ປີນີ້ນະຄອນຫຼວງມີຜູ້ເສຍຊີວິດເກືອບ 300 ຄົນ ຍ້ອນອຸບັດຕິເຫດ

    ປະຈຸບັນສັງເກດໄດ້ວ່າອຸບັດເຫດ ຕາມທ້ອງຖະໜົນເກີດໃຫ້ເຫັນເກືອບທຸກ ມື້ເຖິງແມ່ນວ່າເຈົ້າໜ້າທີ່ຈະເຕືອນສະຕິສັງຄົມຢ່າງເປັນປະຈຳກໍຕາມແຕ່ຕົວ ເລກການເກີດອຸບັດເຫດໃນໜຶ່ງປີຜ່ານມາ ສະເພາະນະຄອນຫຼວງວຽງຈັນຍັງ ມີລັກສະນະເພີ່ມຂຶ້ນ ແລະມີຜູ້ເສຍຊີວິດ ເຖິງ 266 ຄົນ.

 

    ທ່ານ ສັງຄົມ ພົມມະລາດ ຮອງຫົວ ໜ້າພະແນກຕຳຫຼວດຈະລາຈອນນະຄອນຫຼວງວຽງຈັນໃຫ້ ສຳພາດຜ່ານທາງໂທລະສັບຕໍ່ນັກຂ່າວ ເສດຖະກິດ-ສັງຄົມຮູ້ວ່າ: ສຳລັບການ ເກີດອຸບັດເຫດທີ່ເພີ່ມຂຶ້ນຫຼາຍທ່ານກໍ ອາດຮູ້ແລ້ວວ່າປະຈຸບັນສະພາບເສດ ຖະກິດບ້ານເຮົາຖືວ່າມີການຂະຫຍາຍ ຕົວຢ່າງໄວ ແລະພາຫະນະກໍເພີ່ມຂຶ້ນທີ່ ເປັນສາເຫດພາຕົວເລກການເກີດອຸ ບັດເຫດເພີ່ມ ສະເພາະນະຄອນຫຼວງວຽງ ຈັນລະຫວ່າງວັນທີ 15 ກັນຍາ 2015 ຫາ 15 ກັນຍາ 2016 ມີອຸບັດເຫດເກີດ ຂຶ້ນທັງໝົດ 1.050 ຄັ້ງ, ພາຫະນະເປ່ ເພ 1.083 ຄັນ, ສົມຄວນ, 1926 ຄັນ, ໃຊ້ການບໍ່ໄດ້ 52 ຄັນ, ມີຄົນຮັບບາດ ເຈັບ 632 ຄົນ, ສົມຄວນ 781 ຄົນ, ສາຫັດ 349 ຄົນ ແລະເສຍຊີວິດ 266 ຄົນ. ສາເຫດສ່ວນໃຫຍ່ເກີດຈາກຄວາມ ປະມາດ, ຂັບຂີ່ໄວເກີນກຳນົດ, ເມົາ ແລ້ວຂັບ ແລະສາເຫດອື່ນໆ.

    ທ່ານຮອງຫົວໜ້າພະແນກຕຳຫຼວດ ຈະລາຈອນນະຄອນຫຼວງວຽງຈັນ ຍັງ ຝາກເຖິງພໍ່ແມ່ປະຊາຊົນຂອບເຂດທົ່ວ ປະເທດວ່າ: ໃນໄລຍະສົ່ງທ້າຍປີເກົ່າຕ້ອນ ຮັບປີໃໝ່ທີ່ຈະມາເຖິງນີ້ຢາກຮຽກຮ້ອງມາຍັງຜູ້ໃຊ້ລົດໃຊ້ຖະໜົນໃຫ້ເອົາໃຈ ໃສ່ປະຕິບັດກົດລະບຽບຢ່າງເຂັ້ມງວດ ສະຫຼອງໃຫ້ມີສະຕິ ທັງນີ້ກໍເພື່ອເປັນການ ຫຼຸດຜ່ອນອຸບັດເຫດ ແລະບໍ່ເປັນການເສຍ ຊັບສິນ, ເວລາ ແລະເສຍຊີວິດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ