 ຮ້ອຍກວ່າຕອນ ຂະນະທີ່ໝົດປີນີ້ທາງແຂວງ ໄດ້ຕັ້ງເປົ້າໝາຍໃຫ້ໄດ້ທັງໝົດ 4 ພັນກວ່າຕອນນອນໃນ 7ເມືອງທີ່ຂຶ້ນກັບແຂວງ.

     ໃນໄລຍະຜ່ານມາການ ເບີກຈ່າຍເງິນເດືອນຫຼ້າຊ້າ ແມ່ນອີກບັນຫາໜຶ່ງທີ່ພັກ-ລັດ ໄດ້ມີຄວາມພະຍາຍາມແກ້ໄຂ ທັງນີ້ ກໍເພື່ອໃຫ້ທ່ວງທັນກັບສະພາບການໃຊ້ຈ່າຍອັນຈຳເປັນເຂົ້າໃນຊີວິດການເປັນ ຢູ່ຂອງພະນັກງານລັດອັນຈະເປັນອົງປະກອບສຳຄັນໜຶ່ງຕໍ່ການພັດທະນາຄອບຄົວ ກໍຄືປະເທດຊາດ ໃນນັ້ນ ສະເພາະບໍລິຄຳໄຊແມ່ນແຂວງໜຶ່ງທີ່ມີຄວາມເອົາໃຈໃສ່ຕໍ່ບັນຫາດັ່ງ ກ່າວ ໂດຍໃນປີ 2017 ນີ້ໄດ້ເບີກຈ່າຍເງິນເດືອນແລ້ວ 1 ຮ້ອຍກວ່າຕື້ກີບ, ສະເພາະພະນັກງານບາງສຳນັກງານ ແມ່ນເລີ່ມໄດ້ຮອດເດືອນມິຖຸນາແລ້ວ.

     ແຂວງບໍລິຄຳໄຊ ຖືວ່າເປັນແຂວງທຳອິດທີ່ລິ ເລີ່ມເນັ້ນການປູກຕົ້ນໄມ້ ປະດັບໜຶ່ງແລວທາງໜຶ່ງຊະນິດແນວພັນເບ້ຍໄມ້ ພາຍ ໃນເທສະບານແຂວງເມືອງ ເພື່ອເຮັດໃຫ້ຕົວເມືອງມີ ຄວາມສວຍງາມ ຂະນະທີ່ປີນີ້ມີແຜນປູກໄມ້ທັງໝົດ 3 ແສນເບ້ຍ, ສະເພາະໃນວັນທີ 1 ມິຖຸນາທີ່ຈະມາເຖິງ ນີ້ແມ່ນຈະປູກ 33 ພັນເບ້ຍ ໃນນັ້ນສະເພາະໄມ້ປະດັບທີ່ຈະປູກໃນເທສະບານແຂວງ 770 ເບ້ຍ.

     ເມືອງທ່າພະບາດໄດ້ສຸມໃສ່ຊຸກຍູ້ປະຊາຊົນຜະລິດກະສິກຳເປັນສິນຄ້າ, ພັດທະນາອຸດສາຫະກຳ ແລະຫັດຖະກຳເພື່ອສ້າງລາຍຮັບໃຫ້ ກັບປະຊາຊົນເຮັດໃຫ້ເສດຖະກິດ-ສັງຄົມພາຍໃນເມືອງຂະຫຍາຍຕົວຢ່າງຕໍ່ເນື່ອງ ຊຶ່ງໃນ 3 ເດືອນຕົ້ນປີສາມາດຈັດເກັບລາຍຮັບໄດ້ທັງໝົດ 800 ລ້ານກວ່າກີບ.

  •  Start 
  •  Prev 
  •  1  2  3  4 
  •  Next 
  •  End 
Page 1 of 4

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ